Mateyo 20:22 - Baibo Busansulushi Bwa Libuku Ili

²² Sombi Jesu wakabaambila ayi, “Tamwishi ncemutoosenga. Sa inga mwanwita munkomeshi ya mapensho njeshi nkanwiteemo?” Abalo bakakumbula ayi, “Ee, inga twacikonsha.”

Mateyo 20:22 Referans Kwoze

Luka 22:42

“Ta, na mulisuni, amukushe nkomeshi ya mapensho iyi pali ndime, nakubi boobo mutaciti kweelana akuyanda kwangu, sombi amucite kuyanda kwanu.” [

Mateyo 26:42

Jesu wakaboolela mukupaila alimwi ayi, “Ta, na nkomeshi ya mapensho iyi inga tainyindilili kaantana kunwa, anu kuyanda kwanu akucitike.”

Joni 18:11

Jesu wakaambila Pita ayi, “Boosha mupeeni mookala! Sa utooyeeya kwaamba ayi nsheelete kunwita munkomeshi ya mapensho baTa njebampa?”

Maako 14:36

Wakapaila ayi, “Ta, mwebo mulakonsha kucita shintu shoonse. Amukushe nkomeshi ya mapensho iyi pali ndime. Nakubi boobo mutaciti kweelana akuyanda kwangu, sombi amucite kuyanda kwanu.”

Mateyo 26:39

Mpeeke Jesu wakeendakobo paniini, wakawita panshi akutalika kupaila ayi, “Ta, na kacikonsheka, nkomeshi ya mapensho inyindilile, nakubi boobo mutaciti kuyanda kwangu. Sombi mucite kuyanda kwanu.”

Bene Loma 8:26

Awalo Mushimu Usalashi ulatucafwa mukwiinga tatucite nkusu. Tatwishi mbotweelete kupaila, sombi Mushimu Usalashi ulatusengelaako kuli Lesa mumaswi ataambiki.

Isaya 51:22

Mwaami Lesa wanu Shinkusu shoonse, Lesa uyo umufuninina mwebo nobantu bakwe waamba ayi, “Amubone, nkomeshi ya bukali bwangu iyo yakamulengesha kutalantanta ndeebwesa. Ncakwiila munkomeshi ya bukali bwangu iyo teshi mukanweemo tobilo.

Jemusi 4:3

Alimwi nabi mwaseenga inga tamushitambuli ceebo miyeeyo njemucitila boobo njibiibi. Mulasenga shintu kwaamba ayi mushisebenseshe mukulikondelesha mwebo nobeene.

Luka 12:50

Sombi ndyeelete kubombekwa mumapensho aanji, aboobo moyo wangu uli mubuumba kushikila mapensho aya akamaane!

Jelemiya 49:12

Mwaami Lesa waamba ayi, “Na bantu abo batakalinga kweelete kunwa munkomeshi ya bukali bwangu, bakanwa, ceebonshi mutooyeeya ayi mwebo teshi mukapekwewo mulandu? Teshi mukalekwebo, sombi mulyeelete kunwaamo.

Mateyo 26:56

Sombi shoonse ishi shacitika kwaamba ayi shakalemba balaluki bakulukulu shicitike cancinencine.” Mpeeke bashikwiiya bakwe boonse bakamupalangana, bamushiya eenka.

Tushimpi 16:18

Kulisumpula kulatola mukunyonyoolwa. Kulyuuma mucaamba kulalengesha muntu kuwa.

Kulumbaisha 75:3

Paciindi cishi ca panshi ndicitenkaana, pantu pomwi asheesho shoonse shiliimo, nebo ndime ncatilila macinko a ncico.

Mateyo 26:35

Lakwe Pita wakaamba kuli nguwe ayi, “Nabi na baambe ayi bancaile pantu pomwi amwebo, nebo inga nshaambiiwo ayi nshimwishi.” Lyalo bashikwiiya boonse bakaamba bweenkoobo.

Isaya 51:17

Amubuke, Amubuke! Ee, amunyamuke mwebo nobene Jelusalemu! Mwebo mwakanwa munkomeshi ya bukali bwa Mwaami Lesa cakutabushiyaamo. Mwakanwa munkomeshi yabukali bwakwe iyo ilengesha bantu kutalantanta.