Mateyo 24:36 - Baibo Busansulushi Bwa Libuku Ili

³⁶ “Sombi pamakani a bushiku bwakwisa nabi ciindi, taakuuwo nabi womwi ushi. Baanjelo boonse ba kwiculu tabeshi, nabi MwanaaMuntu teeshiiwo, sombibo baTa beenka.

Mateyo 24:36 Referans Kwoze

Maako 13:32

“Sombi pamakani a bushiku bwakwisa nabi ciindi, taaku nabi womwi ushi. Baanjelo boonse ba kwiculu tabeshi, nabi MwanaaMuntu teeshiiwo, sombibo baTa beenka.

Milimo ya Batumwi 1:7

Jesu wakabaambila ayi, “Teshi ncito yanu yakwishiba ciindi ndyeshi shikacitike isho shili munkusu sha baTa.

Mateyo 24:44

Paceebo ceeco, amwebo mulyeelete kunolibambite lyoonse ceebo MwanaaMuntu ulaakwisa paciindi ncemutamwiingashite.

2 Pita 3:10

Sombi Bushiku bwakwisa kwa Mwaami, bulaakwisa anga ngumwiipi. PaBushiku ubo, liculu lilaakumana acoongo cinene, shintu shoonse sha kwiculu shilaakupya akunyonyoolwa, acalo cishi ca panshi ashintu shoonse shiliimo shilaakupya.

1 Bene Tesalonika 5:2

Ceebo mwebo nobeene mulishi kale kabotu kwaamba ayi Bushiku bwakwisa kwa Mwaami Jesu, bulaakushikila cakutabwiingashila bweenka mwiipi mbweesa mashiku.

Ciyubululo 16:15

“Amunyumfwe! Ntoosa anga ngumwiipi! Ulicite coolwe uyo ushiite kaalama shakufwala shakwe kuloonda kunyumfwa nsoni na weenda matakosha mubantu!”

Mateyo 24:42

“Anu kamulibambitebo lyoonse, mukwiinga tamwishi bushiku Mwaami wanu ndyeshi akese.

Mateyo 25:13

Lyalo Jesu wakabaambila ayi, “Paceebo ceeco, kamulibambitebo lyoonse mukwiinga tamubwishi bushiku nabi ciindi MwanaaMuntu ndyeshi akese.

Ciyubululo 3:3

Ibaluka ico ncewakeeishikwa ancewakanyumfwa, kuswawaawo ucikonkele akusanduka kuswa kushibiibi shako. Na ubule kubuka, ndaakwisa anga ngumwiipi alimwi teshi ukeshibeewo aciindi nceshi nkakupolele.

Sekaliya 14:7

Bulaakuba bushiku bubotu butacite munshinshe, bushiku ubo bushibikitwebo kuMwaami Lesa. Pabushiku ubo amacolesha kulaakunoolibo mumuni.