Matalikilo 6:17 - Baibo Busansulushi Bwa Libuku Ili

¹⁷ Ndaakuleta muyoba pacishi ca panshi kwaamba ayi ukanyonyoole shintu shoonse shuumi. Shintu shoonse shiyoya sha pacishi ca panshi shilaakufwa.

Matalikilo 6:17 Referans Kwoze

2 Pita 2:5

Alimwi Lesa taakwe kulekabo bantu bakulukulu abo ndyaakaleta muyoba pabantu batakalinga kumunyumfwila. Sombi wakapulushabo Nowa, uyo wakalinga kushimikila shabululami, alimwi abamwi bali bosanwe abobilo.

Matalikilo 7:4

Na peende nshiku shosanwe ashobilo kuswa sunu ndaakutuma mfula ishi ikaloke kwanshiku shili makumi one malumwi amashiku, kwaamba ayi nyonyoole shintu shoonse shiyoya isho nshindakalenga.”

1 Pita 3:20

Mishimu iyi yakalinga ya baabo batakwe kunyumfwila Lesa kale kale, ndyaakalinga kulindila amoyonteeka ciindi ico Nowa ndyaakalinga kupanga bwaato. Mwakalingabo bantu baniinibo, bosanwe abotatwe bakapuluka kumaanshi.

Bene Ebulu 11:7

Ndushomo lwakalengesha ayi Nowa anyumfwile sheesho Lesa nshaakamucenjesha, pashintu shakalinga kweelete kucitika kunembo kaatana kushibona. Wakacita kweelana abwakaamba Lesa kwiinda mukupanga bwaato, umo lakwe, bakaakwe alimwi abana bakwe mobakapulukila. Kwiinda munshila iyi Nowa wakabonesha bantu ba mucishi ca panshi ayi bakalinga kulubite, aboobo Lesa wakabanda Nowa ayi uliluleme kwiinda mukushoma nguwe.

Kulumbaisha 107:34

Cishi ca mboleshi cakaba cikula ceebo ca shibiibi sha bantu bakalingaamo.

Amosi 9:6

Mwaami Lesa wakayaka ŋanda yakwe ya bwaami kwiculu akubika lwiimbi lwa njiyo pacishi ca panshi. Uleeta maanshi a mulweenge akwaaloshesha pacishi ca panshi. Liina lyakwe nguMwaami Lesa.

Kulumbaisha 29:10

Mwaami Lesa ulishiite pacuuna ca bwaami akweendelesha maanshi ayoosha. Ncakwiila unanooli Mwaami lyoonse alyoonse.

Bene Loma 6:23

Ceebo cilambu ca bubi ndufu, sombi cipo cakwe Lesa mbuumi butamaani kwiinda muli Klistu Jesu Mwaami wesu.

Bene Loma 5:21

Ono bweenka mbuli bubi mbobwakaba ankusu akuleta lufu, alwalo luse lwakwe Lesa lwakaba ankusu mukwiinga Lesa ulalulamika bantu pameenso akwe akubaletela buumi butamaani, kwiinda muli Jesu Klistu Mwaami wesu.

Luka 17:27

Munshiku isho bakalinga kulya, kunwa, kweeba alimwi akweebwa kushikila bushiku Nowa ndyaakenjila mubwaato. Lyalo muyoba unene wakesa akubanyonyoola boonse.

Osiya 5:14

Ndaakulwana bene Isilaeli anga ninkalamu, ee, kulwana bene Juda anga ninkalamu icite nkusu abuumbi. Ndaakubakwamoona mutupanshapansha akuya. Ndaakubanyamuna akubatola kwakubula aubafunaako.

Esekelo 34:20

“Paceebo ceeco nebo neMwaami Lesa Shinkusu shoonse ndaamba ayi, ‘Nebo nemwiine ndimeshi nkoomboloshe mbelele shiinite ashinyangite.

Esekelo 34:11

“ ‘Nebo neMwaami Lesa Shinkusu shoonse ndamulwiita ayi ndaakulilangweeta mbelele shangu akusheembela.

Esekelo 6:3

Ulwiite tulundu twa Isilaeli ayi tukutike maswi angu neMwaami Lesa. Tukutike maswi ayo nebo neMwaami Lesa Shinkusu shoonse ngoontokwaamba kuli ntuto, nkokwaamba ayi tunene atuniini, kumimpwaampwa ya ntuto alimwi akushinyika. Nebo ntokwaamba ayi, ‘Ndaakutuma nkondo akunyonyoola misena iyo bantu njebalambilaako shibumbwabumbwa.

Esekelo 5:8

“Aboobo nebo neMwaami Lesa Shinkusu shoonse waamba ayi, ‘Nebo nemwiine ntoomulwana mwebo nobene Jelusalemu alimwi ndaakukupa mulandu bamumishobo imwi kababweneeko.

Isaya 54:9

“Muciindi cakwe Nowa ndakashomesha ayi cishi ca panshi teshi nkacinyonyoolewo tubili amaanshi. Mbweeke ubo ndashomesha kutapulwitawo tubili bukali pali ndimwe. Teshi nkamukalalileewo nabi kumupa mulandu.

Isaya 51:12

Mwaami Lesa waamba ayi, “Nebo ee, nebo neenka ndime muumbulushi. Ceebonshi mutooloonda bantubo abo balibo anga mbwiisu,

Jobo 22:16

Ciindi cabo cakufwa kacitana kushikila, bakalobeshekwa amuyoba.

Dutolonomi 32:39

“ ‘Nebo neenka, ndime Lesa. Taaku Lesa aumwi kwiinda ndime. Ndacaya akupa buumi, ndacisa akushilika. Taaku weenga wakasha nceensuni kucita.

Bene Lefi 26:28

ndaakumwaalukila akwiindilishaawo alimwi pamapensho anu mankanda osanwe aobilo.

Kulonga 14:17

Ntoolengesha ayi bene Ijipiti babe beshicimpamya cakwaamba ayi batoobanjilila mulweenge. Lyalo anebo ntooba abulemu kwiinda mukukoma mwaami wabo, bashilumamba bakwe, shikoci shankondo alimwi abeshikweensha.

Matalikilo 6:13

Lesa wakaambila Nowa ayi, “Ndayeeya kumanisha buumi bwa bantu boonse. Ntoobanyonyoola cakubamaninisha, ceebo cishi ca panshi cesulabo buumi bwabo bwabulwani.

Matalikilo 6:7

Aboobo wakaamba ayi, “Ntoonyonyoola bantu abo mbondakalenga, pantu pomwi abanyama, shilongolo shinene atuniini sheenda panshi shoonse alimwi abayuni bauluka, mukwiinga canensha nsoni kubalenga.”

Mateyo 24:39

Taaku ncebakalinga kwishi kushikila maanshi ndyaakesa akubalobya boonse. Mbomunya ubo mbweshi cikabe pakwisa MwanaaMuntu.

Matalikilo 9:9

“Ntoopanga cipangano bulya amwebo, pantu pomwi abamulunyungu lwanu,

Matalikilo 7:17

Imfula yakatolelela kwa nshiku shili makumi one, alimwi mbuli maanshi mbwaakalinga kuya cifula bwaato bwakatalika kuseela.

Matalikilo 7:15

Cisankwa acanakashi pamushobo womwi awomwi wa shintu shiyoya shoonse shakenjila mubwaato pantu pomwi aNowa,

Matalikilo 2:7

Lyalo Mwaami Lesa wakabwesa bulongo panshi akubumbaamo muntu. Mpeeke wakamuyoyela muuya upa buumi mumashono, mpomunyaawo muntu uyo wakaba abuumi.

Matalikilo 6:16

Ubupangile ciluli akushiya musena wa masentimita ali 44 pakati ka ciluli alubasu lwa bwaato. Ubuyakile mindando yotatwe ya shipinda, umwi panshi, umwi pakati aumwi peculu, akubika mulyaango mulubasu.