Mateyo 27:22 - Baibo Busansulushi Bwa Libuku Ili

²² Pilato wakabeepusha ayi, “Ino mucite buyani Jesu wiitwa ayi Usalitwe wakwe Lesa?” Boonse bakakumbula ayi, “Aapopwe pamucilingano!”

Mateyo 27:22 Referans Kwoze

Milimo ya Batumwi 13:38

Paceebo ceeco, mwebo noonse nobamakwesu mulyeelete kwishiba ayi tutoomushimikila ayi kwiinda muli Jesu, Lesa inga wamulekelela shibiibi shanu.

Isaya 49:7

Mwaami Lesa Usalalite wa bene Isilaeli alimwi Mupulushi utokwaambila wooyo wiinditeewo kusebaana, ee, uyo upatitwe kumishobo imwi yoonse alimwi musebenshi wa baleli ayi, “Bamaami baakukubona ayi waangululwa, balaakunyamuka mukukupa bulemu. Baleli baakukubona balaakukukotamina mukukupa bulemu. Balaakukupa bulemu ceebo cakushomeka kwa Mwaami Lesa, Usalalite wa bene Isilaeli uyo wakamusala.”

Maako 14:55

Bamatanjilili ba bapailishi alimwi abaabo boonse beendelesha nkuta, bakalinga kuyandoola bukamboni bwakwaamba ayi bacanine Jesu mulandu wakumucailaawo, sombi tabakwe kubucana.

Mateyo 27:17

Ono bantu ndibakabungana, Pilato wakabeepusha ayi, “Ngani ngomusuni ayi mwaangulwite, Balabasi nabi Jesu wiitwa ayi Usalitwe wakwe Lesa?”

Mateyo 1:16

Jakobo wakashala Josefu muka Maliya, banyina Jesu wiitwa ayi Klistu.

Sekaliya 11:8

Mumweenshi omwi ndakatandaanya beembeshi botatwe ceebo ndakabacimwa abalo bakampata.

Jobo 31:31

Basebenshi bangu balanumbaisha ayi, ‘Anu ngani utana kulyaawo cakulya cakwe?’

Mateyo 27:21

Mweendeleshi wakabeepusha alimwi ayi, “Nguli ngomusuni ayi mwaangulwite pabantu bobilo aba?” Balo bakakumbula ayi, “Balabasi!”

Mateyo 27:23

Sombi Pilato wakabeepusha alimwi ayi, “Ino ncibiibinshi ncaacita?” Lyalo bakeendilishaawo koolobesha ayi, “Aapopwe pamucilingano!”

Joni 4:25

Mwanakashi uyo wakaamba ayi, “Ndishi kwaamba ayi Usalitwe wakwe Lesa (wiitwa ayi Klistu) ulaakwisa. Na akese, ulaakutusansulwita shintu shoonse.”

Milimo ya Batumwi 13:28

Nakubi kwaamba ayi tabakwe kucanina Jesu cilubo cakumucailaawo, bakasenga kuli Pilato ayi acaikwe.