Mateyo 24:24 - Baibo Busansulushi Bwa Libuku Ili

²⁴ Mukwiinga abo balyaamba cakubeca ayi, ‘Ndi Usalitwe wakwe Lesa,’ nabi ayi, ‘Ndi mulaluki,’ balaakwisa. Balaakucita shitondesho sha nkusu sha kwiculu alimwi ashaankamiko kwaamba ayi bacenjeeke, na kacikonsheka, abaabo boonse mbwaakasala Lesa.

Mateyo 24:24 Referans Kwoze

Maako 13:22

Mukwiinga abo balyaamba ayi, ‘Ndime Usalitwe wakwe Lesa,’ nabi ayi, ‘Ndi mulaluki,’ balaakwisa. Balaakucita shitondesho sha nkusu sha kwiculu alimwi ashaankamiko kwaamba ayi bacenjeeke, na kacikonsheka, abaabo boonse mbwaakasala Lesa.

Mateyo 24:11

Kulaakwisa balaluki baanji babeshi abo beshi bakabece bantu baanji.

Mateyo 7:15

“Amucenjele abalaluki babeshi. Balesa cakulibombya kuli ndimwe anga nimbelele, anu mukati mbaumpe.

Mateyo 24:5

Mukwiinga bantu baanji balaakwisa muliina lyangu akunokwaamba ayi, ‘Ndime wooyo Usalitwe wakwe Lesa,’ alimwi balaakucenjeeka bantu baanji.

2 Pita 3:17

Paceebo ceeco mwebo nomusunikwi mukwiinga mulishi kale shintu ishi, mucenjele kwaamba ayi mutatanjililwi kuswa munshila ibotu ashilubo sha bantu aba bamucita shibi, akuwa kuswa kumusena wanu uli kabotu.

Dutolonomi 13:1

“Na mulaluki nabi shikusansulula shiloto washomesha kucita caankamiko nabi citondesho ca nkusu,

Ciyubululo 19:20

Munyama uyo wakacatwa pantu pomwi amulaluki mubeshi uyo wakalinga kucita shaankamiko ceebo ca nguwe. Kwiinda mushaankamiko nshemunya ishi, wakacenjeeka bantu abo bakalinga kucite keshibilo ka munyama alimwi abaabo balambila cibumbwabumbwa cakwe. Mpeeke munyama uyo alimwi amulaluki mubeshi, bakawaalwa mulweenge lwa mulilo uyo unyaka asalufa, kabalasha.

1 Joni 5:18

Tulishi kwaamba ayi woonse mwanaakwe Lesa taatoleleli kubisha mukwiinga Jesu Mwanaakwe Lesa ulamulama kabotu. Aboobo Mubiibi taakoonshi kumukumya.

2 Timoti 2:19

Sombi lwiimbi luyumu lwakwe Lesa talukoonshi kutenkanishikwa alimwi palilembetwe maswi akwaamba ayi, “Mwaami ulishi baakwe,” alimwi ayi, “Uyo woonse waamba ayi uli mumaansa a Mwaami ulyeelete kucileka kucita shitaluleme.”

Joni 6:39

Nkuyanda kwakwe uyo wakantuma kwaamba ayi ntasoowi nabi womwi pabaabo mbwaakampa, sombi kwaamba ayi boonse nkababuushe kuswa kubafu pabushiku bwakweelaako.

Joni 6:37

Abo boonse mbobampa baTa, balesa kuli ndime alimwi uyo woonse wisa kuli ndime, teshi nkamutandeewo.

1 Pita 1:5

Lesa kwiinda munkusu shakwe, ulamulama kabotu ceebo ca lushomo ndomucite kwaamba ayi mukatambule lupulusho ulo ndweshi akayubulule kumeelelesho aciindi.

Bene Galatiya 4:15

Nciinshi cacitika, nobantu nomwakalinga kukondetwe bobulya? Mukwiinga ndishinishite kwaamba ayi necakalinga kukonsheka naakwiinga meenso anu mwalobolaamo akumpa.

Bene Loma 12:18

Na kacikonsheka mulyeelete kwikala muluumuno abantu boonse.

Milimo ya Batumwi 20:16

Mpeeke Paulo wakayeeya kuseesha ndabala ya Efeso kwaamba ayi atasoowi ciindi mucishi ca Esha. Wakalinga kwiingene ceebo wakalinga kusuni kwaamba ayi na cakonsheka, akanooli muJelusalemu pabushiku bwa Pentekositi.

Isaya 9:15

Basankwa bamanene alimwi balemekwa ngomutwi, mucila mbalaluki beeisha shakubeca.

Mateyo 22:14

Lyalo cakweelaako Jesu wakaamba ayi, “Nabi beetwa mbaanji, sombi basalwa mbaniini.”

Mateyo 24:22

Nshiku isho sha mapensho neshitakwe kufwimpishikwa, naakwiinga taaku muntu nabi womwi wakacaala kaali muumi. Sombi ceebo ca baabo basalitwe, inshiku isho shilaakufwimpishikwa.

Mateyo 24:25

Amunyumfwishe mukwiinga nebo ndamulwiitilabo limwi shintu shoonse kashitana kucitika.

Mateyo 24:31

Kulaakunyumfwika lupeenga lwa nkusu, lyalo ulaakutuma baanjelo bakwe kwaamba ayi babunganye bantu bakwe basalitwe kuswa kwicwe, kumbo, kumalenge alimwi akumatwa kushikila cishi coonse mpociswa ampoceela.

Luka 18:7

Ono sa Lesa teshi akabacitile shiluleme bantu bakwe basalitwe abo bamusenga malumwi amashiku? Sa ulaakucelwa kubacafwa?

Joni 4:48

Jesu wakamwaambila ayi, “Na mwabula kubona shaankamiko ashitondesho sha nkusu sha kwiculu shimwi, tamushomiiwo tau.”

1 Joni 2:18

Nobana bangu, cino nciindi camamanino! Mwakalwiitwa kwaamba ayi Mulwani wakwe Klistu ulaakwisa. Sombi ono balwani baanji bakwe Klistu baboneka kale, aboobo tuleshiba ayi cino nceciindi camamanino.

1 Joni 2:22

Ono mubeshi ngani? Ngooyo utasumini ayi Jesu ngoUsalitwe wakwe Lesa. Uyo ukaka Ishiwesu aMwaana ngoMulwani wakwe Klistu.