Mateyo 12:15 - Baibo Busansulushi Bwa Libuku Ili

¹⁵ Ono Jesu ndyaakeshiba miyeeyo yabo, wakaswaako uko. Mpomunyaawo bantu baanji baanji bakamukonkela, lyalo wakashilika baabo boonse bakalinga kuciswa.

Mateyo 12:15 Referans Kwoze

Mateyo 10:23

Na bakamupenshe mundabala imwi, mukacicile kundabala imwi. Ntoomwaambila calushinisho ayi kamutana kumanisha mandabala oonse a muIsilaeli, MwanaaMuntu ulaakwisa.

Joni 11:54

Paceebo ceeco, Jesu wakatalika kweenda cakuyubayuba mucishi ca Judeya. Lyalo wakaswaako uko akuya kumusena wakalinga pafwaafwi aluyanga, mumushi wa Efulaimu, uko nkwaakaya mukwikala abashikwiiya bakwe.

Joni 7:1

Kuswawaawo Jesu wakalinga kweendabo mucishi ca Galili. Taakalinga kusuni kuya mucishi ca Judeya mukwiinga bamaloba ba baJuda bakalinga kuyanda kumucaya.

Mateyo 19:2

Mpeeke bantu baanji baanji bakamukonkela. Lyalo wakabashilika kweenka uko.

Maako 6:56

Ncakwiila, kuli koonse nkweenga weendila na washika mumishi, mumandabala anene nabi mumitala, bantu bakalinga kutola balwashi kumisena yakalinga kucanika bantu baanji. Lyalo bakamusenga ayi asuminishe balwashi kukumyabo cakufwala cakwe. Lyalo boonse bakakumyaako, bakaba kabotu.

1 Pita 2:21

Bwikaalo ubu Lesa mbwaakamwiitila. Mukwiinga Klistu wakamupengela kumushiila citondesho ayi munookonkela mwaakeenda.

Bene Galatiya 6:9

Anu tutacileeki kucita shibotu mukwiinga paciindi ceelete, tulaakutebula na tubule kutyongooka.

Joni 9:4

Kulilabo kalicili malumwi tulyeelete kucita milimo ya wooyo wakantuma. Ciindi ca mashiku citooshikila muntu ndyaatakoonshi kusebensa.

Luka 6:12

Muciindi ico Jesu wakaya kukalundu mukupaila alimwi bwakamucetabo kaapaila.

Luka 5:22

Lyalo Jesu wakeshiba ncibakalinga kuyeeya mumyoyo yabo wakabeepusha ayi, “Ino mutooyeeyelanshi shintu sha mushobo uyu mumyoyo yanu?

Luka 9:11

Bantu baanji baanji ndibakanyumfwa bakamukonkela uko nkwaakaya. Jesu wakabatambula, akubaambila shaBweene bwakwe Lesa, akushilika baabo bakalinga kusuni kuba kabotu.