Mateyo 20:19 - Baibo Busansulushi Bwa Libuku Ili

¹⁹ akumwaaba kubaswamashi bakunsengwe. Balaakumuwela, kumukwiipa akumupopa pamucilingano. Sombi pabushiku bwatatu ulaakubushikwa kuswa kubafu!”

Mateyo 20:19 Referans Kwoze

Mateyo 16:21

Kuswa ceeco ciindi Jesu wakatalika kusansulwita bashikwiiya bakwe ayi, “Ndyeelete kuya kuJelusalemu nkweshi nkaye mukupenshekwa abuumbi abamaloba, bamatanjilili ba bapailishi abafundishi ba Milawo. Ndaakucaikwa, sombi pabushiku bwatatu, ndaakubushikwa.”

Milimo ya Batumwi 2:23

Kweelana akuyanda kwakwe mwiine Lesa, wakabambila limwi ayi Jesu ulaakwaabwa mumaansaanu. Mpeeke mwebo mwakalengesha ayi bamucita shibi bamupope pamucilingano.

Osiya 6:2

Muciindi ciniinibo ulaakutubusha, ee, munshiku shobilo nabi shotatwe ulaakutubusha kwaamba ayi tube abuumi pameenso akwe.

Isaya 53:3

Bantu bakamukaka akumusebaanya. Ncakwiila wakalinga muntu shimapensho, ee, muntu uyo wakalinga kupenga. Wakalinga anga ngumuntu uyo bantu ngobalanga kumbi pakukumanaakwe munshila. Wakasebaana aswebo twakamulangabo anga na nciinshibo.

Isaya 26:19

“Bantu banu bakafwa balaakubuka alimwi. Mibili yabo ilaakuba abuumi. Mwebo noonse nomuli mushuumbwe amubuke. Amubuke akwiimba cakusangalala. Bweenka mume mbootontosha inshi akubusha shishango, mbweeke ubo Mwaami Lesa mbweshi akabushe bakafwa kale kale.”

Kulumbaisha 35:16

Bakancelebula camusebaanyo bweenka bucita bakunsengwe. Bakalinga kunoolumanya meeno kubukali pali ndime.

Milimo ya Batumwi 21:11

Lyalo wakesa kuli ndiswe akubwesa laamba wakwe Paulo, akulyaanga kumaansa akumyeendo akwaamba ayi, “Mushimu Usalashi utokwaamba ayi, ‘Mwine laamba uyu baJuda balaakumwaanga muJelusalemu bweenka mbondalyaanga akumwaaba mumaansa a baswamashi bakunsengwe.’ ”

Milimo ya Batumwi 4:27

Ndushinisho Elodi aPontyasi Pilato bakabungana mundabala inene ino, pantu pomwi abaswamashi bakunsengwe alimwi abene Isilaeli, ayi babukile Jesu, Musebenshi wanu usalalite, uyo ngomwakalengesha ayi abe Usalitwe wanu.

Luka 24:46

Wakabaambila ayi, “Mbulya mbocilembetwe muMalembo ayi Usalitwe wakwe Lesa ulyeelete kupenshekwa akubuka kuswa kubafu pabushiku bwatatu.

Luka 23:11

Elodi abashilumamba bakwe bakaweluluka Jesu akumunyansha. Lyalo bakamufwalika cisani cibotu akumuboosha kuli Pilato.

Maako 15:1

Ndibwakaca macuunsacuunsa, bamatanjilili ba bapailishi, bamaloba, bafundishi ba Milawo alimwi abamwi boonse beendelesha nkuta, bakalifuyafuya pantu pomwi. Mpeeke Jesu bakamwaanga akumutola mumaansa akwe Pilato.

Maako 14:65

Mpomunyaawo bamwi bakatalika kumushipila mate, bamufweka pameenso, bamuuma akumwiipusha ayi, “Twaambile na inga wamwishiba wakuuma?” Abalo beshikulindilila bakeendililabo kunomuuma makoofi.

Mateyo 12:40

Ceebo bweenka mbuli Jona mbwaakalinga mulifumo lya nswi inene inshiku shotatwe, alakwe MwanaaMuntu ulaakwikala nshiku shotatwe mucuumbwe.

Jobo 30:8

Lwakalinga ndusubo lutaaku mbolubete. Ndushinisho bakalinga bantu batanditwe mucishi.

Mateyo 17:23

abo beshi bakamucaaye, sombi ulaakubushikwa kuswa kubafu pabushiku bwatatu.” Ndibakanyumfwa boobo, bashikwiiya bakwe bakacatwa buumba.

Mateyo 27:26

Lyalo Pilato wakabaangulwita Balabasi, mpeeke wakaamba ayi Jesu akwiipwe misako. Kuswawaawo, wakamwaaba kubashilumamba ayi apopwe pamucilingano.

Mateyo 27:63

akumwaambila ayi, “Nkambo, tuliingashite mbwaakaamba mubeshi uyo kaacili muumi ayi, ‘Ndaakubushikwa alimwi pabushiku bwatatu.’

Maako 15:15

Ono Pilato mukusuna ayi asangalashe bantu, wakabaangulwita Balabasi. Mpeeke Pilato wakaamba ayi Jesu akwiipwe misako. Kuswawaawo, wakamwaaba kubashilumamba ayi apopwe pamucilingano.

Luka 18:32

Mukwiinga MwanaaMuntu ulaakwaabwa mumaansa a baswamashi bakunsengwe abo beshi bakamuweluluke, kumutukana, akumushipila mate.