Matalikilo 39:7 - Baibo Busansulushi Bwa Libuku Ili

⁷ Nshiku ndishakafulafula, muka mwaami wakwe wakatalika kumukumbwa, mpeeke wakasenga Josefu ayi akumanaakwe.

Matalikilo 39:7 Referans Kwoze

2 Samwelo 13:11

Ono cilya Tama ncaakaamba ayi atambike shinkwa kuli nguwe ayi alye, Amunoni wakamucata palyaansa akumwaambila ayi, “Kwesa nkumane awebo nankashi yangu.”

2 Pita 2:14

Tabalangibo mwanakashi cakutamukumbwa, balisunibo kucita bufuule lyoonse. Balalengesha bateshi bayumu mulushomo kubisha. Bakeshibila kuyandishisha buboni. Lesa ulaakubapa mulandu!

Esekelo 16:34

Aboobo webo uli mufuule upuseneeko abafuule bamwi boonse. Taaku bakweendela. Ncakwiila webo ulipusene cancinencine abafuule bamwi ceebo ndiwe ubalipila, sombi webo taaku ncoolipilwaawo, sobwe.”

1 Joni 2:16

Mukwiinga shoonse sha mucishi ca panshi, nkokwaamba ayi isho mubili nshookumbwa, shoonse bantu nshebakumbwa na bashibona alimwi asheesho shoonse shilengesha bantu kulisumpula, tashiswi kuli Ishiwesu, sombi shilaswa mucishi ca panshi.

Mateyo 5:28

Sombi nebo ntoomulwiita ayi uyo woonse ulangilisha mwanakashi calunkumbwa, wacita kale bulale anguwe mumoyo.

Esekelo 16:32

Webo omwanakashi mufuule! Ulisuni basankwa beensu kwiinda ibayo.

Jobo 31:1

“Ndakapangana cipangano ameenso angu ayi teshi nkalangilishewo mwanakashi calunkumbwa.

Esekelo 16:25

Kweela kwa mukwakwa womwi awomwi mwakayakaako misena yakulambililaako akusebaanya bubotu bwanu mukukumana amusankwa uli woonse utokwiinda. Wakalinga kucita boobo mankanda maanji pabushiku bomwi abomwi.

Jelemiya 3:3

Paceebo ceeco mfula ya tepetepe yakacatwa, ee, imfula yakupisha shishango teekwe kulokaawo. Nakubi boobo mwebo mulibo nta mubufuule, ncakwiila cakutanyumfwaawo ansooni napaceyi.

Tushimpi 7:13

Mpomunyaawo wakamucata, wamufyonta kaabongelabongela akumwaambila ayi,

Tushimpi 5:9

Ono na mwabula kucita boobo, bulemu bwanu bulaakutolwa kubantu bamwi. Lyalo mwebo mulaakucaikwa kamucili banike kubantu beshilunkutwe.

Tushimpi 2:16

Busongo bulaakukupulusha kuswa kumwanakashi mufuule, ee, mwanakashi utabete kabotu uyo waamba makani akunyengelela.

Kulumbaisha 119:37

Amunkaashe kubika maano kushintu shitacite ncito. Amumpe buumi kweelana amaswi anu.

Matalikilo 6:2

Ono bana bakwe Lesa basankwa bakabona ayi banakashi abo mbabotu. Aboobo bakeeba baabo mbobakasala.

Tushimpi 1:10

Omwanaangu, na bamucita shibi bakuyungoola, webo utabakonkeleshi napaceyi.

Tushimpi 6:26

Ceebo mufuule ulakonsha kumubwesabo kushinkwa womwi, sombi shibulale ulaakutola buumi bwako boonse.