Mateyo 10:17 - Baibo Busansulushi Bwa Libuku Ili

¹⁷ Mukabacenjelele bantu ceebo balaakumutola munkuta akumukwiipa mushoonde shabo.

Mateyo 10:17 Referans Kwoze

Maako 13:9

“Sombi amwebo mulyeelete kucenjela. Mukwiinga bantu balaakumutola munkuta. Balaakumukwipila mushoonde sha baJuda. Mulaakwiimikana kunembo lya baleli ba shishi alimwi abamaami ceebo ca liina lyangu kwaamba ayi mupe bukamboni pameenso abo.

Mateyo 23:34

Paceebo ceeco, ntoomulwiita ayi ndaakumutumina balaluki, bantu basongo alimwi abafundishi. Bamwi mulaakubacaya akubapopa pamicilingano, abalo bamwi mulaakubakwiipa mushoonde shanu akubapensha kuswa mundabala andabala.

Milimo ya Batumwi 26:11

Mankanda aanji ndakalengesha ayi bapenshekwe mushoonde sha baJuda akwaamba ayi bacileeke kushoma muli Jesu. Ndakalinga mukali cakwaamba ayi ndakalinga kuya mumandabala a mushishi shimwi mukubapensha.

Joni 16:2

Balaakumutanda mushoonde shabo. Ono ciindi cilaakushika bantu beshi bakanoomucaya, ndyeshi bakayeeye ayi batoosebensela Lesa.

Luka 12:11

“Baakumucata ayi bakamoomboloshe mushoonde sha baJuda, kubeendeleshi nabi kubaleli, mutakalisukami ayi mutooliimikanina buyani mukwaamba nabi nceshi mukaambe.

Mateyo 5:22

Sombi nebo ntoomulwiita ayi uyo woonse ucitile mfundilishi mubye, ulyeelete koomboloshekwa. Awooyo waambila mubye ayi, ‘Taaku mboobete!’ ulyeelete koomboloshekwa munkuta inene. Sombi uyo waamba ayi, ‘Webo omuluya!’ ulyeelete wawaalwa mumulilo utamaani.

Milimo ya Batumwi 22:19

Nebo ndakaamba ayi, ‘Nkambo, bantu boonse aba balishi kabotu ayi nebo ndakalinga kuya mushoonde sha baJuda mukwaanga akuuma baabo bashoma muli ndimwe.

Mika 7:5

Utashomi shikamukobonyoko. Utaciinki manungo mumubyo nabi kushoma bunene mukaako. Kocenjela amakani ngootokwaamba

Bene Ebulu 11:36

Bamwi alimwi bakawelulukwa akukwipwa, abalo bamwi bakaangwa ncetani akuwaalwa muntolongo.

2 Timoti 4:15

Awebo ulyeelete kucenjela amuntu uyo ceebo makani ayo ngootushimikila, wakaapikisha abuumbi.

Bene Filipi 3:2

Amucenjele abantu bacita shibiibi abo bali anga mbakabwa, abo bantu bacikakatisha kupalulwa.

Joni 11:47

Lyalo bamatanjilili ba bapailishi abaFalisi alimwi abeendeleshi ba nkuta bakabungana akwiipushanya ayi, “Tutoocita buyani? Amubone shaankamiko kufula nshaatoocita muntu uyu!

Maako 13:12

Muntu ulaakubenga mukwabo wa lifumo lyomwi ayi acaikwe, abalo bamaishiwabo balaakubenga bana babo. Abalo baana balaakubukila bamashali, akubacaisha.

Mateyo 26:59

Bamatanjilili ba bapailishi alimwi abaabo boonse beendelesha munkuta, bakalinga kuyandoola bukamboni bwakubekesha Jesu kwaamba ayi bamucanine mulandu wakumucailaawo.

Milimo ya Batumwi 17:14

Paciindi ceenka ico bashomi bakaambila Paulo abasankwa bamwi ayi baye kulweenge, sombi Sailasi aTimoti bakacaala muBiliya.

Mateyo 20:19

akumwaaba kubaswamashi bakunsengwe. Balaakumuwela, kumukwiipa akumupopa pamucilingano. Sombi pabushiku bwatatu ulaakubushikwa kuswa kubafu!”

Mateyo 10:18

Balaakumutola kubaleli abamaami ceebo ca liina lyangu, kwaamba ayi mukape bukamboni pameenso abo alimwi akubaswamashi bakunsengwe.

Milimo ya Batumwi 9:2

mukusenga makalata akumusuminisha kuya kushoonde sha baJuda kuDamasikasi. Wakalinga kusuni ayi na akacaneko bantu bakonkela kwiisha kwa Mwaami Jesu, banakashi nabi basankwa, akabaange akubatola kuJelusalemu.