Mateyo 24:3 - Baibo Busansulushi Bwa Libuku Ili

³ Jesu ndyaakalinga kushiite paKalundu ka Olifi, bashikwiiya bakwe bakaya kuli nguwe beenka akumwiipusha ayi, “Amutulwiite, ino shintu ishi shilaakucitika lili? Tulaakwishibila kunshi ayi ciindi cakwisa kwanu alimwi amamanino a cishi shashikila?”

Mateyo 24:3 Referans Kwoze

Milimo ya Batumwi 1:7

Jesu wakabaambila ayi, “Teshi ncito yanu yakwishiba ciindi ndyeshi shikacitike isho shili munkusu sha baTa.

Mateyo 24:37

Kwisa kwa MwanaaMuntu kulaakuba bweenka mbuli mbocakalinga ciindi cakwe Nowa.

Mateyo 13:49

Bweenka ubo mbweshi cikabe akumamanino a cishi ca panshi. Baanjelo balaakwisa mukupansaanya babiibi kuswa kubaluleme,

Luka 21:7

Lyalo bashikwiiya bakeepusha ayi, “Bafundishi, ino ishi shilaakucitika lili alimwi tulaakwishibila kunshi ayi shintu shoonse ishi shitooyanda kucitika?”

Mateyo 21:1

Ndibakashika pafwaafwi akuJelusalemu, bakashika kuBetefagi kuKalundu ka Olifi. Mpeeke Jesu wakatuma bashikwiiya bakwe bamwi bobilo

Mateyo 24:39

Taaku ncebakalinga kwishi kushikila maanshi ndyaakesa akubalobya boonse. Mbomunya ubo mbweshi cikabe pakwisa MwanaaMuntu.

Mateyo 24:27

Ceebo MwanaaMuntu ulaakwisa bweenka mbuli kubeka kwa mfula mwiculu kuswa kwicwe akushika kumbo.

Bene Ebulu 9:26

mukwiinga ubo naakalinga kupenshekwa lyoonse, kuswa kumalengelo a cishi. Sombi wakabonekabo linkanda lyomwi kwiimikanina boonse mulishalane lino lya mamanino, kwaamba ayi akushe shibiibi kwiinda mukulibenga kwakwe.

Mateyo 28:20

Mukabeeishe kukonkela akucita shintu shoonse nshendakamulwiita. Nebo nanooli amwebo lyoonse kushikila kumamanino a cishi.”

Mateyo 17:19

Mpeeke bashikwiiya bakwe bakaya mukumwiipusha kulubasu ayi, “Ino swebo twaalilwa buyani kukusha shikaswa ulya?”

Mateyo 24:43

Sombi mwishibe ayi, na mwine ŋanda kaashi ciindi mashiku nceshi ashiteemo mwiipi, inga kaalashabo, kwaamba ayi atesi mukwiipa muŋanda yakwe.

Mateyo 15:12

Lyalo bashikwiiya bakwe bakesa mukumwiipusha ayi, “Sa mulishi kwaamba ayi baFalisi tabakwe kukondwa ndibanyumfwa maswi anu?”

Mateyo 13:36

Mpomunyaawo Jesu wakashiya bantu baanji balya akwinjila muŋanda. Mpeeke bashikwiiya bakwe bakaya mukumusenga ayi, “Amutupandulwite cikoshanyo ca nsaku ya misonde mumuunda wa maila.”

Mateyo 16:27

Ceebo MwanaaMuntu ulaakwisa abaanjelo bakwe mubulemu bwa baIshi, lyalo ndyeshi akalambule muntu womwi awomwi kweelana amilimo yakwe.

Mateyo 16:28

Ntoomwaambila calushinisho ayi, mpobali bamwi peenka pano beshi bakabule kufwa, kabatana kubona MwanaaMuntu keesa muBwaami bwakwe.”

Mateyo 24:30

Lyalo kulaakuboneka citondesho ca MwanaaMuntu mwiculu, mpeeke bantu ba mishobo yoonse ya pacishi ca panshi balaakulila, ndyeshi bakabone MwanaaMuntu keesa mumakumbi ankusu alimwi abulemu bukankamika.