Mateyo 19:19 - Baibo Busansulushi Bwa Libuku Ili

¹⁹ lemeka baiso abanyoko, alimwi usune mubyo bweenka mboolisuni omwiine.”

Mateyo 19:19 Referans Kwoze

Bene Lefi 19:18

Kuteelesha kubisha muntu nabi womwi ayi ceebo alakwe wakamubishisha nabi kutolelela kumupata, sombi amusune mubyaanu bweenka mbomulisuni nobeene. Nebo ndime Mwaami Lesa.

Mateyo 22:39

Mulawo wabili ngooyu, awalo ulikoshenyebo autaanshi ayi, ‘Suna mubyo bweenka mboolisuni omwiine.’

Dutolonomi 5:16

“ ‘Lemeka baiso abanyoko kweelana ambondakaamba nebo neMwaami Lesa, Lesa wanu ayi shintu shoonse shikakweendele kabotu alimwi ayi ukekale nshiku shiinji mucishi ico nebo neMwaami Lesa nceshi nkakupe.

Kulonga 20:12

“Lemeka baiso abanyoko kwaamba ayi ukekale nshiku shiinji mucishi ico nebo neMwaami Lesa nceshi nkakupe.

Jemusi 2:8

Na ncakwiila mulakonkela mulawo wa Mwaami Lesa ulembetwe muMalembo akwe ayi, “Suna mubyo bweenka mboolisuni omwiine,” ingayi mulacita kabotu.

Bene Galatiya 5:14

Mukwiinga Milawo yoonse ilasansululwa mumulawo womwi wakwaamba ayi, “Suna mubyo bweenka mboolisuni omwiine.”

Luka 10:27

Mufundishi wa Milawo uyo wakakumbula ayi, “ ‘Suna Mwaami Lesa, Lesa wako amoyo wako woonse, abuumi bwako boonse, ankusu shako shoonse alimwi amiyeeyo yako yoonse,’ alimwi ayi, ‘suna mubyo bweenka mboolisuni omwiine.’ ”

Tushimpi 30:17

“Muntu ucelebula baishi akunyansha banyina, meenso akwe alaakulobolwaamo kubacikwangala bamucinyika alimwi ulaakulikwa kumakubi.

Bene Lefi 19:3

“Womwi awomwi ulyeelete kulemeka banyina abaishi, alimwi mulyeelete kulama inshiku shakookesha kweelana ambondamulwiita. Nebo ndime Mwaami Lesa wanu.

Bene Loma 13:9

Mukwiinga milawo yaamba ayi, “Utaciti bulale, utacaayi, uteepi, utanyumfwili munyono mubyo ceebo ca shintu nshaacite” aimwi yoonse, ilasansululwa mumulawo womwibo waamba ayi, “Suna mubyo bweenka mboolisuni omwiine.”

Mateyo 5:43

“Mwakanyumfwawo bakulukulu mbobakalwiitikwa ayi, ‘Usune mubyo, sombi upate mulwani wako.’

Mateyo 19:20

Musankwa uyo wakakumbula ayi, “Milawo yoonse iyi ndaikonkela. Ino cimwi cacalaako nciinshi?”