Mateyo 19:27 - Baibo Busansulushi Bwa Libuku Ili

²⁷ Lyalo Pita wakakumbula ayi, “Amubone, swebo twakashiya shoonse akumukonkela. Ino swebo tulaakupekwanshi?”

Mateyo 19:27 Referans Kwoze

Bene Filipi 3:8

Ncakwiila shintu shoonse ishi nshakusowabo tasheelani ampindu yakwishiba Klistu Jesu, Mwaami wangu. Ceebo ca nguwe shoonse ndashisowa. Ndayeeya ayi taaku mboshibete mukwaamba ayi ntambule Klistu

Luka 5:11

Mpomunyaawo maato abo bakaakwelela kuloombe lwa lweenge. Kuswawaawo bakashiya shoonse akukonkela Jesu.

Luka 18:28

Lyalo Pita wakaamba ayi, “Amubone! Swebo twakashiya maandeesu akukonkela ndimwe.”

Luka 15:29

Sombi wakakumbula baishi ayi, ‘Amubone! Myaaka kufula njindamusebensela anga ngumusha alimwi nshina kumubishishaawo napaceyi. Sombi tamuna kumpaawo kale nabibo kapongo kwaamba ayi nsekelele abeensuma.

Maako 10:28

Mpomunyaawo Pita wakatalika kwaambila Jesu ayi, “Amubone, swebo twakashiya shoonse akumukonkela.”

Maako 2:14

Ndyaakalinga kuya bweenda, wakabona Lefi mwanaakwe Alufeyasi, kaashite mukaanda ka musonko. Mpeeke Jesu wakamwaambila ayi, “Nkonkele!” Alakwe wakanyamuka akumukonkela.

Dutolonomi 33:9

Bakashomeka kuli ndimwe kwiinda kubamashali, bamakwababo nabi bana babo. Bakakonkela milawo yanu akulama cipangano canu.

Luka 14:33

Amwebo mbocibete bweenka ubo. Nkokwaamba ayi amwebo na mwabula kusuula akushiya shintu shanu shoonse nshemucite, tamukoonshi kuba bashikwiiya bangu.

Mateyo 9:9

Jesu ndyaakaswaako uko, wakabona musankwa umwi wiitwa ayi Mateyo kaashiite mukaanda ka musonko. Mpeeke Jesu wakamwaambila ayi, “Nkonkele!” Alakwe wakanyamuka, wamukonkela.

1 Bene Kolinto 4:7

Anu ngani wakakupa bunene pabamwi? Sa te nguLesa wakakupa shintu shoonse nshoocite? Ino ono inga walisumpula buyani pashintu shakupekwabo?

1 Bene Kolinto 1:29

Paceebo ceeco taaku muntu weenga walisumpula pameenso akwe Lesa.

Mateyo 19:26

Jesu wakabalanga akubaambila ayi, “Kubantu ici inga tacicitikiiwo, sombi kuli Lesa inga cacitika mukwiinga shoonse shintu shilakonsheka kuli nguwe.”

Mateyo 19:28

Jesu wakabaambila ayi, “Ntoomulwiita calushinisho ayi shintu shoonse ndyeshi shikalengwe cipya, MwanaaMuntu ndyeshi akekale pacuuna cakwe ca bulemu, amwebo nomukonkela ndime, mulaakwikala pashuuna shili likumi ashobilo. Mulaakoombolosha mishobo ili likumi ayobilo ya muIsilaeli.