Mateyo 13:43 - Baibo Busansulushi Bwa Libuku Ili

⁴³ Lyalo baluleme balaakubala mbuli lisuba muBweene bwakwe Ishiwabo. Uyo ucite matwi anyumfwe!”

Mateyo 13:43 Referans Kwoze

Danyelo 12:3

Basongo balaakunoobala bweenka butuba mwiculu, abo batanjilila bantu baanji mubululami, balaakunoobala anga ninyenyeenshi kwalyoonse alyoonse.”

Luka 12:32

“Mwebo nolitanga liniini, mutaloondi mukwiinga Ishiwanu camukonda kumupa bwaami.

Mateyo 11:15

Uyo ucite matwi anyumfwe!

Mateyo 25:34

Lyalo Mwaami ulaakwaambila baabo beshi bakabe kululyo lwakwe ayi, ‘Amwise kuno, mwebo nomwakapekwa coolwe kuli baTa. Amwinjile muBweene ubo mbomwakabambilwa kuswa kumatalikilo a cishi.

Jemusi 2:5

Amukutike nobamakwesu basunikwi, Lesa wakasala baboneka ayi mbakandu mucishi ca panshi ayi bakabe babile mulushomo akwinjila muBweene bwakwe Lesa ubo mbwaakashomesha baabo bamusuni.

1 Bene Kolinto 15:58

Aboobo nobamakwesu nomusunikwi, amwiimikane mulushomo cakutatenkaana. Amubike myoyo yanu kumulimo wa Mwaami ceebo mulishi ayi tamutoosebensela Mwaami kwakubula mpindu.

Luka 22:29

Ono bweenka mbuli baTa mbobakampa nkusu shakweendelesha, anebo mbweshi nkamupe amwebo.

Mateyo 26:29

Ntoomulwiita ayi, teshi nkanwewo lyobilo maanshi a shisepo sha minyansa, kushikila pabushiku ubo ndyeshi nkanwe anu maanshi apya a shisepo ishi, muBweene bwa baTa.”

Mateyo 25:36

Ndindakalinga mubusakula, mwebo mwakamfwalika. Ndindakalinga mulwashi, mwebo mwakesa mukumbona, andindakalinga muntolongo, mwakesa mukumbona.’

Maako 4:23

Uyo ucite matwi, aanyumfwe!”

Kulonga 34:35

Abalo bantu ndibakalinga kubona ayi ciwa cakwe citoobala, wakalinga kucibooshaawo cisani kushikila ciindi ico ncaakalinga kuya mukwaamba aMwaami Lesa.