Mateyo 26:74 - Baibo Busansulushi Bwa Libuku Ili

⁷⁴ Sombi Pita wakaalabo, wasansaawo amaanshi akutalika kulumbila ayi, “Lesa ulimbwene na ntokwaamba cakubeca. Uyu muntu nebo nshimwishiiwo.” Paciindi ceenka ico kombwe wakalila.

Mateyo 26:74 Referans Kwoze

Ciyubululo 3:19

Abo mboonsuni ndabakalalila akubapa mulandu. Aboobo yuminina abuumbi, usanduke kuswa kushibiibi shako.

1 Bene Kolinto 16:22

Na kuli muntu utasuni Mwaami Jesu, aashinganishikwe! Malanata! Nkokwaamba ayi, “NoBaami besu, kamwisa!”

Joni 18:27

Sombi Pita wakakaka alimwi. Lyalo kombwe wakalila.

Mateyo 10:28

Mutaloondi baabo bacayabo mubili, sombi tabacikoonshi kucaya muuya. Amuloonde Lesa ukonsha kucaya mubili amuuya woonse mumulilo utamaani.

Bene Loma 9:3

Necalinga kukonsheka, naakwiinga nebo ndasumina ayi Lesa anshingane akumpansaanya aKlistu mumusena wa bene misheesu.

Luka 22:60

Sombi Pita wakakumbula ayi, “Sobwe, ayo makani ngootokwaamba nsheeshi nebo napaceyi!” Lyalo Pita kaacaamba kombwe wakalila.

Maako 14:68

Sombi Pita wakakaka, akwaamba ayi, “Isho nshotokwaamba, nshishishiiwo alimwi nshintooshinyumfwaawo akushinyumfwa.” Lyalo Pita wakaswita pansengwe kuswa mulubansa. Ciindi ceenka ico, akombwe wakalila.

Maako 14:30

Mpomunyaawo Jesu wakaambila Pita ayi, “Ntookulwiita calushinisho ayi sunu lyeenka mashiku, kombwe kaatana kulila lyabili, utokwaamba mankanda otatwe ayi toonshi.”

Mateyo 27:25

Mpeeke bantu boonse bakakumbula ayi, “Mulandu wa lufu lwakwe aube pali ndiswe abana besu.”

Boomboloshi 21:18

Tatukoonshi kweebesha bana besu kuli mbabo ceebo twakashomesha cakulumbila ayi, ‘Aakashinganwe uyo woonse weshi akeebeshe mwanaakwe kumwine Benjameni.’ ”

Boomboloshi 17:2

Bushiku bumwi Mika wakaambila banyina ayi, “Maali a silifa alya ali 1,100 ngomwakeepilwa akushingana wakeepa, ndime ngacite. Ndime ndakaaipa.” Banyina bakamukumbula ayi, “Mwaami Lesa akupe coolwe omwanaangu.”

Mateyo 26:34

Mpomunyaawo Jesu wakaambila Pita ayi, “Ntookulwiita calushinisho ayi sunu lyeenka mashiku, kombwe kaatana kulila, utokwaamba mankanda otatwe ayi toonshi.”

Mateyo 26:73

Ndipakeendabo ciindi ciniini, abo bakalingaawo bakaya kuli Pita akumwaambila ayi, “Ncakwiila webo uli wa mulikoto lyakwe Jesu mukwiinga mwaambo wako utookuyubulula.”

Mateyo 26:75

Mpeeke wakeebaluka maswi akamulwiita Jesu ayi, “Kombwe kaatana kulila, webo Pita ulaakunkaka mankanda otatwe.” Lyalo wakaswita pansengwe, waya walila abuumbi.