Mateyo 13:23 - Baibo Busansulushi Bwa Libuku Ili

²³ Sombi mbuto shakalokela mubulongo bubotu mbantu abo banyumfwa maswi akwe Lesa akwaacita. Aboobo balacata shisepo, bamwi mwaanda, bamwi makumi osanwe alyomwi abalo bamwi makumi otatwe.”

Mateyo 13:23 Referans Kwoze

Bene Filipi 1:11

Buumi bwanu bulaakutondesha micito ya bululami, iyo iswabo kuli Jesu Klistu, kwaamba ayi boonse balemeke akulumbaisha Lesa.

Joni 15:16

Teshi ndimwe mwakansala, sobwe. Sombi ndime ndakamusala kwaamba ayi mukacate shisepo isho shitaloobi. Lyalo baTa balaakumupa cili coonse nceshi mukasenge muliina lyangu.

Mateyo 12:33

“Ono kwaamba ayi mube ashisepo shibotu, mulyeelete kuba acisamu cibotu. Na mulicite cisamu cibiibi, mulaakuba ashisepo shibiibi. Ceebo cisamu cili coonse cileshibilwa kushisepo sha ncico.

Mateyo 13:8

Ono mbuto shimwi shakalokela pabulongo bubotu akucata shakacata. Shimwi shakacata mwaanda, shimwi makumi osanwe alyomwi ashalo shimwi makumi otatwe.”

Bene Kolose 1:6

Makani Abotu atooletela bantu shoolwe alimwi baanji batokwaatambula mucishi ca panshi coonse, bweenka mbwaakacita pali ndimwe, kuswa bushiku ubo ndimwakaanyumfwishisha akwishiba luse lwakwe Lesa mbolubete.

Mateyo 3:8

Amucite ncito shibotu shitondesha ayi mwasanduka kuswa kushibiibi shanu.

Luka 13:9

Na mwakali cikacate shisepo, ingayi cabota. Sombi na cikabule kucata, acikatemwebo.’ ”

1 Joni 5:20

Tulishi kwaamba ayi Mwanaakwe Lesa wakesa akutupa busongo ayi twishibe Lesa wancinencine. Tuli muli Lesa wancinencine ceebo tuli muli Jesu Klistu Mwanaakwe. Uyu ngoLesa wancinencine alimwi mbobuumi butamaani.

2 Pita 3:18

Sombi mwebo amutolelele kukula muluse alimwi alushibo lwa Mwaami Jesu Klistu, Mupulushi wesu. Bulemu bube kuli nguwe bulya alimwi amuyayaya! Ameni.

Bene Kolose 1:10

Lyalo mulaakwikala buumi busuni Mwaami akumusangalasha lyoonse. Kwiinda mukucita milimo ibotu ipusenepusene. Buumi bwanu bulaakubonesha shisepo shibotu alimwi lushibo lwanu lwa pali Lesa lulaakufulilaako.

Bene Ebulu 8:10

Ono nebo neMwaami Lesa mbulya mbweshi nkapangane abene Isilaeli munshiku shitoosa. Ndaakubika milawo yangu mumiyeeyo yabo akwiilemba mumyoyo yabo. Ndaakuba Lesa wabo abalo balaakuba bantu bangu.

Bene Ebulu 4:2

Mukwiinga aswebo twakanyumfwa Makani Abotu bweenka mbuli mbabo. Sombi taaku bubotu mbobakacanaamo mukwiinga bakanyumfwabo, ono tabakwe kushoma.

2 Bene Tesalonika 2:10

alimwi akusebensesha bubeshi bwa mishobo imwi yoonse kubaabo batoolindilabo kunyonyoolwa. Balaakunyonyoolwa ceebo bakakaka makani a lushinisho ayo ali kweelete kubaletela lupulusho.

1 Bene Tesalonika 4:1

Cakweelaako nobamakwesu, mwebo mwakeeya kuswa kuli ndiswe makani aamba mbomweelete kwikala buumi bukondelesha Lesa alimwi ncakwiila mbomwikala. Ono bulya twamusenga camaansa obilo muMwaami Jesu kwaamba ayi mwiindilisheewo apo

Bene Filipi 4:17

Teshi kwaamba ayi ndisuni kunootambulabo shipo, sombi ayi mpindu yanu ikomeneneeko.

2 Bene Kolinto 9:10

Lesa ngoopa mbuto muntu kwaamba ayi ashange alimwi ulapa acakulya. Aboobo ulaakumupa mbuto njemukonsha kushanga akukomenesha shishango shanu. Lyalo ceebo ca nkumbu shanu ulaakulengesha ayi mukatebule shiinji.

Milimo ya Batumwi 17:11

Bene Biliya bakalinga kucite myoyo yakunyumfwishisha kwiinda bene Tesalonika. Bakalinga kukutika maswi amyoyo yabo yoonse alimwi lyoonse bakalinga kwiindulukaamo muMalembo akwe Lesa kwaamba ayi babone na shakalinga kwaamba Paulo nshalushinisho.

Milimo ya Batumwi 16:14

Pakati kabo pakalinga umwi mwanakashi wiitwa ayi Lidiya uswa kundabala ya Tiyatila. Wakalinga shimakwebo wa shisani shifubelafubela shamakwebo alimwi mwanakashi uyu wakalinga kulambila Lesa. Lyalo Lesa wakamucalula kalango ayi anyumfwishe nshakalinga kwaamba Paulo.

Joni 8:47

Mukwiinga uyo woonse uli muli Lesa ulanyumfwa shaamba Lesa. Aboobo mwebo ncemutanyumfwili ceebo tamubete muli Lesa.”

Luka 8:15

Sombi isho shakalokela mubulongo bubotu, mbantu banyumfwa maswi akwe Lesa, baacata cakushomeka mumyoyo yabo ibotu, aboobo balayuminina kushikila bacata shisepo.

Maako 10:15

Ntoomulwiita calushinisho ayi uyo woonse utatambuli Bweene bwakwe Lesa anga ngumwaana, ncakwiila teshi akenjileemo.”

Maako 4:20

Sombi bantu bamwi bali anga nimbuto yakashangwa mubulongo bubotu. Balanyumfwa maswi akwe Lesa, baatambula, baashoma alimwi akucata shisepo. Bamwi balacata shili makumi otatwe, bamwi makumi osanwe alyomwi alimwi bamwi mwaanda.”

Mateyo 3:10

Bulya keembe kakutimbwishako shisamu kumiyanda kalibambitwe kale. Aboobo, cisamu coonse citacati shisepo shibotu, cilaakutemwa akuwaalwa mumulilo.

Esekelo 36:26

Ndaakumupa myoyo ipya alimwi atulango tupya. Ndaakukusha myoyo yanu iyumu anga ngamabwe akumupa myoyo inyumfwila ndime.

Esekelo 18:31

Amuleke shilubo shoonse nshemwakacita, mube amoyo upya alimwi atulango tupya. Ceebonshi mutooyanda kufwa mwebo nobene Isilaeli?

Bene Ebulu 6:7

Lesa ulapa coolwe bulongo bwa mumuunda umo mulokela mfula liinji liinji akulengesha ayi mbewu sha balimi shicate shisepo shibotu shibaletela mpindu.

Luka 8:8

Sombi shimwi mbuto shakalokela pabulongo bubotu. Shakakula, akucata shakacata myaanda myaanda.” Lyalo Jesu wakamanisha aliswi lya peculu ayi, “Uyo ucite matwi, aanyumfwe.”