Mateyo 13:3 - Baibo Busansulushi Bwa Libuku Ili

³ Jesu wakabalwiita shintu shiinji mushikoshanyo. Wakaamba ayi, “Kwakalinga muntu umwi wakaya mukushanga mbuto.

Mateyo 13:3 Referans Kwoze

Maako 4:13

Lyalo Jesu wakabeepusha ayi, “Sa tamukwe kucinyumfwa cikoshanyo ici? Ino mulaakucikonsha buyani kunyumfwa shikoshanyo shimwi shoonse?

Maako 4:33

Jesu wakashimikila bantu maswi akwe mushikoshanyo shiinji sha mbuli sheeshi kweelana akunyumfwa kwabo.

Mateyo 13:53

Jesu ndyaakamanisha kubalwiita shikoshanyo ishi, wakaswaako uko

Kulumbaisha 78:2

Ndaakumulwiita shikoshanyo. Ndaakumusansulwita shintu shishisitwe shikulukulu,

Maako 12:12

Beendeleshi ba baJuda bakeshiba kwaamba ayi Jesu wakalinga kwaamba mbabo mucikoshanyo ncaakabalwiita. Aboobo bakalinga kusuni kwaamba ayi bamucaate. Nakubi boobo bakaloonda likoto lya bantu lyakalingaawo. Mpeeke bakamushiyabo, baswaawo.

Kulumbaisha 49:4

Ndaakuteya matwi angu kutushimpi, Ndaakulabulula kalabi kangu kwiinda mukulisha kalumbu.

Joni 16:25

“Ndamwaambila shintu ishi mumapinda. Nakubi boobo ciindi cilaakushika ndyeshi nkabule kwaambila mumapinda, sombi ndaakumusansulwita cakutashisa shapali baTa.

Luka 12:41

Mpeeke Pita wakeepusha ayi, “Nkambo, sa ici cikoshanyo mutoolwiitabo ndiswe sweenka, na abantu boonse?”

Luka 8:10

Jesu wakakumbula ayi, “Mwebo mwakapekwa lushibo lwa shintu shishisitwe sha Bweene bwakwe Lesa. Sombi bamwi balaambilwa mushikoshanyo kwaamba ayi, ‘Balangilishishe, sombi babule kubona. Bakutikishe, sombi babule kunyumfwa.’

Maako 12:1

Jesu wakatalika kubeeisha mushikoshanyo. Wakabaambila ayi, “Kwakalinga muntu wakalima muunda wa minyansa akuyakilako lushito mweela muunda. Wakakaba cilindi cakutyaninamo minyansa, alimwi akuyaka katungu kalaamfu kakulindililawo muunda. Mpomunyaawo wakoobwelekesha balimi bamwi, lyalo wakaya lweendo kucishi cimwi.

Maako 3:23

Mpomunyaawo Jesu wakabeeta akubaambila mushikoshanyo ayi, “Ino Satana inga wakusha buyani Satananyina?

Mateyo 24:32

“Amwiiye ciiyo kuswa pacisamu ca mukuyu. Na mwabona misampi ya ncico yatalika kutontolatontola, amatewu na atalika kusonsa, muleshiba ayi meensa ali pafwaafwi.

Abakuku 2:6

Kuswawaawo abo batolwa busha balaakuseka baabo babatola ayi, “Mapensho kuli ndimwe nomubwesa buboni buteshi bwaanu akulilengesha kubila kwiinda mukukakatisha bantu kulipila nkongole shakubabekesha. Ino ishi shilaakutola ciindi cilaamfu buyani?”

Mika 2:4

Pabushiku ubo bantu balaakumuseka. Balaakumupensha alwiimbo ulu lwabuumba lwakwaamba ayi, ‘Twanyonyoolwa cakumaninina. Mwaami Lesa watunyaya cishi ncaakatupa akucipa kubaabo bakatutola busha.’ ”

Esekelo 20:49

Mpomunyaawo ndakaamba ayi, “Sobwe noBaami baLesa Beshinkusu shoonse! Sa te bantu batootongooka kale ayi lyoonse ndaambabo mushikoshanyo?”

Esekelo 17:2

“Webo omuntu, lwiita bene Isilaeli cikoshanyo

Mateyo 22:1

Jesu alimwi wakaambila bantu mushikoshanyo ayi,

Mateyo 13:4

Ono ndyaakalinga kushanga, shimwi mbuto shakalokela munshila abalo bayuni bakesa bashilya.