Matalikilo 7:21 - Baibo Busansulushi Bwa Libuku Ili

²¹ Shintu shoonse shiyoya pacishi ca panshi shakafwa. Nkokwaamba ayi bayuni, banyama alimwi abantu boonse.

Matalikilo 7:21 Referans Kwoze

Matalikilo 6:13

Lesa wakaambila Nowa ayi, “Ndayeeya kumanisha buumi bwa bantu boonse. Ntoobanyonyoola cakubamaninisha, ceebo cishi ca panshi cesulabo buumi bwabo bwabulwani.

Matalikilo 7:4

Na peende nshiku shosanwe ashobilo kuswa sunu ndaakutuma mfula ishi ikaloke kwanshiku shili makumi one malumwi amashiku, kwaamba ayi nyonyoole shintu shoonse shiyoya isho nshindakalenga.”

Matalikilo 6:17

Ndaakuleta muyoba pacishi ca panshi kwaamba ayi ukanyonyoole shintu shoonse shuumi. Shintu shoonse shiyoya sha pacishi ca panshi shilaakufwa.

Bene Loma 8:20

Ceebo shilengwa shoonse shakababo anga tashicite ncito, kuteshi mukuyanda kwa nshisho, sombi kwiinda mukuyanda kwakwe Lesa. Nakubi boobo kwakalinga lushomo lwakwaamba ayi

2 Pita 2:5

Alimwi Lesa taakwe kulekabo bantu bakulukulu abo ndyaakaleta muyoba pabantu batakalinga kumunyumfwila. Sombi wakapulushabo Nowa, uyo wakalinga kushimikila shabululami, alimwi abamwi bali bosanwe abobilo.

Bene Loma 8:22

Mukwiinga tulishi kwaamba ayi kushikila acecino ciindi, shilengwa shoonse shilapenga kusheesho shicisa bweenka mbuli walutundu mbwaapenga pakutumbuka.

Luka 17:27

Munshiku isho bakalinga kulya, kunwa, kweeba alimwi akweebwa kushikila bushiku Nowa ndyaakenjila mubwaato. Lyalo muyoba unene wakesa akubanyonyoola boonse.

Mateyo 24:39

Taaku ncebakalinga kwishi kushikila maanshi ndyaakesa akubalobya boonse. Mbomunya ubo mbweshi cikabe pakwisa MwanaaMuntu.

Sefaniya 1:3

Ndaakunyonyoola bantu abanyama boonse, tuyuni twa mwiculu answi sha mulweenge. Lyalo bamucita shibi balaakuba ntantaala ndaakumana kulobya bantu pacishi ca panshi. Nebo neMwaami Lesa ndaamba.”

Jowelo 2:3

Citoolya shishango cakumaninina anga ngumulilo. Kunembo lya ncico cishi cili anga ngumuunda wa Edeni. Sombi nkocitooswa kwababo anga nduyanga. Ncakwiila taaku nabi comwi citoocaalaako.

Osiya 4:3

Ceebo ca shintu isho cishi citoobula maanshi. Shintu shoonse shikalaamo shilaakumana kufwa. Nkokwaamba ayi banyama boonse, bayuni alimwi answi shoonse shilaakumana kufwa.”

Isaya 24:19

Cishi ca panshi casekemuka alimwi capasooka akutenkaanishikwa.

Isaya 24:6

Mwaami Lesa washingana cishi ca panshi. Bantu bekala mumo bapekwa mulandu paceeco ncebakacita. Aboobo bantu bamana kuloba cakwaamba ayi kwacaalabo baniini.

Matalikilo 1:25

Lesa wakalenga banyama bamuluundu, womwi awomwi kweelana amushobo wakwe, banyama bafubwa kweelana amishobo yabo ashilongolo shinene atuniini sheenda panshi kweelana amishobo ya nshisho. Mpeeke Lesa wakabona kwaamba ayi shintu ishi nshibotu.

Jobo 34:15

ncakwiila bantu inga bafwa alimwi akuboolela kubulongo boonse.