Mateyo 22:3 - Baibo Busansulushi Bwa Libuku Ili

³ Wakatuma basebenshi bakwe ayi bakeete baabo boonse bakatambwa kubwiinga, sombi boonse bakakaka.

Mateyo 22:3 Referans Kwoze

Ciyubululo 22:17

Mushimu Usalashi aNabwiinga batokwaamba ayi, “Kamwisa!” Awooyo woonse unyumfwa makani aya ulyeelete kwaamba ayi, “Kamwisa!” Uyo woonse unyumfwite nyotwa, ese. Uyo woonse usuni, atambule maanshi apa buumi ayo apekwabo.

Bene Loma 10:21

Sombi pabene Isilaeli, Lesa ulaamba ayi, “Bushiku boonse ndakatandabika maansaangu ayi mbooshe kumubili bantu batanyumfwili alimwi beshicimpamya.”

Joni 5:40

Sombi mwebo mulakaka kwisa kuli ndime ayi mucane buumi butamaani.

Milimo ya Batumwi 13:45

Ono baJuda ndibakabona bantu baanji baanji abo, bakafwa munyono abuumbi. Bakatalika kupikisha shakalinga kwaamba Paulo akunoomucobola.

Luka 19:27

Ono balwani bangu abo batakalinga kusuni ayi nebo mbe mwaami wabo, amubaleete kuno mubacaaye kambweneeko!’ ”

Luka 15:28

Munenebantu uyo wakakalala abuumbi alimwi wakakaka akwinjila muŋanda. Paceebo ceeco baishi bakaswita pansengwe mukumukombelela ayi enjile muŋanda.

Luka 13:34

“Webo Jelusalemu, Jelusalemu, noocaya balaluki akuuma mabwe bantu abo Lesa mbwaatuma kuli ndiwe! Liinji liinji ndalinga kusuni kubunganya bantu bako bweenka mbuli nkuku mboifukatila twaana twa njiyo mumapapaminwa, sombi webo wakakaka!

Mateyo 23:37

“Webo Jelusalemu, Jelusalemu, noocaya balaluki akuuma mabwe bantu abo Lesa mbwaatuma kuli ndiwe! Liinji liinji ndalinga kusuni kubunganya bantu bako bweenka mbuli nkuku mboifukatila twaana twanjiyo mumapapaminwa, sombi webo wakakaka!

Mateyo 3:2

“Amusanduke kuswa kushibiibi shanu mukwiinga Bweene bwakwe Lesa buli pafwaafwi.”

Sefaniya 1:7

Amuumune noonse kunembo lya Mwaami Lesa Shinkusu shoonse ceebo bushiku bwa Mwaami Lesa buli pafwaafwi. Mwaami Lesa wabamba bantu ayi babengwe anga ngumulambu, ncakwiila watamba kale abalwani babo ayi bababeenge.

Osiya 11:7

Bantu bangu balishinishite kumfutatila. Paceebo ceeco balaakulila ceebo ca lijoko lili panshingo shabo, sombi taaku muntu weshi akabaangululeko lijoko ilyo.

Osiya 11:2

Sombi bweenka mankanda ngondakalinga kumwiita mbwaakalinga kuya cifula, mbweeke ubo alakwe mbwaakalinga kuya citalamuka kuswa kuli ndime. Bantu bangu bene Isilaeli bakalinga kubenga milambu kuli Baali akutenta tununkila kabotu kushibumbwabumbwa.

Jelemiya 35:15

Ono nebo ndicitekobo kumutumina basebenshi bangu balaluki. Boonse abo bakalinga kumulwiita ayi muleke nshila shanu shibiibi amicito yanu ibiibi. Bakamucenjesha ayi mucileeke kulambila akusebensela balesa bamwi kwaamba ayi mukatolelele kwikala mucishi ico ncendakamupa mwebo alimwi abamashali banu bakulukulu. Sombi mwebo tamukwe kunyumfwila nabi kubikako maano kusheesho nshendakaamba.

Jelemiya 25:4

“Nakubi kwaamba ayi Mwaami Lesa wakatuma basebenshi bakwe balaluki mankanda aanji aanji kuli ndimwe, mwebo tamukwe kunyumfwila nabi kubikako maano.

Isaya 30:15

Mwaami Lesa Shinkusu shoonse, Lesa Usalalite wa bene Isilaeli waamba ayi, “Na mwasanduka akuboola kuli ndime, inga mwapuluka. Na mwanshooma akulangila kuli ndime, inga mwaba ankusu. Sombi mwebo mwakakaka kucita boobo.

Kulumbaisha 68:11

Mwaami Lesa wakapa mulawo. Ono mbaanji bakatola cikani cakwaamba ayi,

1 Samwelo 9:13

Mwashikabo mundabala mutoomucana kaatana kuya pakalundu mukulya. Mukwiinga bantu tabakoonshi kutalika kulya kaatana kushika uko akusengela coolwe mulambu. Lyalo bantu batambwa ndyeenga balya. Ono kamuya, mulamucana ciindi ceenka cino.”

Bene Ebulu 12:25

Paceebo ceeco, amucenjele kwaamba ayi mutakaki kunyumfwila wooyo utokwaamba amwebo. Boonse abo bakakaka kunyumfwila wooyo wakabacenjeshaako pacishi ca panshi pano kwiinda mumakani akwe Lesa, tabakwe kupuluka. Ono na twakaaka kunyumfwila wooyo utokwaamba kuswa kwiculu, ncakwiila aswebo teshi tukapulukeewo.

Mateyo 21:34

Ono ciindi cakutebula shisepo ndicakashika, muntu uyo wakatuma basebenshi bakwe kubalimi ayi bakamupeewo shisepo sha mumuunda wakwe.

Mateyo 9:15

Jesu wakabakumbula ayi, “Sa babye shibwiinga inga balila shibwiinga kaacili abo? Sobwe! Sombi ciindi cilaakushika shibwiinga ndyeshi akakushikweewo pali mbabo. Paciindi ico ndyeshi bakalikashe kulya.

Bene Ebulu 9:15

Nceceeco Klistu ncaalengeshesha ayi cipangano cipya cibeewo, kwaamba ayi abo Lesa mbwaakeeta ayi bakatambule shoolwe shitamaani nshaakashomesha. Ishi inga shacitika ceebo ca lufu lwakwe Klistu ulo lufuna bantu kuswa mushibiibi nshibakacita muciindi ca cipangano cikulukulu.