Mateyo 28:9 - Baibo Busansulushi Bwa Libuku Ili

⁹ Cakuteengashila, Jesu wakabakumanya akwaamba ayi, “Mwaboneka.” Lyalo banakashi bakasena pafwaafwi, bamucata kushimpanta akumulambila.

Mateyo 28:9 Referans Kwoze

Mateyo 28:17

Ono ndibakamubona, bakamulambila. Sombi bamwi bakalinga kutonsha.

Mateyo 14:33

Lyalo bashikwiiya boonse bakalinga mubwaato bakamulambila akwaamba ayi, “Ncakwiila muli bana bakwe Lesa!”

Joni 20:28

Tomasi wakaambila Jesu ayi, “NoBaami bangu, nobaLesa bangu!”

Luka 24:52

Mpomunyaawo bakamulambila akuboolela kuJelusalemu kabasangalete abuumbi.

Joni 12:3

Lyalo Maliya wakanyamuna musaashi wa mafuta anunkila kabotu amakwebo eetwa ayi nadi, ayo ngaakapuumwita pashimpanta shakwe Jesu akushipukuta amisusu yakwe mwiine. Mpeeke muŋanda mwakesulabo keema kabotu ka mafuta ayo.

Luka 7:38

Wakashika weemikana kwisule lyakwe Jesu pafwaafwi ashimpanta kaalilabo buumpute. Wakatontosha shimpanta shakwe Jesu aminsonshi yakwe akutalika kwiipukuta amisusu yakwe. Mpeeke wakafyonta shimpanta akushitila mafuta ayo.

Ciyubululo 3:9

Ono bona, kubantu abo ba mulikoto lyakwe Satana, balibanda ayi mbaJuda, sombi kabateshi mbabo, ndaakulengesha ayi bakese mukufukama muliimfwa lyako. Lyalo balaakwishiba ayi ndikusuni.

2 Bene Kolinto 13:11

Ono nobamakwesu, amucaale kabotu. Amululamike buumi bwanu, mukutike milasho yangu. Kamunyumfwana, mwikale muluumuno. Lyalo Lesa shilusuno aluumuno ulaakuba amwebo.

Joni 20:19

PaSondo bushiku bweenka ubo macolesha, bashikwiiya bakalinga kubungene muŋanda ashisasa kashicalitwe cakutanjila muntu ceebo bakalinga kuloonda baJuda. Mpomunyaawo Jesu wakaboneka pakati kabo akwaamba ayi, “Luumuno lube amwebo.”

Luka 1:28

Munjelo ndyaakashika kuli Maliya wakamwaansha ayi, “Waboneka, webo noocite coolwe kuli Lesa. Lesa uli andiwe.”

Isaya 64:5

Mulacafwa bantu abo basuni kucita shiluleme ee, kucafwa baabo beebaluka nshila shanu shibotu. Twakamukalasha sombi twakatolelela kubisha. Ndushinisho nakubi kwaamba ayi mwakakalala pali ndiswe kuswabo kale kale tatuna kucilekaawo kubisha.

Mateyo 23:7

Balisuni kwaanshikwa cabulemu mumishika alimwi akwiitwa ayi, ‘Bafundishi’.

Mateyo 28:8

Aboobo bakaswa cakufwambaana kucuumbwe. Bakaloonda, sombi alimwi kabasangalete. Bakacica kuya mukulwiita bashikwiiya bakwe.

Mateyo 28:10

Mpeeke Jesu wakabaambila ayi, “Mutaloondi! Kamuya mukalwiite bamakwesu ayi baye kuGalili uko nkweshi tuye tukakumanine.”