Matalikilo 8:20 - Baibo Busansulushi Bwa Libuku Ili

²⁰ Nowa wakayakila Mwaami Lesa cipaililo. Mpeeke pabanyama abayuni basalalite kweelana aMilawo, wakabwesa womwi womwi akubatenta pacipaililo bakabumbulu ayi ngumulambu kuli Lesa.

Matalikilo 8:20 Referans Kwoze

Bene Loma 12:1

Ono nobamakwesu ceebo Lesa wakatunyumfwila nkumbu abuumbi, ndamusenga kwaamba ayi mulibeenge amyoyo yanu yoonse ayi mube mulambu uumi kuli Lesa, usalalite alimwi umusangalasha. Iyi njenshila yancinencine yakulambililaamo Lesa.

Matalikilo 22:9

Ndibakashika apo Lesa mpaakamulwiita, Abulaamu wakayaka cipaililo akubambaawo nkuni. Wakaanga mwanaakwe akumubika pacipaililo, peculu lya nkuni.

1 Pita 2:9

Sombi mwebo muli bantu basalitwe, bapailishi ba bwaami, mushobo usalalite alimwi bantu bakwe Lesa. Wakamusala kwaamba ayi mukashimikile shamicito yankusu ya wooyo wakamwiita kuswa kumunshinshe akumwinjisha mumumuni wakwe ukankamika.

1 Pita 2:5

Amwebo mube anga ngamabwe oomi ayo Lesa ngweshi ayakishe ŋanda yakwe ya mushimu. Muŋanda iyo mweshi mukasebensele mbuli bapailishi basalalite mukubenga milambu ya mushimu itambulwa kuli Lesa kwiinda muli Jesu Klistu.

Bene Ebulu 13:10

Anu bapailishi basebensa mumusena ngobapaililaamo baJuda, tabasuminishikwi kulya milambu ya banyama ipekwa pacipaililo.

Kulonga 10:25

Sombi Mose wakakumbula ayi, “Nkokwaamba ayi mulyeelete kutupa banyama bakuya mukubenga milambu amilambu yakutenta kuMwaami Lesa, Lesa wesu.

Matalikilo 35:7

Wakayaka cipaililo uko akutumba musena uyo liina lya Lesa wa kuBetelo, mukwiinga apo peenka Lesa wakaliyubulula kuli nguwe ndyaakalinga kucica mukwabo.

Matalikilo 35:1

Lesa wakaambila Jakobo ayi, “Bulya onoono koya kuBetelo ukekaale nkuko. Ukanjakile cipaililo uko, neLesa uyo wakaboneka kuli ndiwe ndiwakalinga kucica nandumi yako Esau.”

Matalikilo 33:20

Wakayakaawo cipaililo akucitumba ayi Eli, liina lyakwe Lesa wa bene Isilaeli.

Matalikilo 26:25

Isaki wakayaka cipaililo apo akulambila Mwaami Lesa. Lyalo wakayaka musumba apo, mpeeke basebenshi bakwe bakakaba aumwi mukalo.

Matalikilo 13:18

Mpeeke Abulamu wakalonga akuyaka misumba yakwe pafwaafwi amibanga ya kuMamule muEbuloni. Uko nkwaakayakila Mwaami Lesa cipaililo.

Matalikilo 13:4

alimwi apo mpwaakalinga wayaka cipaililo. Apo Abulamu wakalambila Mwaami Lesa.

Matalikilo 7:2

Nyamuna abanyama basalalite kweelana aMilawo bali bosanwe abobilo bacende ampwishi mweelo ngomunya. Sombi kubatasalalite kweelana aMilawo ubwese bobilo bobilo mucende ampwishi.

Matalikilo 4:4

Mpeeke Abelo wakaleta twana twa mbelele tutaanshi kushalwa kushaakwe shimwi, watucaya akubenga mulambu wa shipansha shibotu sha ntuto kuli Lesa. Mwaami Lesa wakamukondwa Abelo akutambula mulambu wakwe.

Matalikilo 22:2

Lesa wakaamba ayi, “Bwesa mwanaako musankwa, mwaana eenkabo ngoocite, uyo ngoosuni abuumbi, uye kucishi ca Moliya. Uko ntookutondesha kalundu mpweshi umubengele ayi ngumulambu kuli ndime.”

Matalikilo 8:19

Banyama boonse abayuni bakaswa mubwaato akuya mutukototukoto twa mishobo yabo.

Jobo 1:5

Ono kwakalinga nkwishibila kwakwe Jobo kwaamba ayi na kusekelela kwamana, lakwe macuunsacuunsa wakalinga kubengela mwanaakwe womwi awomwi mulambu wakutenta mukumusalasha. Wakalinga kucita boobo mukwiinga wakalinga kuyeeya ayi, “Cimwi ciindi bana bangu bakabisha akushingana Lesa cakuteshiba.”

Matalikilo 7:3

Nyamuna abayuni basankwa abanakashi bali bosanwe abobilo mumushobo womwi awomwi. Ucite ubo kwaamba ayi banyama abayuni bamushobo womwi awomwi batakaloobi, sombi bakashalane alimwi pacishi ca panshi.

Kulonga 29:18

Mpomunyaawo ukatente mbelele yoonse iyo pacipaililo ayi ngumulambu wakutenta. Bweema bwa mulambu uyo, bulansangalasha.

Kulonga 29:25

Kuswawaawo ukabanyaaye akushitentela pacipaililo, peculu lya mulambu wakutenta. Bweema bwa mulambu uyo bulansangalasha.