Matalikilo 39:9 - Baibo Busansulushi Bwa Libuku Ili

⁹ Muŋanda ino ndicite nkusu shiinji anga nsheesho shaacite, alimwi taaku ncaakankashaawo muŋanda ino kulekabo ndimwe. Ono nebo inga ndacita buyani cintu cibiibi ca mushobo uyu pameenso akwe Lesa?”

Matalikilo 39:9 Referans Kwoze

2 Samwelo 12:13

Mpomunyaawo Defedi wakaambila Natani ayi, “Ncakwiila ndabiisha pameenso aMwaami Lesa.” Mpeeke Natani wakakumbula ayi, “Mwaami Lesa walekelela cibiibi cako, aboobo teshi ukafwe.

Matalikilo 42:18

Pabushiku bwatatu Josefu wakabaambila ayi, “Nebo ndimuntu uloonda Lesa, ono teshi mucaaye na mucite cintu comwi.

Matalikilo 20:6

Lyalo Lesa wakamwaambila muciloto ayi, “Ee ndishi kwaamba ayi ici wakacicita amiyeeyo iluleme. Aboobo ndakulama kwaamba ayi utabishi pameenso angu kwiinda mukumushika pamubili.

1 Joni 3:9

Woonse mwanaakwe Lesa taatoleleli kubisha ceebo mibo yakwe Lesa ili muli nguwe. Mukwiinga Lesa ngoIshi, taakoonshi kutolelela kubisha.

Luka 12:48

Sombi musebenshi uteshi ciyanda mwaami wakwe na wabisha cakuteshiba uloomwabo paniini. Uyo woonse upekwa shiinji ulayandika kuboosha shiinji. Uyo eenka wakapekwa shiinji ulyeelete kuboosha shiinji peculu lya sheesho nshaakapekwa.

Kulumbaisha 51:4

Ndakabishisha ndimwe, ee, mwebo nweenka, ndakacita cintu cibiibi pameenso anu. Ndushinisho mulalulika kuŋamba ayi ndilubite, alimwi tamukwe kulubya kumpa mulandu.

1 Bene Kolinto 4:2

Ono ciyandikabo kubakapekwa mulimo uyu nkwaamba ayi bashomeke kumwaami wabo.

Jelemiya 50:7

Ncakwiila uyo woonse wakabacana wakabanyonyoola. Balwani babo bakalinga kwaamba ayi, ‘Swebo tatucitewo mulandu ceebo bakabishisha Mwaami Lesa uyo wakalinga kubalama, ee, Mwaami Lesa uyo bamashali babo bakulukulu, ngobakalinga kucinkitemo manungo.’

Jelemiya 28:16

Aboobo Mwaami Lesa waamba ayi, ‘Ntooyanda kukushaawo pacishi ca panshi. Utoofwa mwaaka weenka uno ceebo webo waambila bantu kubukila ndime neMwaami Lesa.’ ”

Jobo 31:23

Ceebo Lesa ndamuloonda abuumbi, inga nshicicitiwo ca mushobo uyo.

2 Samwelo 11:27

Cililo ndicakeenda, Defedi wakatuma bantu ayi balete Batisheba kuŋanda yakwe. Lyalo wakamweeba akushalilamo mwaana musankwa. Sombi cikani cakacita Defedi cakacima Mwaami Lesa.

Shakubelenga 32:23

Sombi na mubule kucita kweelana ambomwashomesha, ntoomucenjeshaako ayi mulaakubisha kuMwaami Lesa. Ncakwiila nabi kukabe buyani mulaakupekwa mulandu ceebo cakubisha kwanu uko.

Bene Lefi 6:2

“Mulambu ulyeelete kupekwa na umwi wabisha alimwi akubula kushomeka kuli ndime neMwaami Lesa kwiinda mukukaka kuboosha ceeco cakamupa mwine Isilaelinyina ayi alame, kwiipila mubye, kumucenjeeka,

Tushimpi 6:32

Ono muntu ucita bulale taacitewo maano mukwiinga uyo ulalinyonyoolabo mwiine.

Neyemiya 5:15

Beendeleshi bakataanguna kulela nebo kaantana kubaawo bakalinga kulemya bantu. Bakalinga kubasesa maali a silifa ali 40 pabushiku abushiku a cakulya awaini. Abalo basebenshi babo bakalinga kulyatilila bantu. Sombi nebo nshindakalinga kucita boobo mukwiinga ndaloonda Lesa.

Ciyubululo 22:15

Sombi pansengwe lya ndabala inene iyi mpopali bakabwa abaloshi, bafuule abacayi, abo balambila shibumbwabumbwa alimwi ababeshi mumyaambo amicito.

Bene Ebulu 13:4

Cikwati kamucilemeka noonse alimwi basankwa abamakaabo balyeelete kunooshomeka kuli womwi awomwi mukwiinga Lesa ulaakoombolosha akupa mulandu bafuule alimwi abeshibulale.

Taitasi 2:10

nabi kubeepila shintu. Sombi balyeelete kutondesha ayi balashomeka kwaamba ayi balemeke maswi akwe Lesa Mupulushi wesu mushintu shoonse.

Tushimpi 6:29

Mbweeke ubo mbocibete akumuntu ukumana amuka mubye. Uyo woonse ucita camushobo uyo ulaakupengelaamo.

Neyemiya 6:11

Sombi ndakakumbula ayi, “Sa muntu uli mbuli ndime inga wacica? Sa muntu uli mbuli ndime ulakonsha kuya mukuyuba muŊanda yakwe Lesa kufuna buumi bwakwe? Nebo teshi njeeko.”

Bene Lefi 20:10

“Na musankwa wapukilwa kumuka Isilaelinyina, boonse musankwa amwanakashi balyeelete kucaikwa.

Matalikilo 41:40

Ntookupa bweendeleshi bwa cishi cangu alimwi bantu boonse bananoonyumfwila nsheenga waamba. Nebo ndanookwiindaawobo ceebo ca cuuna ca bwaami nceendiiwo.

Ciyubululo 21:8

Sombi boowa, batashomi, basuni kucita shibiibi, bacayi, bafuule, baloshi, balambila shibumbwabumbwa alimwi ababeshi boonse, musena wabo ndweenge lwa mulilo alimwi asalufa. Ulu ndolufu lwabili.”

Matalikilo 24:2

Mpeeke wakaambila musebenshi wakwe uyo wakalinga munene paboonse alimwi wakalinga kulama shintu shoonse nshaakalinga kucite ayi, “Bika lyaansa lyako pakati ka mabelo angu ushomeshe cakulumbila.

Matalikilo 20:3

Bumwi bushiku mashiku Lesa wakaboneka kuli nguwe muciloto akwaamba ayi “Utoofwa mukwiinga wabwesa mwanakashi uyu weebetwe kale.”

Matalikilo 13:13

umo mwakalinga bantu beshikubisha alimwi bakalinga kubisha abuumbi pameenso aMwaami Lesa.

Matalikilo 20:9

Lyalo Abimeleki wakeeta Abulaamu akumwiipusha ayi, “Nciinshi ncewacita kuli ndiswe? Ncibiibinshi ncendacita kuli ndiwe calengesha kwaamba ayi ulete malwesa pali ndime abulelo bwangu boonse? Kutabi muntu nabi womwi weshi akaciboosheewo ncewacita kuli ndime.”

Matalikilo 39:10

Ono nacibi kwaamba ayi muka Potifa wakalinga kunyengelela Josefu bushiku abushiku, taakwe kukumanaakwe.

Kulonga 20:14

“Utaciti bulale.

Shikushimikila 7:26

Ndibwene cintu cibiibi kwiinda lufu. Cintu ico ngumwanakashi uyo uli anga nkoose. Ncakwiila mwanakashi uyo ucite moyo uli anga ncinsaala. Maansaakwe ali anga nincetani. Musankwa usangalasha Lesa ulakonsha kumuleya, sombi mucita shibi ulaakumucatisha mukoose kakwe.