Mateyo 11:3 - Baibo Busansulushi Bwa Libuku Ili

³ mukwiipusha ayi, “Sa ndimwe baabo mbwaakaamba Joni ayi balaakwisa nabi tunoocilangila umwi?”

Mateyo 11:3 Referans Kwoze

Joni 11:27

Malita wakakumbula ayi, “Ee Nkambo, ndashoma kwaamba ayi ndimwe Usalitwe, Mwanaakwe Lesa, uyo wakalinga kulangilwa mucishi ca panshi.”

Malaki 3:1

Mpomunyaawo Mwaami Lesa Shinkusu shoonse ulakumbula ayi, “Amubone ndaakutuma muntu wangu kunembo lyangu eshi akamambile nshila. Lyalo Mwaami ngomutooyandoola ulaakwisa muŊanda yakwe cakupulumukabo. Ncakwiila uyo ngomuntu wangu ngomutoolindilila eshi akese mukwaambilisha Cipangano cangu.”

Bene Ebulu 10:37

Kweelana abwaamba Malembo akwe Lesa ayi, “Kwacaalabo ciindi ciniinibo kwaamba ayi uyo weelete kwisa ashike, teshi acelweewo, tau.

Mika 5:2

Mwaami Lesa waamba ayi, “Sombi webo Betileemu Efulata, nabi uli ndabala iniini mucishi ca Juda, kuswa muli ndiwe, ndaakuleta muleli wa bene Isilaeli. Mukowa wakwe wakatalikabo kalekale, ee, kuswa kunshiku sha kumatalikilo.”

Joni 7:31

Nakubi boobo bantu baanji mulikoto lilya bakashoma muli Jesu, bakaamba ayi, “Na akese Usalitwe wakwe Lesa, sa ulaakucita shaankamiko kwiinda sheeshi nshaacita muntu uyu?”

Joni 6:14

Bantu ndibakabona caankamiko cakacita Jesu, bakaamba ayi, “Ncakwiila uyu ngomulaluki wakalinga kulangilwa mucishi ca panshi!”

Sekaliya 9:9

Amusangalale, amusangalale mwebo nobene Siyoni! Amoolobeshe cakusangalala mwebo nobene Jelusalemu! Amubone mwaami wanu utoosa kuli ndimwe cakulibombya, ee, ulitantite pambongolo, ncakwiila pamwanaambongolo.

Matalikilo 3:15

Ono ntoolengesha webo amwanakashi kupatana. Lunyungu lwako alwa mwanakashi bananoolibo balwani lyoonse. Lakwe ulaakukulyata kumutwi awebo ulaakumuluma kukashindi.”

Joni 16:14

Ulaakundetela bulemu mukwiinga ulaakubwesa maswi angu akumusansulwita.

Joni 12:13

Lyalo bakatema malala akumucinsha munshila, kabaya coolobesha ayi, “Alumbaishikwe Lesa! Aape coolwe kuli wooyo utoosa muliina lya Mwaami Lesa! Aape coolwe Mwaami wa Isilaeli!”

Joni 4:21

Lyalo Jesu wakaamba ayi, “Nankashi, ncakwiila ciindi cilaakushikila ndyeshi mukabule kulambila baTa pakalundu aka nabi kuJelusalemu.

Luka 19:38

Bakaamba ayi, “Lesa aape coolwe kuMwaami uyo utoosa muliina lyakwe! Akube luumuno kwiculu abulemu kuli Lesa!”

Maako 11:9

Mpeeke bantu bakalinga panembo abaabo bakalinga pesule bakatalika koolobesha ayi, “Aalumbaishikwe Lesa! Aape coolwe kuli wooyo utoosa muliina lya Mwaami!

Mateyo 21:9

Mpeeke bantu abo bakalinga panembo lyakwe Jesu abaabo bakalinga pesule bakatalika koolobesha ayi, “Aalumbaishikwe mwanaakwe Defedi! Ulicite coolwe uyo utoosa muliina lyakwe Lesa! Aalumbaishikwe Lesa kwiculu lya maculu!”

Mateyo 21:5

“Ambila bantu bamundabala ya Siyoni ayi, ‘Amubone Mwaami wanu utoosa kuli ndimwe cakulibombya, ee, ulitantite pambongolo, ncakwiila pamwanaambongolo.’ ”

Malaki 4:2

Sombi mwebo nomunyumfwila ndime, bululami bwangu bulaakuboneka pali ndimwe bweenka buswa lisuba akumushilika kwiinda mukubala kwa ndilyo. Mpeeke mulaakwaanguluka akutambala anga mboombe bacalwitwa mucimpati cabo.

Agayi 2:7

Ndaakutenkaanya mishobo yoonse abuboni bwa njiyo bulaakuletwa kuno. Lyalo ndaakususha Ŋanda yangu abulemu.

Obadiya 1:21

Beshikupulusha balaakutanta pakalundu ka Siyoni ayi bakeendeleshe bamumalundu a Esau. Mpeeke Mwaami Lesa mwiine ulaakuba Mwaami wabo.”

Osiya 3:5

Pesule bene Isilaeli balaakusandukila kuli ndime neMwaami Lesa, Lesa wabo akuwamulunyungu lwakwe Defedi ayi abe mwaami wabo. Lyalo balaakutalika kulemeka Mwaami Lesa akutambula shipo shakwe shibotu.

Isaya 7:14

Paceebo ceeco Mwaami Lesa mwiine ulaakukupa citondesho. Ncakwiila mwanakashi utana kukumanawo kale amusankwa ulaakumita akushala mwaana musankwa eshi akanokwiitwa ayi Imanuweli.

Kulumbaisha 118:26

Ulicite coolwe uyo utoosa muliina lya Mwaami Lesa. Tulamulumbaishisha muŊanda ya Mwaami Lesa.

Shakubelenga 24:17

Ndamubona, sombi teshi onoono, ndamubona, sombi teshi pafwaafwi. Nyenyeenshi ilaakuswa mubamulunyungu lwakwe Jakobo, nkokwaamba ayi mwaami ulaakuswa mubene Isilaeli. Ulaakukoma bamatanjilili ba bene Moabu akunyonyoola bene Seti boonse cakumaninina.

Matalikilo 49:10

Nkooli ya bwaami Juda unanoicitebo lyoonse. Bamulunyungu lwakwe bananoolibo ankooli ya bweendeleshi lyoonse, kushikila akese uyo weelete kubaayo, alimwi uyo mishobo ngweshi ikanoonyumfwila.

Matalikilo 12:3

“Ndaakupa coolwe boonse abo bakupa coolwe, sombi ndaakushinganya boonse bakushinganya. Alimwi kwiinda muli ndiwe ndaakupa coolwe mishobo yoonse.”

Mateyo 11:4

Jesu wakabakumbula ayi, “Kamuya mukalwiite Joni isho nshemwanyumfwa akubona,

Mateyo 11:10

Mukwiinga Joni ngowooyo wakaambwa muMalembo akwe Lesa ayi, ‘Ndaakutuma muntu wangu kunembo lyako eshi akakubambile nshila.’