Matalikilo 47:1 - Baibo Busansulushi Bwa Libuku Ili

¹ Mpeeke Josefu wakabwesa bamakwabo bali bosanwe akuya kumwaami Falawo, akumwaambila ayi, “Bata abamakwesu besa kuswa kuKenani amatanga ambelele, mpongo aŋombe, alimwi ashintu shabo shimwi shoonse. Bashikila kumusena wa Gosheni.”

Matalikilo 47:1 Referans Kwoze

Matalikilo 46:31

Mpeeke Josefu wakaambila bamakwabo abamwi boonse bamuŋanda yakwe Jakobo ayi, “Ndyeelete kuya mukwaambila Falawo ayi bamakwesu abamuŋanda ya bata, abo bakalinga kwikala kuKenani, besa kuno kuli ndime.

Matalikilo 45:10

Mulaakunookala mumusena wa Gosheni kwaamba ayi mukabe pafwaafwi anebo. Nkokwaamba ayi mwebo, bana banu, bashikulu, mbelele, mpongo, ŋombe shanu alimwi asheesho shoonse nshemucite.

Matalikilo 46:28

Jakobo wakatanjisha Juda ayi aambile Josefu bakumanine muGosheni. Ndibakashika,

Bene Ebulu 2:11

Ulasalasha myoyo ya bantu kuswa kushibiibi shabo alimwi lakwe abaabo basalashikwa, boonse balaba aIshiwabo womwi. Nceceeco Jesu ncaatanyumfwili nsoni kubeeta ayi bamakwabo.

Kulonga 9:26

Sombi musena wa Gosheni, umo mwakalinga kwikala bene Isilaeli, ngomusena weenkabo mutakwe kuloka mfula ya mabwe.

Kulonga 8:22

Sombi kumusena wa Gosheni, uko kwikala bantu bangu kwalo ndaakulekakobo, teshi kukabewo baloonshi. Ndaakucita boobo kwaamba ayi mukeshibe ayi nebo neMwaami Lesa ntoosebensa mucishi ici.

Matalikilo 46:34

mumwaambile cakushinisha ayi mwakalinga bafubi alimwi mucili bafubi bweenka mbuli bamashali banu bakulukulu. Na mwaambe boobo ndyeshi amusuminishe kwikala mumusena wa Gosheni.” Josefu wakaamba boobo mukwiinga bene Ijipiti tebakalinga kusunene abeembeshi.

Matalikilo 45:16

Makani akwaamba ayi bamakwabo Josefu besa ndyaakashika kuŋanda ya mwaami, Falawo abacinenenene bakwe bamwi boonse bakakondwa.