Mateyo 13:8 - Baibo Busansulushi Bwa Libuku Ili

⁸ Ono mbuto shimwi shakalokela pabulongo bubotu akucata shakacata. Shimwi shakacata mwaanda, shimwi makumi osanwe alyomwi ashalo shimwi makumi otatwe.”

Mateyo 13:8 Referans Kwoze

Luka 8:15

Sombi isho shakalokela mubulongo bubotu, mbantu banyumfwa maswi akwe Lesa, baacata cakushomeka mumyoyo yabo ibotu, aboobo balayuminina kushikila bacata shisepo.

Mateyo 13:23

Sombi mbuto shakalokela mubulongo bubotu mbantu abo banyumfwa maswi akwe Lesa akwaacita. Aboobo balacata shisepo, bamwi mwaanda, bamwi makumi osanwe alyomwi abalo bamwi makumi otatwe.”

Joni 15:8

Na kamucata shisepo shiinji, ico inga caletela bulemu baTa, alimwi cilaakutondesha ayi muli bashikwiiya bangu bancinencine.

Matalikilo 26:12

Isaki wakalima mucishi ico alimwi mwaaka uyo wakatebula shili mwaanda kwiinda pasheesho nshaakashanga, mukwiinga Mwaami Lesa wakamupa coolwe.

Bene Filipi 1:11

Buumi bwanu bulaakutondesha micito ya bululami, iyo iswabo kuli Jesu Klistu, kwaamba ayi boonse balemeke akulumbaisha Lesa.

Bene Loma 7:18

Ndishi kwaamba ayi moyo wangu tookoonshi kunengesha kucita cintu cibotu mubuumi bwa buntu. Nakubi kwaamba ayi ndisuni kucita cintu cibotu, sombi ndaalilwa kucicita.

Mateyo 13:7

Imbuto shimwi shakalokela pamyuumfwa, ayalo myuumfwa ndiyakakula yakashitilisha busonga.

Maako 4:8

Sombi mbuto shimwi shakalokela pabulongo bubotu, shakamena, shakula alimwi akucata shakacata. Shimwi shakacata nseke makumi otatwe, shimwi makumi osanwe alyomwi, ashimwi mwaanda.”

Maako 4:20

Sombi bantu bamwi bali anga nimbuto yakashangwa mubulongo bubotu. Balanyumfwa maswi akwe Lesa, baatambula, baashoma alimwi akucata shisepo. Bamwi balacata shili makumi otatwe, bamwi makumi osanwe alyomwi alimwi bamwi mwaanda.”

Luka 8:8

Sombi shimwi mbuto shakalokela pabulongo bubotu. Shakakula, akucata shakacata myaanda myaanda.” Lyalo Jesu wakamanisha aliswi lya peculu ayi, “Uyo ucite matwi, aanyumfwe.”