Mateyo 26:41 - Baibo Busansulushi Bwa Libuku Ili

⁴¹ Amwikale kamulibambite, akupaila kwaamba ayi mutanjili mumasunko. Moyo walo ulisuni, sombi mubili ngowabula nkusu.”

Mateyo 26:41 Referans Kwoze

Luka 22:46

Jesu wakabeepusha ayi, “Ceebonshi mulilete? Amubuke, mupaile kwaamba ayi mutenjili mumasunko.”

Maako 14:38

Amwikale kamulibambite akupaila ayi mutanjili mumasunko. Moyo walo ulisuni, sombi mubili ngowabula nkusu.”

Bene Efeso 6:18

Kamupaila pakucita shintu shoonse ishi. Kunoosenga Lesa kwaamba ayi amucaafwe. Paciindi coonse kamupaila kweelana aMushimu Usalashi mbweenga wamutanjilila. Paceebo ceeco amucenjele, mutatyongooki napaceyi. Lyoonse na mutoopaila, kamupaililako bashomi boonse.

Mateyo 6:13

Mutatwinjishi mumasunko, sombi mutufuune kuswa kuMubiibi ulya. [Mukwiinga Bweene, nkusu abulemu nshanu muyayaya. Ameni.’]

Luka 21:36

Amwikale kamulibambite lyoonse, kamupaila ayi mube ankusu shakwiinda musheeshi shintu sheshi shikacitike kwaamba ayi mukeemikane kunembo lya MwanaaMuntu.”

Ciyubululo 16:15

“Amunyumfwe! Ntoosa anga ngumwiipi! Ulicite coolwe uyo ushiite kaalama shakufwala shakwe kuloonda kunyumfwa nsoni na weenda matakosha mubantu!”

1 Bene Kolinto 16:13

Amucenjele, mwiimikane cakutatenkaana mulushomo. Amube bantu batacite boowa, bayumu.

1 Pita 5:8

Amucenjele akunoolibambite lyoonse mukwiinga Mubiibi, mulwani wanu, utokweendaanabo anga ninkalamu ifwite nsala itooyandoola wakulya!

1 Bene Kolinto 10:13

Masunko amushikila taapusene amasunko ashikila bantu bamwi boonse. Sombi Lesa ulashomeka alimwi inga taamulekeli mumasunko ngomutakoonshi kukoma. Sombi na mwasuunkwa, Lesa ulamupa nshila yakuleyelamo masunko ayo kwaamba ayi mwaakoome.

2 Pita 2:9

Nkokwaamba ayi Mwaami Lesa ulishi bwakupulusha bantu baluleme kumasunko alimwi abwakulama bamucita shibi kwaamba ayi bakapekwe mulandu paBushiku bwakoomboloshekwa,

Mateyo 24:42

“Anu kamulibambitebo lyoonse, mukwiinga tamwishi bushiku Mwaami wanu ndyeshi akese.

Ciyubululo 3:10

Mukwiinga wakakonkela kwiisha kwangu ayi utolelele kupenshekwa, anebo ndaakukulama muciindi ca mapensho eshi akeshiite bantu boonse mucishi kwaamba ayi basunkwe.

1 Pita 4:7

Ono mamanino a shintu shoonse ali pafwaafwi. Paceebo ceeco, kamulitibuka alimwi mucenjele, kwaamba ayi mukonshe kupaila.

Luka 22:40

Ndyaakashikabo kumusena uyo Jesu wakabaambila ayi, “Amupaile kwaamba ayi mutenjili mumasunko.”

Bene Galatiya 5:24

Ono abo bali kulubasu lwakwe Klistu bakapopa buumi bwa buntu alimwi asheesho shoonse shisuni buumi ubo pamucilingano.

1 Bene Kolinto 9:27

Nebo ndashibisha mubili wangu akuukoma. Ndacita boobo mukwiinga nshisuni kwaamba ayi ndaakumana kushimikila bamwi Makani Abotu nebo nkabule kutambula cilambu.

Mateyo 25:13

Lyalo Jesu wakabaambila ayi, “Paceebo ceeco, kamulibambitebo lyoonse mukwiinga tamubwishi bushiku nabi ciindi MwanaaMuntu ndyeshi akese.

Kulumbaisha 119:32

Ndeenda munshila ya milawo yanu ceebo mwakaangulula moyo wangu ayi kaamunyumfwila.

Mateyo 26:38

Mpomunyaawo wakabaambila ayi, “Moyo wangu wacatwa buumba bwakuyanda kuncaya. Amwikale pano munoolindilila kamulibambite pantu pomwi anebo.”

Kulumbaisha 119:1

Balicite coolwe abo bekala cakubula kampenda, abo bacita kweelana amilawo ya Mwaami Lesa.

Bene Loma 8:3

Isho Milawo nsheyakaalilwa kucita ceebo buumi bwa buntu bwakeemana nkusu, Lesa wakashicita. Wakacita boobo kwiinda mukutuma Mwanaakwe, uyo wakesa mucishi ca panshi mubuntu bweenka mbuli ndiswe kwaamba ayi akome bubi.

Luka 11:4

Amutulekelele shibiibi shesu bweenka mbotulekelela batubishisha. Mutatwinjishi mumasunko.’ ”

Luka 8:13

Isho mbuto shakalokela pabulongo bwa mabwe shileemikanina baabo banyumfwa maswi akwe Lesa akwaatambula cakusangalala. Sombi taanjili cankusu mumyoyo yabo, balashoma ciindi ciniini, aboobo na basunkwa balawa.

Kulumbaisha 119:117

Amuncatilile kwaamba ayi mfunwe, lyalo ndanookonkela milasho yanu lyoonse.

Kulumbaisha 119:115

Amuntalamuke mwebo nobamucita shibi kwaamba ayi nkonkele milawo yakwe Lesa wangu.