Mateyo 26:65 - Baibo Busansulushi Bwa Libuku Ili

⁶⁵ Mpeeke mupailishi munene wakakwamoona shakufwala shakwe, akwaamba ayi, “Nkucobola Lesa uku. Ono apa sa inga katucilangoola abamwi bakamboni? Noonse mwalinyumfwila mbwaacobola Lesa.

Mateyo 26:65 Referans Kwoze

Joni 10:36

Ono cilaakweela kuli kuwooyo Ishi ngwaakasala akutuma mucishi ca panshi? Anu nceebonshi mutokwaamba ayi ndacobola Lesa mukwiinga ndaamba ayi, ‘Ndi Mwanaakwe Lesa?’

Joni 10:33

Balo bakakumbula ayi, “Tatutookuuma mabwe ceebo ca milimo ibotu, sobwe, sombi mukwiinga wa kucobola Lesa. Webo uli muntubo, sombi utoolyaamba ayi ndiwe Lesa.”

Mateyo 9:3

Mpeeke bamwi bafundishi ba Milawo bakalyaamboosha beene ayi, “Uyu muntu utoocobola Lesa.”

Jelemiya 36:24

Nabi mwaami abacinenenene bakwe boonse abo bakanyumfwa maswi oonse aya tabakwe kuloondaawo nabi kukwamoona shakufwala shabo kutondesha ayi bali mubuumba, sobwe.

Shakubelenga 14:6

Mpomunyaawo Joshuwa mwanaakwe Nani alimwi aKalebu mwanaakwe Jefune, bobilo pabaabo basenseshi bakakwamuna shakufwala shabo mubuumba,

Milimo ya Batumwi 14:14

Sombi Banabasi aPaulo ndibakanyumfwa ncebakalinga kusuni kucita, bakakwamuna shakufwala shabo akucicila pakati ka bantu abo kaboolobesha ayi,

Luka 5:21

Ingayi bafundishi ba Milawo alimwi abaFalisi bakatalika kwiipushanya ayi, “Ino ngani uyu utoocobola Lesa? Ngani weenga walekelela shibiibi? sa te nguLesa eenkabo?”

2 Baami 18:37

Lyalo Eliyakimu mwanaakwe Ilikiya uyo wakalinga kweendelesha ŋanda ya bwaami, Shebina uyo wakalinga mulembi alimwi aJowa mwanaakwe Asafu uyo wakalinga mulembi wa makani a buleelo bakakwamoona shakufwala shabo kubuumba. Mpeeke bakaya mukulwiita mwaami Esekiya isho shakaamba mutanjilili wa bashilumamba ba bene Asilya.

Bene Lefi 21:20

alimwi taaku wacifutu nabi mufwaafwi bunene, taaku mulwashi kumeenso nabi ucite bulwashi bwa mubili alimwi awakatungulwa.