Matalikilo 6:6 - Baibo Busansulushi Bwa Libuku Ili

⁶ wakafwa nsoni kwaamba ayi wakalenga bantu akubabika pacishi ca panshi. Mpeeke cakamucisa abuumbi kumoyo.

Matalikilo 6:6 Referans Kwoze

Isaya 63:10

Nakubi boobo bakamwaashukila akukalasha Mushimu wakwe Usalashi. Aboobo wakabaalookila akuba mulwani wabo ncakwiila wakabalwana mwiine.

1 Samwelo 15:11

“Ndanyumfwa nsoni kwaamba ayi ndakalengesha Saulo kuba mwaami, mukwiinga wanfutatila alimwi taakwe kucita mbondakamulwiita.” Lyalo Samwelo wakapenshekwa amoyo akulilila Mwaami Lesa mashiku oonse.

Bene Efeso 4:30

Mutalengeshi Mushimu Usalashi wakwe Lesa kuungumana mukwiinga ncecishibilo cakwe Lesa cakwaamba ayi muli bantu bakwe kushikila pabushiku bwa lupulusho.

Bene Ebulu 3:10

Aboobo, ncendakakalalila bantu abo akwaamba ayi, ‘Lyoonse balakusha myoyo yabo kuli ndime, alimwi balakaka kukonkela milasho yangu lyoonse.’

1 Samwelo 15:29

Lesa uyo uli mboBulemu bwa cishi ca Isilaeli, taabeci nabi kuyeeya bumbi. Taabete mbuli muntu upilooka mukuyeeya.”

2 Samwelo 24:16

Mpeeke munjelo wakalinga kunyonyoola bantu ndyaakanyamuna lyaansa ayi anyonyoole Jelusalemu, Mwaami Lesa wakayeeya bumbi akukasha munjelo uyo ayi, “Mbubo ono! Cileke.” Lyalo wakacileka. Munjelo uyo wakalinga kwiimfwi palubansa lwakulupwitaawo lwakwe Alauna mwine Jebusi.

Shakubelenga 23:19

Lesa taabete anga mbantu abo babeshi. Taabete anga ngumuntu upilula miyeeyo yakwe. Coonse nceenga walasha, ulacicita alimwi na waamba, ncaamba cilacitwa.

Jona 3:10

Ono Lesa ndyaakabona ayi basanduka kunshila shabo shabubi, wakabanyumfwila nkumbu. Aboobo taakwe kubanyonyoola kweelana ambwaakalinga aamba.

Jowelo 2:13

Amukwamoone myoyo yanu kutondesha buumba kuteshi kukwamoona shakufwala shanu. Amuboole kuMwaami Lesa, Lesa wanu. Lakwe ngushiluse alimwi ngushinkumbu. Taakalali bwaangu alimwi ngushilusuno. Ulisunishi kulekelela kwiinda kupa mulandu.

Kulonga 32:14

Aboobo Mwaami Lesa wakapilula miyeeyo yakwe, mpeeke wakacileka kuleta makatasho pabantu bakwe ayo ngaakalinga aamba.

Esekelo 33:11

Balwiite kwaamba ayi, ‘Ndushinisho kweelana ambocibete lushinisho ayi nebo neMwaami Lesa ndi muumi, nebo nshisangalali kubona mucita shibi kaafwa? Sombi ndasangalala kumubona kaasanduka kuswa kunshila shakwe shibiibi akuba abuumi. Amusanduke! Amusanduke kuswa kunshila shanu shibiibi! Ceebonshi mutooyanda kufwa mwebo nobene Isilaeli?’

Jelemiya 26:19

“Sa Esekiya mwaami wa bene Juda nabi umwi uli woonse wa muJuda wakamucaya? Sa Esekiya taakwe kuloonda Mwaami Lesa akusenga ayi abamunyumfwile nkumbu? Sa Mwaami Lesa taakwe kusandula miyeeyo yakwe akutabaletela mapensho ayo ngaakaamba kubapa? Bulya tutooliletelabo mapensho ayoosha.”

1 Makani 21:15

Mpomunyaawo Mwaami Lesa wakatuma munjelo wakwe kuya mukunyonyoola Jelusalemu. Sombi wakayeeya bumbi akwaambila munjelo wakwe ayi, “Mbubo ono! Cileke.” Lyalo wakacileka. Munjelo uyo wakalinga kwiimfwi palubansa lwakulupwitaawo lwakwe Alauna mwine Jebusi.

Isaya 48:18

“Nebakanyumfwila akukonkela milawo yangu, naakwiinga luumuno lulakunkabo anga ngamaanshi mukalonga. Ncakwiila bululami nibwalinga kusefooka anga ngamaaba a mulweenge mbwaacita muloombe.

Kulumbaisha 106:45

Mukubacafwa wakeebaluka cipangano cakwe, alimwi ceebo ca lusuno lwakwe lutamaani wakabooshaamo moyo.

1 Samwelo 15:35

Ono mubuumi bwakwe boonse Samwelo taakwe kubonaawo Saulo alimwi. Nakubi boobo wakoongumana ceebo cakwe Saulo. Alakwe Mwaami Lesa wakafwa nsoni kwaamba ayi wakalengesha Saulo kuba mwaami.

Dutolonomi 32:36

Mwaami Lesa ulaakufuna bantu bakwe, na akabone ayi nkusu shabo shamana. Ulaakubanyumfwila nkumbu basebenshi bakwe, na akabone ayi tabacite wakubacafwa.

Dutolonomi 32:29

Bakaalilwa kwishiba ncebakakomenwa, tabakoonshi kunyumfwa cakacitika kuli mbabo.

Dutolonomi 5:29

Na lyoonse banooyeeya bobulya alimwi kabandemeka akukonkela milawo yangu yoonse, shintu shoonse inga kashibeendela kabotu pantu pomwi abamulunyungu lwabo, lyoonse alyoonse.

Jemusi 1:17

Shipo shoonse shibotu shitacite kampenda shilaswabo kwiculu kuli Lesa Mulengi wa mimuni yoonse ili mwiculu. NguLesa utapilooki mbuli shimfule shilongalonga.

Bene Ebulu 3:17

Ino mbaani abo bakakalasha Lesa myaaka ili makani one? Mbantu abo bakabisha akufwita muluyanga.

Malaki 3:6

“Nebo ndi Mwaami Lesa alimwi nshipilooki. Aboobo mwebo nobamulunyungu lwakwe Jakobo tamuna kunyonyookelabo limwi.

Osiya 11:8

“Anu inga ndakukakilanshi Efuleemu? Anu inga ndakwaabilanshi Isilaeli? Sa inga ndakunyonyoola bweenka mbondakacita Adima? Anu inga ndacita buyani kuli ndiwe bweenka mbondakacita Seboimu? Moyo wangu tookoonshi kunsuminisha kucita boobo. Lusuno lwangu pali ndiwe ndunene abuumbi!

Kulumbaisha 119:158

Ndafundookwa kumoyo na ndalanga bantu batashomeki ceebo tabakonkeli maswi anu.

Kulumbaisha 110:4

Mwaami Lesa wakashomesha cakulumbila alimwi teshi akayeeyewo bumbi. Wakaamba ayi, “Ulaakunoolibo mupailishi lyoonse, bupailishi ubo buli mbuli bwakalinga kucite Melikisedeki.”

Kulumbaisha 95:10

Ndakalinga kukalalite pabantu abo kwamyaaka makumi one. Ndakaamba ayi, “Aba bantu tabashomeki abuumbi! Bakaka kukonkela milawo yangu.”

Kulumbaisha 81:13

Nobantu bangu, nimwankutika, nobene Isilaeli nimwanyumfwila,

Kulumbaisha 78:40

Ndibakalinga muluyanga liinji liinji bakalinga kumubukila. Ncakwiila bakalinga kumulengesha kuungumana mumusena uyo utacite ncito.

Bene Loma 11:29

Na Lesa wasala akupa coolwe muntu, taasanduki.

Matalikilo 6:7

Aboobo wakaamba ayi, “Ntoonyonyoola bantu abo mbondakalenga, pantu pomwi abanyama, shilongolo shinene atuniini sheenda panshi shoonse alimwi abayuni bauluka, mukwiinga canensha nsoni kubalenga.”

Jelemiya 18:7

Na cimwi ciindi ndaambilisha ayi mushobo wa bantu nabi bwaami butumunwe, bupwayoolwe nabi ayi bunyonyoolwe,