Mateyo 5:21 - Baibo Busansulushi Bwa Libuku Ili

²¹ “Mwakanyumfwaawo bakulukulu mbobakalwiitikwa ayi, ‘Utacayi, mukwiinga uyo woonse ucaya mubye ulyeelete koomboloshekwa.’

Mateyo 5:21 Referans Kwoze

Dutolonomi 5:17

“ ‘Utacaayi muntu, sobwe.

Kulonga 20:13

“Utacaayi muntu, sobwe.

Mateyo 5:38

“Mwakanyumfwaawo bakulukulu mbobakalwiitikwa ayi, ‘Na muntu wakutulula liinso, awebo mutulule liinso, na ndiino ndyaakusokola, awebo musokole liino.’

Shakubelenga 35:12

Muntu uyo teshi akanoolibilika kumukwabo mufu shikuboosha cishole. Muntu wakacaya mubye teelete kucaikwa kaatana koomboloshekwa mumeenso a bantu boonse.

Mateyo 5:33

“Mwakanyumfwa alimwi mbobakaambilwa bakulukulu ayi, ‘Utalumbili cakubeca, sombi ucite kweelana ambowalumbila kuMwaami Lesa, Lesa wako.’

Mateyo 5:27

“Mwakanyumfwaawo bakulukulu mbobakalwiitikwa ayi, ‘Utaciti bulale.’

Mateyo 5:43

“Mwakanyumfwawo bakulukulu mbobakalwiitikwa ayi, ‘Usune mubyo, sombi upate mulwani wako.’

Dutolonomi 16:18

“Mukasale boomboloshi alimwi abacinenenene bamwi mumukowa wanu womwi awomwi mumandabala ayo Mwaami Lesa, Lesa wanu ngweshi akamupe. Bantu abo balyeelete kunokoombolosha cakutasalulula.

2 Samwelo 20:18

Walutundu wakaamba ayi, “Kalekale bantu bakalinga kwaamba ayi, ‘Koya ukakumbulwe kundabala ya Abelo.’ Ncakwiila abalo mbobakalinga kucita.

2 Makani 19:5

Wakasala moomboloshi mundabala yomwi ayomwi paayo akalinga kucite malinga muJuda.

1 Joni 3:15

Uyo woonse upatite mubye ngumucayi alimwi mulishi kwaamba ayi taaku mucayi ucite buumi butamaani muli nguwe.