Mateyo 13:42 - Baibo Busansulushi Bwa Libuku Ili

⁴² akubawaala mumulilo utamaani. Mwalo umo mweshi bakanoolila akulumanya meeno.

Mateyo 13:42 Referans Kwoze

Mateyo 13:50

akubawaala mumulilo utamaani umo mweshi bakanoolila akulumanya meeno.”

Ciyubululo 20:10

Lyalo Mubiibi uyo wakabacenjeeka, lakwe wakawaalwa mulweenge lwa mulilo alimwi asalufa umo mwakalinga kale munyama uyo alimwi amulaluki mubeshi. Balo balaakunoopenshekwa malumwi amashiku lyoonse alyoonse.

Mateyo 8:12

Sombi abo boonse bakalinga kweelete kuba muBweene bwa kwiculu balaakuwaalwa pansengwe kumunshinshe uko nkweshi bakanoolila akulumanya meeno.”

Ciyubululo 19:20

Munyama uyo wakacatwa pantu pomwi amulaluki mubeshi uyo wakalinga kucita shaankamiko ceebo ca nguwe. Kwiinda mushaankamiko nshemunya ishi, wakacenjeeka bantu abo bakalinga kucite keshibilo ka munyama alimwi abaabo balambila cibumbwabumbwa cakwe. Mpeeke munyama uyo alimwi amulaluki mubeshi, bakawaalwa mulweenge lwa mulilo uyo unyaka asalufa, kabalasha.

Ciyubululo 14:10

ulaakunwa waini wa bukali bwakwe Lesa, uyo ngweshi ukatiilwe munkomeshi ya bukali bwakwe cakutatilako cakubombya bukali. Boonse bacita sheeshi balaakupenshekwa mumulilo alimwi asalufa pameenso abaanjelo basalalite alimwi aMwanaambelele.

Mateyo 25:41

“Lyalo ulaakwaambila baabo beshi bakabe kulubasu lwa kucipiko ayi, ‘Amuswe kuli ndime, mwebo nomwakashinganwa! Kamuya kumulilo utamaani uyo wakabambilwa Mubiibi abaanjelo bakwe.

Mateyo 22:13

Lyalo mwaami wakaambila basebenshi bakwe ayi, ‘Amumwaange kumaansa akumyeendo, mumuwaale pansengwe kumunshinshe. Uko nkweshi anoolila akulumanya meeno.’ ”

Danyelo 3:6

Muntu uli woonse uyo weshi akabule kucita boobo, ciindi ceenka ico ulaakuwaalwa mumunyumbi mutoonyaka mulilo uyoosha.”

Ciyubululo 21:8

Sombi boowa, batashomi, basuni kucita shibiibi, bacayi, bafuule, baloshi, balambila shibumbwabumbwa alimwi ababeshi boonse, musena wabo ndweenge lwa mulilo alimwi asalufa. Ulu ndolufu lwabili.”

Luka 13:28

Ono mulaakulila akulumanya meeno mwaakubona Abulaamu, Isaki, Jakobo alimwi abalaluki bakulukulu boonse kabali muBweene bwakwe Lesa, sombi mwebo kamuli pansengwe!

Mateyo 3:12

Lakwe ulicite kale acakuululushishako maila. Ulaakululusha maila akwe akwaalongela mubutala. Lyalo ulaakutenta buungu boonse mumulilo utashimiki.”

Kulumbaisha 21:9

Bushiku mbweshi mukaboneke mulaakubawaala mumulilo uli anga ngwa mumunyumbi. Mwaami Lesa ulaakubamana katyenke mubukali bwakwe. Ncakwiila mulilo wakwe ulaakumana kubalobya.

Ciyubululo 9:2

Nyenyeenshi yakacalula cilindi citeeli ici, mpeeke mwakaswa bwiishi ubo bwakalingabo anga butooswa mumunyumbi unene. Mumuni wa lisuba alimwi amuuwo shakaboolabo mbi ceebo ca bwiishi bwakalinga kuswa mucilindi citeeli.

2 Samwelo 23:7

Sombi ulyeelete kusebensesha lisumo nabi cinshimbi cimwi, ncakwiila ilatentwa peenka apo mpweenga keebete.”