Mateyo 18:12 - Baibo Busansulushi Bwa Libuku Ili

¹² “Ino mutooyeeya buyani? Na muntu kaacite mbelele mwaanda, ono yomwi yasoweka, sa inga taashiyi sheesho shili makumi osanwe aone alimwi ashosanwe ashone mutulundu, akuya mukuyandoola yeeyo yasoweka?

Mateyo 18:12 Referans Kwoze

Esekelo 34:12

Bweenka mbuli mweembeshi mbwaalangoola mbelele shakwe na shapalangana, mbweeke ubo anebo mbweshi nkalangoole mbelele shangu. Ndaakushifuna kuswa mumisena yoonse moshakalinga shapalanganina bushiku buyoosha bwa munshinshe ushiya mbi.

Esekelo 34:16

“ ‘Ndaakuyandoola shisowekete akuboosha shakaswa mulitanga. Ndakwaanga shilonda sha sheesho shakalicisa, kuyumya shilefukite, sombi shiinite ashicite nkusu ndaakushinyonyoola. Ndakweembela mbelele shangu cabululami.

Esekelo 34:28

Teshi bakasaalweewo tubili kumishobo imwi nabi na kulikwa kubanyama ba muluundu. Balaakwikala kwakubula cakulisukama alimwi taaku muntu weshi akabaloondesheewo.

Esekelo 34:6

Mbelele shangu shakeengaila mutulundu toonse tunene atuniini toonse. Bakapalanganina mucishi ca panshi coonse alimwi taaku nabi womwi wakashikonkela nabi kushiyandoola, sobwe.’

Isaya 53:6

Ono swebo soonse twasoweka mbuli mbelele, ncakwiila womwi awomwi watola nshila yakwe. Sombi Mwaami Lesa watubweselaako shibiibi shesu swebo soonse.

1 Pita 2:25

Mwakalinga anga nimbelele shakasoweka, sombi bulya mwaboola kuMweembeshi uyo utanjilila buumi bwanu.

Mateyo 12:11

Lyalo Jesu wakabakumbula ayi, “Ino na umwi mulikoto lyanu kaacite mbelele yomwibo, ono yakulukila mucilindi pabushiku bwa kookesha bwa Cibelu, sa inga taisubuli?

Jelemiya 50:6

“Bantu bangu balibo anga nimbelele shisowekete. Beembeshi babo bakabasowa akubalengesha kwiingooka mutulundu. Bakalinga kuswa mutulundu akunooya mutulundu cakwaamba ayi bakaluba kumishaabo.

Kulumbaisha 119:176

Ndeengaila anga nimbelele isowekete. Amunyandoole nemusebenshi wanu, ceebo nshilubiiko milawo yanu.

Mateyo 21:28

Mpomunyaawo Jesu wakabalwiita cikoshanyo ayi, “Ino mutooyeeya buyani? Kwakalinga musankwa wakalinga kucite baana bobilo. Wakaya kumunene bantu akumwaambila ayi, ‘Mwanaangu, koya ukasebense mumuunda waminyansa sunu.’

1 Bene Kolinto 10:15

Ntoomwaambila mbuli mbotwaambila basongo, amuyeeyeshe makani ngondamulwiita.

Mateyo 22:42

“Ino mwebo mulayeeya buyani paUsalitwe wakwe Lesa? Ino ngwamulunyungu lwakwe ni?” Balo bakamukumbula ayi, “Ngwamulunyungu lwakwe Defedi.”

1 Baami 21:17

Mpomunyaawo Mwaami Lesa wakaambila Elija mulaluki mwine Tishibe ayi,

Esekelo 34:4

Tamukwe kuyumyawo shilefukite, kushilika shilwashi nabi kwaanga shilonda sha sheesho shakalicisa. Tamukwe kuboosha sheesho shakalinga kuswa munshila nabi kuyandoola sheesho shakasoweka. Wakasheembela cabuyamba alimwi calunkutwe.

Mateyo 18:13

Na weecana, ntoomulwiita calushinisho ayi ulakondwa abuumbi pambelele yomwi ilya, kwiinda sheesho shili makumi osanwe aone alimwi ashosanwe ashone shitakwe kusoweka.