Mateyo 26:35 - Baibo Busansulushi Bwa Libuku Ili

³⁵ Lakwe Pita wakaamba kuli nguwe ayi, “Nabi na baambe ayi bancaile pantu pomwi amwebo, nebo inga nshaambiiwo ayi nshimwishi.” Lyalo bashikwiiya boonse bakaamba bweenkoobo.

Mateyo 26:35 Referans Kwoze

Bene Loma 11:20

Ncakwiila mbocibete ubo. Balo bakatyolwa ceebo cakutashoma, sombi mwebo muli kucisamu ceebo ca lushomo. Nakubi boobo tamweelete kulisumpula, sombi mulyeelete kucenjela.

Joni 13:37

Pita wakamwiipusha ayi, “Nkambo, ino nceebonshi nceenga shimukonkeleli bulya? Nebo ndilibambite kwaaba buumi bwangu ceebo ca ndimwe.”

1 Pita 1:17

Mulaamba ayi bamashali besu bakulukulu ndimupaila kuli Lesa. Aboobo amwiibaluke ayi uloombolosha kweelana amuntu nshaakacita alimwi taasalululi. Ono anu mulyeelete kuba abulemu kuli Lesa mubuumi bwanu boonse mbweshi mwikale mucishi ca panshi.

Bene Filipi 2:12

Ono nomusunikwi, kweelana ambomwalinga kunyumfwila ndindalingaanu, mulyeelete kwaamba ayi mwiindilishe kunoonyumfwila ciindi ici nceentabeteeko uko. Amutolelele kusebensa caboowa akututuma kwaamba ayi mumanishe mulimo wa lupulusho lwanu.

1 Bene Kolinto 10:12

Ono uyo woonse uyeeya kwaamba ayi ngumuyumu mulushomo, acenjele ayi atawi.

Tushimpi 29:23

Kulisumpula kulalengesha muntu kuwa, sombi kulibombya kulaleta bulemu.

Tushimpi 28:14

Ulicite coolwe muntu ulemeka Mwaami Lesa lyoonse, sombi uyo uyumya moyo ulalokela mumapensho.

Kulonga 19:8

Mpomunyaawo bantu boonse bakakumbula pantu pomwi ayi, “Tulaakucita shoonse shaamba Mwaami Lesa.” Lyalo Mose wakaya walwiita Mwaami Lesa makani aya.

Mateyo 10:33

Sombi uyo weenga wankaka pameenso a bantu, anebo ndaakumukaka kuli baTa bali kwiculu.