Mateyo 27:51 - Baibo Busansulushi Bwa Libuku Ili

⁵¹ Paciindi ceenka ico, cisani cakalinga kushitilisha muŊanda yakwe Lesa, cakakwaamuka pakati, kuswa peculu apanshi. Cishi cakatenkaana amabwe akapasuka.

Mateyo 27:51 Referans Kwoze

Maako 15:38

Mpeeke cisani cakalinga kushitilisha muŊanda yakwe Lesa cakakwaamuka pakati, kuswa peculu tibili apanshi.

Bene Ebulu 6:19

Kulangila kwesu uku, kuli anga nceela cakwiimikisha bwaato mubuumi bwesu. Nkokwaamba ayi kulalengesha ayi tubule boowa alimwi tunooshinishite. Kulaakutushisha kwiculu muŋanda yakwe Lesa kwiinda mucisani cishitilisha akwinjila mumusena usalalite wa mukati.

Luka 23:45

Lyalo cisani cakalinga kushitilisha muŊanda yakwe Lesa cakakwamuka pakati.

Ciyubululo 11:19

Mpomunyaawo Ŋanda yakwe Lesa yakacaluka kwiculu, aLibokoshi lya Cipangano lyakaboneka nkomunya uko. Lyalo kwakatalika kubeka kwa mfula, kunyumfwika ciyobeyobe alimwi ashilulumo. Kwakaba citentanshi alimwi amfuula ya mabwe inene.

Mateyo 27:54

Ono munene wa bashilumamba mwaanda, abashilumamba abo mbwaakalingaabo kabalindilila Jesu, ndibakabona citentanshi ashimwi shintu shoonse shakacitika, bakaloonda abuumbi, akwaamba ayi, “Ncakwiila, uyu muntu wakalinga Mwanaakwe Lesa!”

Mateyo 28:2

Mpeeke kwakacitika citentanshi cinene ceebo munjelo wa Mwaami wakaseluka kuswa kwiculu wakunkulusha libwe lyakalinga kucuumbwe akwikalaawo.

Isaya 25:7

Mpomunyaawo pakalundu mpweshi akafwekwite bantu likumbi lya buumba ilyo lyalinga pamishobo yoonse.

Ciyubululo 11:13

Paciindi ncemunya ici, kwakaba citentanshi cinene abuumbi. Mpeeke cipansha calikumi ca ndabala inene cakanyonyooka alimwi abantu bali 7,000 bakafwa. Lyalo bantu boonse bakacaala bakaloonda abuumbi akutalika kulumbaisha Lesa wa kwiculu ceebo ca nkusu shakwe.

Bene Ebulu 9:3

Kwisule lya cisani cakalinga kushitilisha mwakalinga cipinda cakalinga kwiitwa ayi Musena Usalalite Wiindaawo.

Abakuku 3:10

Tulundu nditwakamubona twakatalika kutenkaana. Mfula yakaloka abuumbi. Lweenge lulaamfu lwakawoota aalo maaba akakomena abuumbi.

2 Makani 3:14

Bakatunga cisani cakushitilisha citeshimite cibotu ca kuMusena Usalalite Wiindaawo, citungitwe abooya bwa mbelele buboneka anga ndiculu, bufubelafubela alimwi abusalalabo pyu. Bakatungilaawo bakelebu.

Bene Lefi 21:23

Sombi ceebo ca bulema mbwaacite, teelete kushika pafwaafwi acisani cisalalite cakushitilisha nabi kuya kucipaililo. Teelete kulengesha ayi shintu shisalalite ishi shikabule kunoosalalite mukwiinga ndime Mwaami Lesa uyo ushisalasha.”

Abakuku 3:13

Mwakesa mukufuna bantu banu, ee, akupulusha baabo mbomwakasala. Mwakapwayoola mutanjilili wa bamucita shibi akunyonyoola bantu bakwe boonse.

Kulumbaisha 18:15

Panshi lya lweenge pakacaalabo patuba, lwiimbi lwa cishi ca panshi lwakafwekulwa NoBaami baLesa ndimwakakalalila balwani banu. Ee, noBaami baLesa mwakababulumina cabukali.

Kulumbaisha 18:7

Lyalo kwakaba citentanshi mucishi ca panshi. Liculu alyalo lyakatenkaanishikwa ceebo Mwaami Lesa wakakalala.

Bene Lefi 16:2

Wakaamba ayi, “Lwiita mukwanu Aloni ayi teelete kwiinjila muMusena Usalalite Wiindaawo uli kwisule lya cisani cakushitilisha kulilabo na wayanda, mukwiinga umo moombonekela mulikumbi peculu lya cifwekesho ca Libokoshi lya Cipangano. Na akabule kunyumfwila, ulaakufwa.

Kulonga 40:21

Lyalo wakenjisha Libokoshi ilyo muTente akukobeka cisani cakushitilisha. Mukucita boobo, wakashitilisha Libokoshi lya Cipangano kweelana abwakamwaambila Mwaami Lesa.

Shakubelenga 4:5

Na ciindi cakulonga cashikila, Aloni abana bakwe basankwa balyeelete kwinjila muTente akwaangula cisani cakushitilisha cili kunembo lya Libokoshi lya Cipangano alimwi akufweka Libokoshi ilyo ancico.

Luka 23:47

Mpomunyaawo munene wa bashilumamba mwaanda ndyaakabona boobo, wakalumbaisha Lesa akwaamba ayi, “Ncakwiila uyu muntu wakalinga kululeme!”