Mateyo 10:28 - Baibo Busansulushi Bwa Libuku Ili

²⁸ Mutaloondi baabo bacayabo mubili, sombi tabacikoonshi kucaya muuya. Amuloonde Lesa ukonsha kucaya mubili amuuya woonse mumulilo utamaani.

Mateyo 10:28 Referans Kwoze

Ciyubululo 2:10

Utaloondi mapensho eshi akakucitikile. Nyumfwa! Mubiibi ulaakumusunka kwiinda mukulengesha bamwi ba mulikoto lyako ayi bawaalwe muntolongo alimwi ulaakupenshekwa abuumbi kwanshiku shili likumi. Koshomeka kuli ndime, nabi bakakucaileewo, lyalo ndaakukupa mushini wa buumi butamaani.’

Jemusi 4:12

Ono Lesa eenkabo ngoshikupa Milawo akoombolosha bantu. Lakwe eenkabo ngweenga wapulusha muntu nabi kumunyonyoola. Ino webo ulayeeya ayi ndiwaani, pakoombolosha muntunyoko?

Jelemiya 5:22

“Sa nebo tamweelete kunoonda? Ceebonshi tamututumi pameenso angu? Nebo ndakabika museese ayi ngomanyinsa a lweenge. Ngamanyinsa a lyoonse alyoonse ayo lweenge ndwatakoonshi kwiindilila. Maaba inga anyamuka, sombi inga taasubukiiwo. Nabi awoote cili buyani, inga taakoonshi kwiindilila.

Isaya 51:12

Mwaami Lesa waamba ayi, “Nebo ee, nebo neenka ndime muumbulushi. Ceebonshi mutooloonda bantubo abo balibo anga mbwiisu,

Shikushimikila 5:7

Kubumba sha muluuwo amaswi aanji taaku mboshibete. Anu cibotubo nkuloonda Mwaami Lesa.

1 Pita 3:14

Sombi nabi mukapenshekwe ceebo ca bululami, kuli ndimwe ncoolwe. Mutaloondi bantu nabi kulisukama.

Isaya 66:2

Sa teshi ndime ndakalenga shintu shoonse ishi? Ncakwiila ndime ndakalengesha ayi shibeeko.” Mwaami Lesa waamba. “Ono muntu unkonda ngooyu: muntu ulibombya, ulisenda na walubisha alimwi uloonda maswi angu.

Kulumbaisha 119:120

Mubili wangu ulatutuma ceebo cakuloonda ndimwe. Ndicite boowa ceebo ca koombolosha kwanu.

Mateyo 25:46

Mpomunyaawo abo balaakuya kumapensho atamaani, sombi baluleme balaakwinjila mubuumi butamaani.”

Isaya 51:7

“Ono Amukutike mwebo nomwishi shiluleme, mukutike mwebo nomweenda amilawo yangu mumyoyo yanu. Mutanooloonda na bantu banoomupensha akumucobola.

Bene Ebulu 10:31

Ncintu ciloondesha abuumbi kulokela mumaansaakwe Lesa muumi!

Mateyo 10:26

“Aboobo mutaloondi bantu. Taaku cintu cifweketwe ceshi cikabule kufwekulwa, nabi cishisitwe ceshi cikabule kushibikwa.

Bene Ebulu 11:35

Kwiinda mulushomo, banakashi bakatambula beshikamukowa babo bakalinga bafwa ceebo bakabushikwa kuswa kubafu. Ono bamwi bakakaka kwaangululwa, bakapenshekwa kushikila bafwa, ceebo bakalinga kusuni kwaamba ayi bakabushikwe mubuumi bubotu bwiindaawo.

Milimo ya Batumwi 21:13

Sombi lakwe wakakumbula ayi, “Ino mutoolililanshi akuntutumya? Nshilibambitebo kwaangwa kweenka muJelusalemu, sombi akufwa momunya umo ceebo ca liina lya Mwaami Jesu.”

Mateyo 5:22

Sombi nebo ntoomulwiita ayi uyo woonse ucitile mfundilishi mubye, ulyeelete koomboloshekwa. Awooyo waambila mubye ayi, ‘Taaku mboobete!’ ulyeelete koomboloshekwa munkuta inene. Sombi uyo waamba ayi, ‘Webo omuluya!’ ulyeelete wawaalwa mumulilo utamaani.

Joni 5:29

akuswa mushuumbwe. Lyalo abo bakalinga kucita buyanda Lesa balaakubuka akuba abuumi butamaani, abalo abo bakalinga kucita shibiibi balaakubuka akoomboloshekwa.

Jobo 37:24

Anu nceceeco bantu boonse ncebamulemekela. Ono Lesa taabiki maano kubaabo baliyeeyela kuba basongo.”

2 Baami 17:39

Sombi kamulambilabo ndime neMwaami Lesa, Lesa wanu. Nebo ndaakumufuna kuswa kubalwani banu.”