Matalikilo 49:28 - Baibo Busansulushi Bwa Libuku Ili

²⁸ Iyi njemikowa ili likumi ayobilo ya bene Isilaeli, alimwi ishi nshesheesho ishiwabo nshaakaamba ndyaakalinga kupa maswi akulasha kweelete mwanaakwe musankwa womwi awomwi.

Matalikilo 49:28 Referans Kwoze

Ciyubululo 7:4

Mpomunyaawo ndakalwiitwa ayi bantu abo bakalinga kucite twishibilo twakwe Lesa pankumo, bakalinga 144,000. Bakaswa kumikowa ya bene Isilaeli ili likumi ayobilo.

Milimo ya Batumwi 26:7

Mishobo yoonse ili likumi ayobilo ya bantu besu batoolangila kutambula ncemunya ico Lesa ncaakashomesha kwiinda mukupaila malumwi amashiku. Aboobo nobaami balemekwa ceebo cakulangila uku baJuda batoombekesha shikani shoonse ishi!

Esita 8:11

Anu mulawo uyo wakalembwa muliina lya mwaami wakasuminisha baJuda mundabala inene yomwi ayomwi kulibungabunga akulitabilila, nkokwaamba ayi kunyonyoola, kucaya akulobya likoto lya bashilumamba boonse ba mushobo uli woonse nabi ba cipansha ca cishi cili coonse abo beenga babalwana akulwana bamakaabo abana babo. Wakabasuminisha akusaala buboni bwa balwani babo.

Esita 8:9

Aboobo balembi ba mwaami bakeetwa pabushiku bwamakumi obilo anshiiku shotatwe mumweenshi watatu wiitwa ayi Sifani. Balembi bakalemba makalata kweelana abwakaamba Modekayi ayi aye kubaJuda, bamaami, beendeleshi abacinenenene bamushipansha sha cishi shoonse shili 127. Nkokwaamba ayi kuswa kuIndiya kuya mukushika kuKushi mukulukulu. Makalata ayo akalembwa kweelana amushobo wakulemba wa cipansha comwi acomwi alimwi mumulaka wa mushobo womwi awomwi. Abalo baJuda bakabalembela kweelana amushobo wabo wakulemba alimwi amumulaka wabo.

Esita 8:7

Mpomunyaawo Mwaami Sakisesi wakaambila Esita mukaakwe aModekayi muJuda ayi, “Amubone, buboni bwakwe Amani ndakabupa Esita alimwi bakaangilila Amani ceebo cakubishisha baJuda.

1 Baami 18:31

Wakabwesa mabwe ali likumi aobilo. Lyomwi alyomwi kaliimikanina mukowa womwi wa bamulunyungu lwakwe Jakobo, musankwa uyo Lesa ngwaakapa liina lya Isilaeli.

Shakubelenga 23:24

Bene Isilaeli balanyamuka anga ninkalamu yanakashi, balalibusha anga ninkalamu isankwa. Tayookeshi kushikila yacaya akulya, akunwa bulowa bwa ceeco nceyacaya.”

Matalikilo 35:22

Jakobo ndyaakalinga kwikala mucishi ico, Lubeni wakakumana aBiluya, womwi wa bakasuwa ba baishi. Jakobo wakacinyumfwa cikani ici alimwi wakakalala abuumbi. Jakobo wakalinga kucite baana bali likumi abobilo.

Jemusi 1:1

Ndime Jemusi musebenshi wakwe Lesa aMwaami Jesu Klistu. Ntoolembela ndimwe nomikowa ili likumi ayobilo yakapalanganina mushishi shimwi shoonse. Ndamwaansha.

Kulonga 28:21

Palibwe lyomwi alyomwi lya mabwe ayo ali likumi aobilo, palyeelete kulembwa liina lyomwi lya mwanaakwe Jakobo musankwa, kwaamba ayi eemikanine mikowa ya bene Isilaeli.

Matalikilo 49:27

“Benjameni nguumpe mukali. Macuunsa amacolesha ulacaya akulya.”

Matalikilo 49:29

Lyalo Jakobo wakaamba ayi, “Bulya mboontoofwa, kukonkela bamakwesu, mukambike kulete bashali bangu bakulukulu mucimfwengo cili mumuunda wakwe Efuloni mwine Iti,

Dutolonomi 33:1

Mose, muntu wakwe Lesa, wakapa bene Isilaeli shoolwe ishi kaatana kufwa.