Mateyo 24:42 - Baibo Busansulushi Bwa Libuku Ili

⁴² “Anu kamulibambitebo lyoonse, mukwiinga tamwishi bushiku Mwaami wanu ndyeshi akese.

Mateyo 24:42 Referans Kwoze

Luka 21:36

Amwikale kamulibambite lyoonse, kamupaila ayi mube ankusu shakwiinda musheeshi shintu sheshi shikacitike kwaamba ayi mukeemikane kunembo lya MwanaaMuntu.”

1 Bene Tesalonika 5:6

Ono aboobo tutabi bantu baliiba mbuli bucita bantu bamwi, sombi tulyeelete kucenjela akulitibuka.

Mateyo 25:13

Lyalo Jesu wakabaambila ayi, “Paceebo ceeco, kamulibambitebo lyoonse mukwiinga tamubwishi bushiku nabi ciindi MwanaaMuntu ndyeshi akese.

Ciyubululo 16:15

“Amunyumfwe! Ntoosa anga ngumwiipi! Ulicite coolwe uyo ushiite kaalama shakufwala shakwe kuloonda kunyumfwa nsoni na weenda matakosha mubantu!”

1 Bene Kolinto 16:13

Amucenjele, mwiimikane cakutatenkaana mulushomo. Amube bantu batacite boowa, bayumu.

Mateyo 24:36

“Sombi pamakani a bushiku bwakwisa nabi ciindi, taakuuwo nabi womwi ushi. Baanjelo boonse ba kwiculu tabeshi, nabi MwanaaMuntu teeshiiwo, sombibo baTa beenka.

Bene Loma 13:11

Aboobo mulyeelete kucita sheeshi mukwiinga mulishi kwaamba ayi ciindi cakubuka kuswa mutulo cashikila. Ncakwiila bushiku Lesa ndyeshi akatupulushe bwasenena kwiinda nditwakashomabo.

Mateyo 24:44

Paceebo ceeco, amwebo mulyeelete kunolibambite lyoonse ceebo MwanaaMuntu ulaakwisa paciindi ncemutamwiingashite.

1 Pita 5:8

Amucenjele akunoolibambite lyoonse mukwiinga Mubiibi, mulwani wanu, utokweendaanabo anga ninkalamu ifwite nsala itooyandoola wakulya!

1 Pita 4:7

Ono mamanino a shintu shoonse ali pafwaafwi. Paceebo ceeco, kamulitibuka alimwi mucenjele, kwaamba ayi mukonshe kupaila.

Mateyo 24:43

Sombi mwishibe ayi, na mwine ŋanda kaashi ciindi mashiku nceshi ashiteemo mwiipi, inga kaalashabo, kwaamba ayi atesi mukwiipa muŋanda yakwe.

Mateyo 25:10

Bamyooye baluya balya kabacica mukuula mafuta, shibwiinga alakwe wakapoola. Mpeeke bamyooye bacenjete, abo bakalinga kulibambite, bakenjilaakwe shibwiinga muŋanda yabwiinga. Lyalo akumulyango kwakacalwa.

Luka 21:34

“Amucenjele kwaamba ayi mutabi bantu basunibo kulya mumibala, bacakolwa alimwi balisukamabo shintu sha buumi bwa panshi pano mukwiinga inga bushiku bulya bwamucana kamutalibambite.