Mateyo 12:7 - Baibo Busansulushi Bwa Libuku Ili

⁷ Nemwalinga kwishi maswi akwe Lesa akwaamba ayi, ‘Ndisunishi nkumbu, kuteshi milambu,’ naakwiinga tamukwe kubekesha bantu batacite mulandu.

Mateyo 12:7 Referans Kwoze

Osiya 6:6

Nebo ndisunishi nkumbu, kuteshi milambu. Ndisunishi bantu beshiba ayi ndime Lesa, kwiinda milambu yakutenta.

Mateyo 9:13

Amuye mukeeye maswi akwe Lesa alya akwaamba ayi, ‘Ndisunishi nkumbu, kuteshi milambu.’ Nshikwe kwisa mukwiita baluleme, sombi bamucita shibi.”

Tushimpi 17:15

Kulekabo muntu ucite mulandu nabi kupa mulandu muntu utacite kampenda, nshikani shobilo isho Lesa nshaapatite.

Milimo ya Batumwi 13:27

Bantu ba muJelusalemu alimwi abeendeleshi babo tabakwe kwishiba ayi Jesu ngoMupulushi, nabi kunyumfwishisha maswi a balaluki bakulukulu abelengwa lyoonse pabushiku bwakookesha bwa Cibelu. Sombi pakumoombolosha akupingula ayi acaikwe, bakacita kweelana abwakaamba balaluki bakulukulu.

Mateyo 22:29

Sombi Jesu wakabakumbula ayi, “Mulilubite ceebo tamwishi Malembo akwe Lesa nabi nkusu shakwe.

Kulumbaisha 94:21

Balacatana kwaamba ayi babishe baluleme, akupingula ayi batacite milandu bacaikwe.

Jemusi 5:6

Mwapa mulandu akucaya bantu batacite milandu alimwi tabamupikishi.

Kulumbaisha 109:31

Ceebo uleemikana kulyaansa lyalulyo lwa mukandu ayi amumfuune. Ee, ulamufuna kuli baabo bamupa mulandu wakucaikwa.

Jobo 32:3

Wakakalalila ababye Jobo balya botatwe ceebo cakwaalilwa kukoma Jobo mukubandika, ico cakabonesha anga Lesa ncakwiila ulilubite.

1 Samwelo 15:22

Sombi Samwelo wakakumbula ayi, “Sa Mwaami Lesa ulisuni milambu yakutenta aimwibo kwiinda mbwaasuni kunyumfwila maswi akwe? Tau! Kunyumfwila nkubotu kwiinda kubenga mulambu alimwi kukutika nkubotu kwiinda mafuta a mbelele shisankwa.

Maako 12:33

Paceebo ceeco, kusuna Lesa amoyo woonse, amiyeeyo yoonse, ankusu shoonse alimwi akusuna mubyo bweenka mbuli mboolisuni omwiine, kukonkela milawo iyi yobilo, ncibotu abuumbi kwiinda kutola shipo shakutenta nabi shipo shimwi shoonse kuli Lesa.”

Joshuwa 5:5

Bantu boonse bakaswa mucishi ca Ijipiti bakapalulwa, sombi boonse bakashalilwa muluyanga mulweendo tebakalinga kupalwitwe.