Mateyo 27:40 - Baibo Busansulushi Bwa Libuku Ili

⁴⁰ kabaamba ayi, “Webo ndiwe wakalinga kwaamba ayi ulaakumwayulula Ŋanda yakwe Lesa akwiiyaka alimwi munshiku shotatwe. Ono na uli Mwanaakwe Lesa lipulushe tubone, useluke pamucilingano!”

Mateyo 27:40 Referans Kwoze

Mateyo 26:61

akwaamba ayi, “Uyu muntu wakaamba ayi, ‘Nebo, ndakonsha kumwaaya Ŋanda yakwe Lesa, akwiiyaka alimwi munshiku shotatwe.’ ”

Mateyo 4:6

Mpeeke wakaambila Jesu ayi, “Na uli Mwanaakwe Lesa, liwaale panshi, mukwiinga cililembetwe muMalembo akwe Lesa ayi, ‘Lesa ulaakutuma baanjelo bakwe ayi bakakubaake,’ alimwi ayi, ‘Balaakukubaka kwaamba ayi utacisi cimpanta cako kulibwe.’ ”

Mateyo 4:3

Ono alakwe Mubiibi shikusunka wakesa akumwaambila ayi, “Na uli Mwanaakwe Lesa, ambila mabwe aya asanduke cakulya.”

Ciyubululo 11:10

Bantu ba mucishi ca panshi balaakusangalala ceebo ca lufu lwa bakamboni bobilo aba. Balaakusekelela akupaana shipo mukwiinga balaluki bobilo aba bakaleta mapensho anene abuumbi kubantu.

Luka 16:31

Abulaamu wakamwaambila ayi, ‘Na tabanyumfwili Mose abalaluki bakulukulu, teshi bakanyumfwe nabi umwi wabuka kuswa kubafu.’ ”

Mateyo 27:54

Ono munene wa bashilumamba mwaanda, abashilumamba abo mbwaakalingaabo kabalindilila Jesu, ndibakabona citentanshi ashimwi shintu shoonse shakacitika, bakaloonda abuumbi, akwaamba ayi, “Ncakwiila, uyu muntu wakalinga Mwanaakwe Lesa!”

Mateyo 27:42

“Wakalinga kupulusha bamwi, sombi waalilwa kulipulusha mwiine. Sa te ngomwaami wa Isilaeli? Aaseluke ono pamucilingano kwaamba ayi tushome muli nguwe.

Mateyo 16:4

Bantu ba cecino ciindi, bamucita shibi, batashomeki kuli Lesa balisuni citondesho. Ono taaku nceshi batondeshekwe, sombibo citondesho cakwe Jona.” Lyalo wakabashiya waswaawo.

Mateyo 27:41

Abalo bamatanjilili ba bapailishi, bafundishi ba Milawo alimwi abamaloba ba baJuda bakamuseka, kabaambooshanya beene ayi,