Mateyo 12:17 - Baibo Busansulushi Bwa Libuku Ili

¹⁷ Wakacita kweelana ambwaakaamba Isaya mulaluki mukulukulu ayi,

Mateyo 12:17 Referans Kwoze

Isaya 42:9

Amubone, shoonse shakaambwa kucitika kale kale, shacitika cancinencine. Bulya ntoomulwiita shintu shimwi shipya kashitana kutalika kucitika.”

Joni 12:38

Ici cakacitika kweelana abwakaamba mulaluki mukulukulu Isaya ayi, “NoBaami baLesa, ngani wakashoma makani ngotwakashimikila? Anu nkusu shanu noBaami baLesa shakayubulwitwa baani?”

Mateyo 21:4

Shoonse ishi shakacitika bweenka Lesa mbwaakaambila mulaluki mukulukulu ayi,

Mateyo 13:35

Shoonse ishi shakacitika kweelana ambwaakaamba mulaluki mukulukulu ayi, “Ndaakubaambila mushikoshanyo, ndaakubayubulwita shintu shakalinga kushisitwe kuswa kumatalikilo a cishi ca panshi.”

Isaya 44:26

Sombi na musebenshi wangu walaluka shakunembo, ee, na ndatuma shinkombe wangu kuyubulula nshendabamba, ndime nengesha shintu isho kucitika cancinencine. Ndime ŋamba pandabala ya Jelusalemu ayi bantu balaakuya mukwikalaamo alimwi. Ndaamba apacishi ca Juda ayi mandabala a mumo alaakuyakululwa alimwi. Ee, kuyakululwa nabi ngamatongobo.

Milimo ya Batumwi 13:27

Bantu ba muJelusalemu alimwi abeendeleshi babo tabakwe kwishiba ayi Jesu ngoMupulushi, nabi kunyumfwishisha maswi a balaluki bakulukulu abelengwa lyoonse pabushiku bwakookesha bwa Cibelu. Sombi pakumoombolosha akupingula ayi acaikwe, bakacita kweelana abwakaamba balaluki bakulukulu.

Joni 19:28

Jesu wakashiba ayi shoonse shacitika. Ono kwaamba ayi Malembo akwe Lesa acitike cancinencine, wakaamba ayi, “Ndafwa nyotwa.”

Joni 10:35

Lesa wakabanda bantu abo bakapekwa maswi akwe ayi mbalesa. Tulishi ayi Malembo akwe Lesa ngalushinisho lyoonse.

Luka 24:44

Lyalo wakabaambila ayi, “Ishi nsheshintu nshendakalinga kumulwiita ndindakalingaanu. Ndakalinga kwaamba ayi shoonse shilembetwe pali ndime muMilawo yakwe Mose, abalaluki bakulukulu amuKulumbaisha shilyeelete kucitika cancinencine.”

Luka 21:22

Mukwiinga ici cilaakuba ciindi Lesa ndyeshi akaboneshe bantu bakwe ayi bakabisha kwaamba ayi shoonse shilembetwe muMalembo akwe Lesa shicitike cancinencine.

Mateyo 8:17

Wakacita sheeshi kweelana ambwaakaamba mulaluki mukulukulu Isaya ayi, “Lakwe wakakusha shicisa shesu shoonse akushilika malwashi esu.”

Mateyo 12:16

Sombi wakabakonkomesha ayi batalwiiti nabi womwi kwaamba ayi ngani.

Mateyo 12:18

“Uyu ngomusebenshi wangu uyo ngondakasala, uyo ngoonsuni alimwi muli nguwe ndakondwa. Ndaakumupa Mushimu wangu, alimwi ulaakwaambilisha kubaswamashi bakunsengwe ayi Lesa uliluleme.