Mateyo 18:15 - Baibo Busansulushi Bwa Libuku Ili

¹⁵ “Na mukwanu wakubishisha, koya ukamulwiite cilubo cakwe. Na wakunyumfwila nkokwaamba ayi wamuboosha kumubili.

Mateyo 18:15 Referans Kwoze

Bene Lefi 19:17

“Tamweelete kubikila mfundilishi muntu nabi womwi, sombi mubandike pacilubo cili pakati kanu kwaamba ayi mutakabishi ceebo ca nguwe.

Bene Kolose 3:13

Amunyumfwilane nkumbu akulekelelana womwi awomwi. Na umwi wabishisha mubye, ulyeelete kumulekelela bweenka mbuli Mwaami mbwaakamulekelela.

Bene Galatiya 6:1

Nobamakwesu, ono na umwi mulikoto lyanu wacita cibiibi cimwi cili coonse, mwebo nomutanjililwa aMushimu Usalashi mulyeelete kumululamika. Mulyeelete kucita boobo cakulibombya, sombi amwebo mucenjele kwaamba ayi mutawiti mumasunko.

2 Bene Tesalonika 3:15

Nakubi boobo mutamweelanishi amulwani wanu, sombi mumucenjeshe mbuli mushominyinaanu.

Mateyo 18:35

Mboboobo, abalo baTa bali kwiculu mbweshi bakacite kumuntu womwi awomwi wa mulikoto lyanu, utalekeleli mukwabo amoyo woonse.”

Kulumbaisha 141:5

Muntu ululeme na wanguma, ninkumbu. Na wankalalila cilaba anga ngamafuta atilwa pamutwi wangu. Mutwi wangu teshi ukaakakeewo. Sombi mumipailo yangu ndapikisha micito ya bamucita shibi.

Bene Loma 12:21

Paceebo ceeco mutaleeki bubi kwaamba ayi bumukoome, sombi amubukoome kwiinda mukucita shintu shibotu.

1 Pita 3:1

Mbweeke ubo amwebo nobanakashi, mulyeelete kulibombya kubameebaanu, kwaamba ayi na bamwi pakati kabo tabashomi Maswi akwe Lesa, inga bashoma kwiinda mubwikaalo bwanu cakubula kwaamba maswi.

1 Bene Kolinto 8:12

Ndimubishisha bamakwabanu muli Klistu mushobo uyu, akupensha beshikutonsha, mulabishisha Klistu.

Tushimpi 11:30

Cisepo ca bululami mbuumi. Uyo utanjilila bantu kubululami ngumusongo.

2 Bene Kolinto 7:12

Ndindakalemba nkalata nshikwe kwiilemba ceebo ca wooyo wakabisha nabi wooyo wakabishilwa. Ndakailembela kwaamba ayi muboneshe patuba pameenso akwe Lesa ayi kulyaaba kwanu kuli ndiswe nkunene.

1 Bene Tesalonika 4:6

Mucikani ici kutabi muntu ubishisha mushominyina nabi kumulenga buluya. Twakamucenjeshawo kale ayi pacikani ici Lesa ulaakutondesha bukali kubantu bacita sheesho.

Mateyo 18:14

Mbweeke ubo Ishiwanu uli kwiculu taasuni kwaamba ayi, womwi wa baaba baana baniini asoweke.

Mateyo 18:21

Mpomunyaawo Pita wakesa mukwiipusha Jesu ayi, “Nkambo, mukwesu na wambishisha, inga ndamulekelela mankanda ongaye? Sa ngamankanda osanwe aobilo?”

Taitasi 3:10

Muntu uleta kupansaana palikoto lyanu umucenjeshe mankanda obilo, kuswawaawo umusuule.