Mateyo 5:22 - Baibo Busansulushi Bwa Libuku Ili

²² Sombi nebo ntoomulwiita ayi uyo woonse ucitile mfundilishi mubye, ulyeelete koomboloshekwa. Awooyo waambila mubye ayi, ‘Taaku mboobete!’ ulyeelete koomboloshekwa munkuta inene. Sombi uyo waamba ayi, ‘Webo omuluya!’ ulyeelete wawaalwa mumulilo utamaani.

Mateyo 5:22 Referans Kwoze

1 Joni 2:9

Uyo woonse waamba ayi uli mumumuni, sombi kaapatite mubye, ucili mumunshinshe abobulya.

Jemusi 3:6

Awalo mulaka uli anga ngumulilo. Uli anga ncishi ca bubi pakati ka shipansha shoonse sha mubili. Mulaka uyu ulalengesha mubili woonse abwikaalo bwa muntu kubica. Mulilo wa nguwo ulaswa kuli Satana kumusena wa bafu.

Taitasi 3:2

Ubalwiite ayi batanokwaambila muntu shibiibi nabi womwi, sombi kuba beshiluumuno, beshikulibombya alimwi bacite bulemu kumuntu woonse.

Mateyo 10:28

Mutaloondi baabo bacayabo mubili, sombi tabacikoonshi kucaya muuya. Amuloonde Lesa ukonsha kucaya mubili amuuya woonse mumulilo utamaani.

Mateyo 18:35

Mboboobo, abalo baTa bali kwiculu mbweshi bakacite kumuntu womwi awomwi wa mulikoto lyanu, utalekeleli mukwabo amoyo woonse.”

1 Pita 3:9

Na bantu bamubishisha nabi kumutukana, tamweelete kubabishisha nabi kubatukana amwebo. Sombi mwebo mulyeelete kusenga Lesa ayi abape coolwe mukwiinga Lesa wakamwiita kwaamba ayi mukatambule coolwe.

Bene Loma 12:10

Amusunane cancinencine mbuli banabankashi muli Klistu alimwi akunoolibambite kupaana bulemu.

1 Pita 2:23

Ndibakalinga kumutukana taakwe kubabooshesha. Ndibakamupensha taakwe kubakonga, sombi wakabika shoonse mumaansaakwe Lesa moomboloshi ululeme.

Mateyo 18:21

Mpomunyaawo Pita wakesa mukwiipusha Jesu ayi, “Nkambo, mukwesu na wambishisha, inga ndamulekelela mankanda ongaye? Sa ngamankanda osanwe aobilo?”

Kulumbaisha 109:3

Balaamba shintu shibiibi pali ndime, ndushinisho balandwana pataapu aceebo.

Kulumbaisha 37:8

Talamuka kukwaanga mikonya, ee, leka kukalala, utapengi amoyo ceebo ico cilaletela mapensho.

Judi 1:9

Nabi munene wa baanjelo Mikayelo, ndyaakalinga kupikishanya aMubiibi pacikani cakubwesa mutuntu wakwe Mose, taakwe kupa mulandu Mubiibi ulya camucobwe, sombi wakaambabo ayi, “Mwaami Lesa akupe mulandu!”

1 Joni 3:10

Anu bupusano buliiwo pakati ka bana bakwe Lesa abana ba Mubiibi mboobu. Uyo woonse utaciti shiluleme nabi utasuni mubye, teshi mwanaakwe Lesa.

Milimo ya Batumwi 17:18

Bamwi bafundishi beetwa ayi bene Epikuliya abaSitoiki bakatalika kumupikisha. Bamwi bakaamba ayi, “Anu ono alakwe uyu uteeite ulisuni kwaambanshi?” Abalo bamwi bakaamba ayi, “Caboneka anga utokwaamba pabalesa ba baswamashi.” Bakaamba boobo ceebo Paulo wakalinga kushimikila Makani Abotu akwe Jesu akubuka kuswa kubafu.

1 Bene Tesalonika 4:6

Mucikani ici kutabi muntu ubishisha mushominyina nabi kumulenga buluya. Twakamucenjeshawo kale ayi pacikani ici Lesa ulaakutondesha bukali kubantu bacita sheesho.

Maako 14:55

Bamatanjilili ba bapailishi alimwi abaabo boonse beendelesha nkuta, bakalinga kuyandoola bukamboni bwakwaamba ayi bacanine Jesu mulandu wakumucailaawo, sombi tabakwe kubucana.

Mateyo 26:59

Bamatanjilili ba bapailishi alimwi abaabo boonse beendelesha munkuta, bakalinga kuyandoola bukamboni bwakubekesha Jesu kwaamba ayi bamucanine mulandu wakumucailaawo.

Dutolonomi 15:11

Mulyeelete kwishiba ayi lyoonse palaakunooli bene Isilaeli bamwi bakandu abo bayandika kucafwikwa. Paceebo ceeci, ndamwaambila ayi mulyeelete kunoobanyumfwila nkumbu akubacafwa.

Joni 11:47

Lyalo bamatanjilili ba bapailishi abaFalisi alimwi abeendeleshi ba nkuta bakabungana akwiipushanya ayi, “Tutoocita buyani? Amubone shaankamiko kufula nshaatoocita muntu uyu!

Ciyubululo 20:14

Lyalo lufu alimwi amusena wa bafu shakawaalwa mulweenge lwa mulilo. (Lweenge lwa mulilo ulu ndolufu lwabili.)

Milimo ya Batumwi 7:37

Mose uyu ngowooyo wakaambila bene Isilaeli ayi, ‘Lesa ulaakumutumina mulaluki mbuli ndime, eshi akaswe mulunyungu lwanu.’

Luka 12:5

Ono ntoomutondesha wooyo ngomweelete kuloonda. Amuloonde Lesa uyo weenga amana kucaya mubili ulicite nkusu shakuuwaala mumulilo utamaani. Ee, ntoomwaambila ayi amumuloonde.

Mateyo 5:44

Sombi nebo ntoomulwiita ayi, ‘Amusune balwani banu akubapaililaako abo bamupensha,

Mateyo 5:34

Sombi nebo ntoomulwiita ayi muteeleshi kulumbila napaceyi nakubi kulumbila ayi, ‘Kwiculu’ mukwiinga ncecuuna cakwe Lesa,

Mateyo 3:17

Mpeeke liswi lyakanyumfwika kuswa kwiculu ayi, “Uyu ngoMwanaangu ngoonsuni. Pali nguwe ndikondetwe abuumbi.”

Obadiya 1:10

“Ceebo ca shimfulunganya nshemwakacita kubamakwabanu bamulunyungu lwakwe Jakobo, mulaakulenshekwa nsoni, alimwi mulaakunyonywetwabo limwi.

Tushimpi 14:16

Musongo ulalemeka Mwaami Lesa akuswa kushibiibi, sombi muluya ulafwambaana kucita shintu cakubula kuyeeya.

Matalikilo 37:4

Mpeeke bamakwabo ndibakabona kwaamba ayi ishiwabo ulisunishi Josefu kwiinda mbabo, bakamupata cakwaamba ayi tebakalinga kusuni akwaambaakwe mukabotu.

1 Joni 5:16

Ono na umwi wabona mubye kaacita cibiibi citatoli kulufu, amupailileeko kwaamba ayi Lesa amupe buumi. Ntokwaambabo bacita shibiibi shitatoli kulufu. Sombi nkocili cibiibi citola kulufu, aboobo nshintokwaamba ayi inga wapailila mubye pali ncico.

Jemusi 2:20

Webo omuntu muluya sa ulisuni kwishiba kwaamba ayi lushomo lutacite micito taaku mbolubete?

Bene Ebulu 12:25

Paceebo ceeco, amucenjele kwaamba ayi mutakaki kunyumfwila wooyo utokwaamba amwebo. Boonse abo bakakaka kunyumfwila wooyo wakabacenjeshaako pacishi ca panshi pano kwiinda mumakani akwe Lesa, tabakwe kupuluka. Ono na twakaaka kunyumfwila wooyo utokwaamba kuswa kwiculu, ncakwiila aswebo teshi tukapulukeewo.

Bene Ebulu 5:9

Ndyaakamanisha mulimo wakwe woonse, wakaba nshila ya lupulusho lutamaani kubaabo boonse bamunyumfwila.

1 Bene Kolinto 6:10

beepi, balyabi, bacakolwa, beshimatushi nabi bapambi teshi bakenjile muBweene bwakwe Lesa.

1 Bene Kolinto 6:6

Sombi ncemucita ncakwaamba ayi, mushomi ulatola mushominyina kunkuta ya bantu bakunsengwe kwaamba ayi oomboloshekwe.

Milimo ya Batumwi 5:27

Ndibakenjisha batumwi umo mwakalinga boomboloshi, bakabeemika kunembo, mpeeke mupailishi munene wakatalika kubeepusha ayi,

Joni 15:25

Ishi shakacitika kweelana ambokulembetwe muMilawo yabo ayi, ‘Bakampatabo pataapu ceebo.’

Joni 8:48

Mpomunyaawo baJuda bakamwiipusha ayi, “Sa tatukwe kwaamba calushinisho nditwalinga twaamba ayi uli mwine Samaliya alimwi ayi ulicite shikaswa?”

Joni 7:20

Bantu baanji bakakumbula ayi, “Ulicite shikaswa webo! Ngani utooyanda kukucaya?”

Maako 15:1

Ndibwakaca macuunsacuunsa, bamatanjilili ba bapailishi, bamaloba, bafundishi ba Milawo alimwi abamwi boonse beendelesha nkuta, bakalifuyafuya pantu pomwi. Mpeeke Jesu bakamwaanga akumutola mumaansa akwe Pilato.

Mateyo 25:41

“Lyalo ulaakwaambila baabo beshi bakabe kulubasu lwa kucipiko ayi, ‘Amuswe kuli ndime, mwebo nomwakashinganwa! Kamuya kumulilo utamaani uyo wakabambilwa Mubiibi abaanjelo bakwe.

Mateyo 23:33

Mwebo nobana bansoka, nobana bampili! Ino mulaakuyuba buyani mulilo utamaani?

Mateyo 23:15

“Mapensho kuli ndimwe nobafundishi ba Milawo abaFalisi, mwebo nobantu nomwaamba nshemutaciti! Muleenda nyendo shakusubuka lweenge ashishi kwaamba ayi mukasandule muntu womwi. Na wasanduka, ulaba muntu weelete mumulilo utamaani kwiinda ndimwe nobeene.

Mateyo 17:5

Ndyaakalinga kucaamba, kwakaboneka likumbi lituba tuu lyakabafwekelela, lyalo mulikumbi umo mwakanyumfwika liswi lyakwaamba ayi, “Uyu ngoMwanaangu ngoonsuni alimwi muli nguwe ndakondwa. Amumunyumfwile!”

Mateyo 12:24

Sombi baFalisi ndibakanyumfwa makani aya, bakaamba ayi, “Taaku umbi, nguBilusebulu mwaami wa bashikaswa umupa nkusu shakubakusha.”

Mateyo 10:17

Mukabacenjelele bantu ceebo balaakumutola munkuta akumukwiipa mushoonde shabo.

Obadiya 1:12

Temwakalinga kweelete kukondwa ceebo ca mapensho abamakwabanu bene Juda, nabi kusangalala pabushiku ndibakalinga kunyonyoolwa, nabi kulisumpula ceebo cakuungumana kwabo.

Danyelo 3:19

Mpomunyaawo Nebukadinesa wakakalala abuumbi pali Shadileki, Mishaki aAbedinego. Ncakwiila ciwa cakwe cakasanduka ceebo ca bukali. Lyalo wakalwiita basebenshi bakwe ayi babike mulilo mumunyumbi akulengeshaamo kulungula kwiinda mbomuba lyoonse mankanda ali osanwe aobilo.

Danyelo 3:13

Nebukadinesa wakakalala abuumbi ndyaakanyumfwa makani ayo akubambila ayi balete basankwa abo botatwe kuli nguwe.

Malilo 3:52

Balwani bangu bakampatabo pataapu amulandu. Ndushinisho bakalinga kumfwimabo anga nkayuni.

Jelemiya 17:11

Muntu uyo ubilila munshila italuleme ulibo anga ngukwale ufukamina mayi ngaatana kushala. Buboni bulaakumumanina pakati ka nshiku sha buumi bwakwe. Lyalo kumamanino ulaakubonekabo bukaluyaluya.

Tushimpi 18:6

Maswi a muluya alamutola mumapensho. Mulomo wakwe ulamulengesha kuumwa.

Kulumbaisha 92:6

Utabete musongo taakoonshi kwishiba, ee, muluya taakoonshi kunyumfwishisha

Kulumbaisha 69:4

Abo bampatitebo kutaaku ncendakacita mbaanji kwiinda misusu yangu. Balwani bangu mbeshinkusu batooyanda kuncaya, balaamba shakubeca pali ndime mukundwana. Bakankakatisha kuboosha shintu nshentakwe kwiipa.

Kulumbaisha 49:10

Ndushinisho basongo abalo balafwa, batacite maano boonse balaloba, akunooshiyabo buboni bwabo kubamwi.

Kulumbaisha 35:19

Mutasuminishi balwani bangu, babeshi, kulisumpwita pali ndime kwiinda mukunkoma. Mutabaleeki bantu aba bampatitebo kutaaku ancindakacita kunangilisha meenso abiibi.

Kulumbaisha 25:3

Taaku muntu ulangila kucafwikwa kuswa kuli ndimwe weshi akalenshekwe nsoni. Sombi abo bafwambaana kwaalookila Mwaami Lesa ndushinisho balaakulenshekwa nsoni.

Kulumbaisha 14:1

Baluya mumyoyo yabo balaamba ayi, “Taaku Lesa.” Bantu abo mbamucita shibi, micito yabo njibiibi. Ncakwiila taaku ucita shibotu nabi womwi.

Neyemiya 5:8

Lyalo ndakabaambila ayi, “Swebo twakeelesha kulubula bamakwabesu baJuda abo bakoolishikwa busha kubaswamashi bakunsengwe. Ono mwebo mutokakatisha baJudanyinaanu kulyuulisha kuli ndimwe!” Bamatanjilili bakoomunabo tontolo mukwiinga bakabula maswi akukumbula.

2 Makani 16:10

Ici cakakalasha Asa abuumbi cakwaamba ayi mulaluki uyo wakamwaanga akumubika muntolongo. Ici cakalinga nceciindi Asa ndyaakatalika kupensha bantu bamwi calunkutwe.

1 Baami 21:4

Lyalo Aabu wakaya kumishaabo kaalisukeme alimwi kaaungumene abuumbi. Wakakalala abuumbi pamakani ayo Naboti mwine Jesiliilu ngaakaamba kuli nguwe. Wakashika woona pabulo bwakwe, walanga kulubumbu akukaka kulya.

2 Samwelo 16:7

Shimeyi wakacobola Defedi akwaamba ayi, “Swa! Swa! Omucayi webo, Satana wa muntu!

2 Samwelo 6:20

Ono Defedi ndyaakaboola kuŋanda ayi ape coolwe bamuŋanda yakwe, Mikali mwanaakwe Saulo wakaswa ayi amukumanye akwaamba ayi, “Ee, sunu kwalingaanka mwaami wa cishi ca Isilaeli kupanga liina, mbomwalinga kuliyaloola pameenso abasebenshi banakashi ba bacinenenene banu anga ngumuntu muntubo! Ne, lushinisho cilensha ansooni.”

Matalikilo 37:8

Mpomunyaawo bamakwabo bakeepusha ayi, “Sa utoyeeya ayi ulaakuba mwaami akulela ndiswe?” Aboobo bakeendaawo kumupata ceebo ca shiloto shakwe alimwi anshaakalinga kwaamba pali mbabo.

Dutolonomi 16:18

“Mukasale boomboloshi alimwi abacinenenene bamwi mumukowa wanu womwi awomwi mumandabala ayo Mwaami Lesa, Lesa wanu ngweshi akamupe. Bantu abo balyeelete kunokoombolosha cakutasalulula.

2 Makani 19:5

Wakasala moomboloshi mundabala yomwi ayomwi paayo akalinga kucite malinga muJuda.

Luka 22:66

Ndibwakaca, bamaloba ba baJuda, bamatanjilili ba bapailishi, abafundishi ba Milawo bakabungana. Mpeeke Jesu wakatolwa kuli mbabo.

Milimo ya Batumwi 4:15

Paceebo ceeco bakabaambila ayi baswe munkuta. Lyalo boomboloshi bakacaala kabalifuyafuya.

Milimo ya Batumwi 5:21

Batumwi ndibakanyumfwa makani aya, bakenjila muŊanda yakwe Lesa akutalika kwiisha. Ono mupailishi munene abeshikumucafwa bakeeta bamaloba ba baJuda ayi babe alibungano lya nkuta. Lyalo bakatuma bantu kuntolongo mukuleta batumwi kwaamba ayi boomboloshekwe.

Milimo ya Batumwi 6:12

Mukucita boobo bakakalasha bantu, bamaloba ba baJuda alimwi abafundishi ba Milawo. Kuswawaawo, bakacata Sitifini akumutola kunkuta ya baJuda.

Milimo ya Batumwi 6:15

Mpomunyaawo boonse boomboloshi bakalangilishisha Sitifini, lyalo bakabona ciwa cakwe kaciboneka anga nca munjelo.

Milimo ya Batumwi 22:30

Aboobo pabushiku bwakaboolaawo, mutanjilili munene uyo wakalinga kusuni kwishiba mulandu baJuda ngobakalinga kupa Paulo. Mpeeke wakaambila bashilumamba ayi baangulule Paulo akwaambila bamatanjilili ba bapailishi alimwi abeshinkuta boonse ayi babungane. Lyalo bakatola Paulo akumwiimika kunembo lyabo.

Milimo ya Batumwi 23:1

Mpomunyaawo Paulo wakalangilishisha beshinkuta akwaamba ayi, “Nobamakwesu, nshintootonsha mumoyo wangu kwaamba ayi ndekala buumi bululeme lyoonse pameenso akwe Lesa kushikila asunu.”

Milimo ya Batumwi 24:20

Nabi baaba bali waano inga bamulwiita na kuli mulandu ngobakancanina ndibakaŋombolosha beshinkuta babo.