Mateyo 18:7 - Baibo Busansulushi Bwa Libuku Ili

⁷ Mapensho kubantu ba mucishi ca panshi ceebo ca baabo balengesha babyabo kubisha! Shintu ishi shilyeelete kuboneka, sombi mapensho kubaabo bashilengesha.

Mateyo 18:7 Referans Kwoze

Luka 17:1

Jesu wakaambila bashikwiiya bakwe ayi, “Shintu shilengesha muntu kubisha shilyeelete kucitika, sombi mapensho kuli wooyo ulengesha ayi shicitike.

1 Bene Kolinto 11:19

Ndushinisho palyeelete kuba kusalululana pakati kanu kwaamba ayi abo bali mubululami baboneke patuba.

Mateyo 26:24

MwanaaMuntu utooya kulufu kweelana ambokulembetwe, sombi mapensho kuli wooyo muntu utoomwaaba! Naakwiinga cakabotabo akutashalwa muntu uyu.”

Judi 1:4

Ndakacita boobo mukwiinga bantu bamwi batasuni kucita kuyanda kwakwe Lesa bakenjila mulikoto lyanu cabushishi. Bantu aba balafulunganya lwaanguluko ndotucite kwaamba ayi bacaninemo nshila yakunoocita shintu shilensha nsoni. Peculu lya waawo balakaka Jesu Klistu Mufundishi alimwi ngoMwaami wesu eenkabo. Shamulandu wa bantu aba shakalembwabo kale kale muMalembo akwe Lesa.

Taitasi 2:8

Kosebensesha maswi abotu atakoonshi kutongookwa, kwaamba ayi abo bakupikisha banyumfwe nsoni mukubula cibiibi cakwaamba pali ndiswe.

Taitasi 2:5

kuba balitibuka, batacite kampenda, bapisooka paŋanda, bacite nkumbu, banyumfwila bameebaabo kwaamba ayi maswi akwe Lesa atacobolwi.

1 Timoti 6:1

Basha boonse balyeelete kupa bulemu bamaami babo kwaamba ayi bantu batacoboli liina lyakwe Lesa anshetwiisha.

Milimo ya Batumwi 1:16

waamba ayi, “Nobamakwesu, Malembo akwe Lesa akalinga kweelete kucitika ayo akaamba Defedi ndyaakatanjililwa aMushimu Usalashi. Lakwe wakaamba shakwe Judasi, uyo wakatanjilila baabo bakacata Jesu.

Joni 17:12

Ndindakalingaabo, ndakabalama muliina lyanu ilyo ndimwakampa. Ndakabafuna kabotu alimwi taaku nabi womwi pakati kabo wakasoweka, sombibo wooyo wakalinga kweelete kunyonyooka, kwaamba ayi shilembetwe muMalembo anu shicitike cancinencine.

Maako 13:7

Na mukanyumfwe nkondo alimwi ampuuwo sha nkondo, mutakalisukami. Ishi shilaakucitika, sombi teshi kwaamba ayi ngomamanino a cishi.

2 Samwelo 12:14

Nakubi boobo, ceebo cakwaamba ayi wanyansha Mwaami Lesa, mwaana musankwa ngoocitileemo utoofwa.”

1 Samwelo 2:17

Cibiibi cakalinga kucita bana bakwe Eli cakakomena abuumbi pameenso aMwaami Lesa, mukwiinga milambu yakalinga kupekwa kuli nguwe bakalinga kuyeendelesha cakuteepa bulemu.

Matalikilo 13:7

Alimwi kwaambana kwakatalika pakati ka beembeshi bakwe Abulamu abakwe Loti. Paciindi ico bene Kenani abene Pelisi abalo bakalinga kunoocikala mucishi ceenka ico.

Mateyo 16:23

Mpeeke Jesu wakapiluluka akwaambila Pita ayi, “Koya kulaale, webo Satana! Webo uli mfumpu kuli ndime ceebo miyeeyo yako iyo taiswi kuli Lesa, sombi njabuntu.”