Mateyo 11:18 - Baibo Busansulushi Bwa Libuku Ili

¹⁸ Joni Mubombeki wakalinga kulikasha kulya alimwi taakalinga kunwa, sombi bantu bakaamba ayi, ‘Ulicite shikaswa.’

Mateyo 11:18 Referans Kwoze

Luka 1:15

Mwaana uyo ulaakunoocite bulemu bunene kuli Lesa alimwi teshi akanwewo waini nabi shimwi shikola. Lakwe ulaakushalwa kaaswite Mushimu Usalashi.

Mateyo 3:4

Joni wakalinga kufwala shakufwala shakapangwa abooya bwa ngamela alimwi alaamba wacipaya mubukome. Wakalinga kulyabo nsoshi abuuci.

Joni 10:20

Baanji mulikoto lyabo bakaamba ayi, “Ulicite shikaswa, ngushincinko, anu ngwaanshi wakukutika?”

Joni 8:48

Mpomunyaawo baJuda bakamwiipusha ayi, “Sa tatukwe kwaamba calushinisho nditwalinga twaamba ayi uli mwine Samaliya alimwi ayi ulicite shikaswa?”

Joni 7:20

Bantu baanji bakakumbula ayi, “Ulicite shikaswa webo! Ngani utooyanda kukucaya?”

Mateyo 10:25

Anu uyo utokwiiya ulyeelete kuba bweenka mbuli mufundishi wakwe, alakwe musebenshi ulyeelete kuba mbuli mwaami wakwe. Ino na mwine ŋanda uleetwa ayi Bilusebulu, balo bekala muŋanda umo balaakweela kuli meena kubica?

Osiya 9:7

Ciindi cakupekwa mulandu citoosa. Ncakwiila ciindi cakubooshelwa cishole cili pafwaafwi. Ciindi ico nobene Isilaeli mulaakucibona. Mwebo mulaamba mulaluki ayi, “Ngumuluya,” mulaamba muntu ucite Mushimu wakwe Lesa ayi, “Ngumushilu.” Mulaamba boobo ceebo ca shibiibi shanu kufula alimwi aceebo cakwaamba ayi lupato lwanu ndunene.

Jelemiya 15:17

Nebo nshindakalinga kulitiba mulikoto lya beshikusekelela nabi kunoolisangalasha pantu pomwi ambabo. Nebo ndakalinga kwikalabo neenka ceebo lyaansa lyanu lyakalinga pali ndime. Ncakwiila lyaansa lyanu lyakansusha bukali.

1 Bene Kolinto 9:27

Nebo ndashibisha mubili wangu akuukoma. Ndacita boobo mukwiinga nshisuni kwaamba ayi ndaakumana kushimikila bamwi Makani Abotu nebo nkabule kutambula cilambu.

Milimo ya Batumwi 26:24

Paulo ndyaakalinga kucaamba, Fesitasi wakamwaambila aliswi lya peculu ayi, “Wacinkuka webo Paulo! Lwiiyo lwako lwakucinkusha!”

Jelemiya 29:26

“Mwaami Lesa ngowakakusala kuba mupailishi pamusena wakwe Jeoiyada ayi unokweendelesha Ŋanda ya Mwaami Lesa. Aboobo ulyeelete kwaanga ncetani akufwalika nteneshi ya nshimbi muntu uli woonse ucinkukite utoolibecesha kuba mulaluki.

2 Baami 9:11

Jewu wakaboolela kubabye abo bakamwiipusha ayi, “Sa kuli kabotu? Anu muluya ulya walinga kuyandoolanshi?” Jewu wakakumbula ayi, “Ulya muntu mulimwishi ashalo nshaamba mulishishi.”

Mateyo 9:34

Sombi baFalisi bakaamba ayi, “Ngumwaami wa bashikaswa umupa nkusu shakubakusha.”

Mateyo 11:17

‘Twakamulishisha ngoma, sombi mwebo tamukwe kushana. Twakamwiimbila nyimbo sha buumba, sombi mwebo tamukwe kulila.’

Maako 3:22

Bamwi bafundishi ba Milawo bakaswa kuJelusalemu bakalinga kwaamba ayi, “Ulicite Bilusebulu muli nguwe! Ngumwaami wa bashikaswa umupa nkusu shakubakusha.”

Joni 8:52

Mpomunyaawo bakamwaambila ayi, “Ono twashinisha ayi ulicite shikaswa. Mukwiinga Abulaamu abalaluki bakafwa. Ono webo inga waamba buyani ayi na muntu uli woonse