Matalikilo 9:16 - Baibo Busansulushi Bwa Libuku Ili

¹⁶ Na nkongolo yaboneka mumakumbi, ndaakwiibona akwiibaluka cipangano camuyayaya ncendakapanga pakati kangu ashimwi shoonse shiyoya sha pacishi ca panshi.

Matalikilo 9:16 Referans Kwoze

Jelemiya 32:40

Ndaakupanga cipangano ambabo calyoonse alyoonse. Ee, teshi nkacileeke kubacitila shibotu nabi kucileka kubalengesha kunoonda amyoyo yabo yoonse kwaamba ayi batakamfutatili tubili.

2 Samwelo 23:5

“Mboboobo Lesa mbweshi akape coolwe bamulunyungu lwangu. Mukwiinga wakapanga cipangano camuyayaya anebo, cililamitwe kabotu alimwi cilaakunoolikobo. Ono nceceecobo nceensunishi, ndolupulusho lwangu, alimwi ndishi kwaamba ayi Lesa ulaakucita ubo.

Matalikilo 17:19

Sombi Lesa wakaamba ayi, “Sobwe taakoonshi. Saala mukaako ulaakukushalila mwaana musankwa alimwi ulaakumutumba ayi Isaki. Ndaakulama cipangano cangu anguwe pantu pomwi abamulunyungu lwakwe lyoonse alyoonse. Cipangano ici ncamuyayaya.

Matalikilo 17:13

Womwi awomwi ulyeelete kupalulwa, alimwi ici cilaakuba citondesho ciboneka pamibili yanu kwaamba ayi cipangano cangu ncamuyayaya.

Bene Ebulu 13:20

Lesa upa luumuno, uyo wakabusha Mwaami Jesu kuswa kubafu, lakwe ngoMweembeshi munene wa mbelele mukwiinga wakalibenga ayi acaikwe alimwi kwiinda mulufu lwakwe, wakabika cipangano citamaani.

Matalikilo 17:7

“Ndaakucita mbondashomesha kuli ndiwe akubamulunyungu lwako mumyaaka iinji itoosa kweelana ambocili ncipangano camuyayaya. Ndaakuba Lesa wako awa bamulunyungu lwako.

Isaya 55:3

“Amuteye matwi kuli ndime akupilukila kuli ndime. Amunkutike kwaamba ayi mube abuumi. Lyalo ndaakupangana amwebo cipangano calyoonse alyoonse. Ndaakumutondesha lusuno lwangu lutamaani kweelana ambondakashomesha Defedi.

Matalikilo 9:17

Ico ncecitondesho ca cipangano ncentoopanga ashintu shoonse shiyoya.”

Esekelo 34:26

“ ‘Ndaakubapa coolwe akubaleka ayi bekale mumisena ishingulukite kalundu kangu kasalalite. Ndaakunootuma mfula yatepetepe muciindi ceelete. Ncakwiila ilaakuba mfula yatepetepe ya coolwe.

Esekelo 37:26

Ndaakupanga cipangano ca luumuno ambabo. Cilaakuba cipangano calyoonse alyoonse. Ndaakushimpya bulelo bwabo akubafusha alimwi ndaakubika Ŋanda yangu pakati kabo kwalyoonse alyoonse.