Mateyo 19:14 - Baibo Busansulushi Bwa Libuku Ili

¹⁴ Mpomunyaawo Jesu wakabaambila ayi, “Amuleke baana baniini bese kuli ndime. Mutanoobakasha ceebo Bweene bwa kwiculu mbwa baabo bali mbuli baaba.”

Mateyo 19:14 Referans Kwoze

Mateyo 18:3

Lyalo wakabaambila ayi, “Ntoomulwiita calushinisho ayi na mubule kuba mbuli mwanike muniini wa mbuli wooyu, teshi mukenjile muBweene bwa kwiculu.

1 Bene Kolinto 14:20

Nobamakwesu mutabi anga mbaana mumiyeeyo, sombi mube anga mbaana mukubula shibiibi, munooli bamanene mumiyeeyo.

Maako 10:14

Jesu ndyaakabona boobo, wakakalalila bashikwiiya bakwe akubaambila ayi, “Amuleke baana baniini bese kuli ndime. Mutanoobakasha ceebo Bweene bwakwe Lesa mbwa baabo bali mbuli baaba.

Mateyo 11:25

Paciindi ceenka ico Jesu wakapaila ayi, “Ndamulumba Ta, noBaami ba kwiculu acishi ca panshi mukwiinga mwayubulwita bantu bateeite shintu nshemwakashisa kubantu basongo abeeite.

1 Samwelo 1:11

Mpeeke wakashomesha cakulumbila ayi, “NoBaami baLesa Beshinkusu shoonse, amumboone nemusebenshi wanu! Amulangishishe mapensho angu akunyumfwila nkumbu! Mutamfutatili! Na mwampa mwaana musankwa, ndashomesha ayi ndaakumupa kuli ndimwe kwa buumi bwakwe boonse alimwi ayi teshi akaceseewo misusu yakwe.”

Boomboloshi 13:7

Sombi wandwiita kwaamba ayi, ‘Ulaakumita akushala mwaana musankwa. Anu kuswa sunu ucileeke kunwa waini nabi cili coonse cikola alimwi utanoolya cakulya citasalalite kweelana aMilawo, ceebo mwaana uyo ulaakunooli muNasili. Nkokwaamba ayi ulaakubengwa kuMwaami Lesa kuswa bushiku mbweshi akashalwe kushikila akafwe.’ ”

1 Samwelo 2:18

Sombi Samwelo abwanike bwakwe, wakatolelela kusebensela Mwaami Lesa. Wakalinga kufwala cakufwala ca bupailishi ciitwa ayi efodi.

1 Samwelo 1:24

Lyalo ndyaakamulesha, wakamutola kuShilo. Wakatolelela amucende wa myaaka yotatwe, makilogilamu ali 10 a fulaulo, alimwi ankomwe ya cipaya keeswite waini. Wakatola Samwelo kuŊanda yakwe Lesa muShilo kaacili mwanike abuumbi.

Matalikilo 21:4

Isaki ndyaakaba anshiiku shosanwe ashotatwe, Abulaamu wakapalula mwaana uyo kweelana aLesa mbwaakalasha.

1 Samwelo 1:22

Nakubi boobo Aana lakwe mulweendo ulu taakwe kuyaako. Mpeeke wakalwiita ibaye ayi, “Ndaakumuleshabo mwaana uyu, ndaakumutola kuŊanda ya Mwaami Lesa akumubenga kuli nguwe. Ulaakunokala kooko lyoonsebo.”

Mateyo 5:3

“Balicite coolwe abo bakandu mumushimu mukwiinga Bweene bwa kwiculu mbwabo.

Mateyo 5:10

“Balicite coolwe abo bapenshekwa ceebo balacita kuyanda kwakwe Lesa, mukwiinga Bweene bwa kwiculu mbwabo.

Mateyo 19:15

Lyalo wakabacata amaansa, mpeeke wakaswaawo.

Maako 10:15

Ntoomulwiita calushinisho ayi uyo woonse utatambuli Bweene bwakwe Lesa anga ngumwaana, ncakwiila teshi akenjileemo.”