Matalikilo 38:24 - Baibo Busansulushi Bwa Libuku Ili

²⁴ Ndipakeenda ciindi cakuyanda kukwana myeenshi yotatwe, umwi muntu wakaambila Juda ayi, “Mulokashi wako Tama, wakalinga kucita anga ngumufuule ono bulya ulimitite.” Mpomunyaawo Juda wakaambila bantu ayi, “Amumukusheemo, mumutole mukamuteente kushikila afwe.”

Matalikilo 38:24 Referans Kwoze

Bene Lefi 21:9

“ ‘Ono na mwaana mwanakashi wa mupailishi waba mufuule, wasebaanya baishi. Aboobo ulyeelete kutentwa kushikila wafwa.

Osiya 2:5

Banyinawanu tebakalinga kushomeka alimwi bakalinga kuliletela musebaanyo. Balo bakaamba ayi, ‘Ntooya kubasunikwi bangu, abo beshi bakampe shakulya, shakunwa, shakufwala sha booya bwa mbelele, nsalu shiteshimite, mafuta a olifi alimwi awaini.’

Esekelo 23:44

Ncakwiila basankwa bakalinga kuboola lyobilo lyobilo kubanakashi abo, nkokwaamba ayi kuli Oola aOoliba banakashi bafuule.

Esekelo 23:19

Nakubi boobo wakeendilisha bufuule mukuyeeya nshiku sha bumooye bwakwe ndyaakalinga mufuule muIjipiti.

Esekelo 23:5

“Ono Oola lakwe wakalinga kucita bufuule kaacili mukaangu mukukumbwa bene Asilya basunikwi bakwe.

Boomboloshi 19:2

Bumwi bushiku mwanakashi uyo wakaambana amusankwa mwine Lefi uyo. Lyalo wakaya kuli baishi kuBetileemu mucishi ca Juda uko nkwaakaya mukwikala myeenshi yone.

Bene Loma 14:22

Anu isho nshooshoma pashintu sha mushobo wooyu shilyeelete kubabo pali ndiwe aLesa. Ulicite coolwe uyo utalipi mulandu na wacita cintu ncaayeeya ayi cilyeelete kucitwa.

Osiya 4:15

“Nakubi kwaamba ayi bene Isilaeli tabashomeki kuli ndime, bene Juda balo batakaciti mulandu wa mushobo uyo. Tabeelete kuya mukulambilila kuGilugala nabi kuBeti Afeni alimwi tamweelete kushomesha cakulumbila uko ayi, ‘Kweelana ambocibete lushinisho ayi Mwaami Lesa ngumuumi!’

Osiya 3:3

Lyalo ndakamulwiita ayi, “Ulyeelete kwikala andime nshiku shiinji cakubula kucita bufuule nabi bulale. Anebo ndaakwikala awebo mbomunya ubo, sombi cakutakumanaawo.”

Esekelo 16:41

Balaakukutentela maanda akukupa mulandu pameenso a banakashi baanji. Ndaakumana bufuule bwako alimwi teshi ukalipilewo tubili basunikwi bako.

Esekelo 16:28

“Wakalinga kucita bufuule abene Asilya ceebo cakutakuta kwako, nakubi boobo akwalo uko tookwe kukutaawo, sobwe.

Esekelo 16:15

“ ‘Sombi webo wakacinka manungo mububotu bwako akuba mufuule ceebo ca mpuwo yako. Ncakwiila wakalinga kukumana amusankwa uli woonse utokwiinda.

Jelemiya 3:8

Lyalo Isilaeli ndakamupa nkalata yakumuleka akumutandaanya ceebo ca bufuule bwakwe. Sombi Juda mukwabo utashomeki ulya taakwe kuloondawo, sobwe. Ncakwiila alakwe wakacita bweenka ubo.

Jelemiya 3:6

Muciindi ca bulelo bwakwe Josiya, Mwaami Lesa wakandwiita ayi, “Sa wamubona Isilaeli mwanakashi mufuule utashomeki nshaatoocita. Ulatanta peculu lya tulundu toonse amunshaashisamu shoonse shicite shimfule shibotu akunoocita bufuule.

Jelemiya 3:1

Mwaami Lesa waamba ayi, “Sa na musankwa waleka mukaakwe, alakwe waswaako akuya mukweebwa kumwi, sa inga wamuboosha alimwi? Te ico inga calengesha cishi kutasalala? Sombi webo Isilaeli weebweebwa anga ngumwanakashi mufuule. Ono sa sunu ulisuni kupilukila kuli ndime alimwi?

Jelemiya 2:20

Mwaami Lesa utokwaamba ayi, “Nobene Isilaeli mwakakakabo kale kale bweendeleshi bwangu. Mwakakaka kunyumfwila akunambila. Peculu lyatulundu tulaamfu amunshaashisamu shoonse shicite shimfule shibotu mwakalinga kucita bufuule mukulambila balesa bamwi.

Shikushimikila 7:26

Ndibwene cintu cibiibi kwiinda lufu. Cintu ico ngumwanakashi uyo uli anga nkoose. Ncakwiila mwanakashi uyo ucite moyo uli anga ncinsaala. Maansaakwe ali anga nincetani. Musankwa usangalasha Lesa ulakonsha kumuleya, sombi mucita shibi ulaakumucatisha mukoose kakwe.

2 Samwelo 12:7

Mpeeke Natani wakaambila Defedi ayi, “Muntu uyo ndimwe! Amukutike! Mwaami Lesa, Lesa wa bene Isilaeli waamba ayi, ‘Ndakakusala kuba mwaami wa bene Isilaeli kwiinda mukukunanika mafuta akukufuna ayi Saulo atakucaayi.

2 Samwelo 12:5

Mpomunyaawo Defedi wakakalala abuumbi ceebo ca mubile uyo akwaambila Natani ayi, “Bweenka mbocibete lushinisho ayi Mwaami Lesa ngumuumi, ncakwiila musankwa uyo ulyeelete kucaikwa!

Dutolonomi 24:16

“Bamashali teshi bakacaikwe ceebo ca shibiibi sha bana babo, abalo bana babo teshi bakacaikwe ceebo ca shibiibi sha bamashali babo. Muntu womwi awomwi ulaakucaikwa ceebo cakubisha kwakwe mwiine.

Bene Lefi 20:10

“Na musankwa wapukilwa kumuka Isilaelinyina, boonse musankwa amwanakashi balyeelete kucaikwa.

Matalikilo 34:31

Sombi bakakumbula ayi, “Tatukoonshi kuleka nankashi yesu kabamucita anga ngumufuule wa bafuule.”

Matalikilo 20:9

Lyalo Abimeleki wakeeta Abulaamu akumwiipusha ayi, “Nciinshi ncewacita kuli ndiswe? Ncibiibinshi ncendacita kuli ndiwe calengesha kwaamba ayi ulete malwesa pali ndime abulelo bwangu boonse? Kutabi muntu nabi womwi weshi akaciboosheewo ncewacita kuli ndime.”

Matalikilo 20:7

Ono mubooshe mwanakashi uyu kuli ibaye, mukwiinga ngumulaluki alimwi utookupaililaako kwaamba ayi utafwi. Ono na ubule kumuboosha ntookucenjesha kwaamba ayi webo abantu bako boonse mutoofwa.”

Matalikilo 20:3

Bumwi bushiku mashiku Lesa wakaboneka kuli nguwe muciloto akwaamba ayi “Utoofwa mukwiinga wabwesa mwanakashi uyu weebetwe kale.”

Matalikilo 38:23

Juda wakaamba ayi, “Amumuleeke asunge shintu shilya. Tatusuni bantu kutuseka. Nebo ndeelesha kwaamba ayi mulipile ono tookwe kumucana.”

Esekelo 16:25

Kweela kwa mukwakwa womwi awomwi mwakayakaako misena yakulambililaako akusebaanya bubotu bwanu mukukumana amusankwa uli woonse utokwiinda. Wakalinga kucita boobo mankanda maanji pabushiku bomwi abomwi.

Esekelo 16:26

Wakalinga kucita bufuule abene Ijipiti beshikamukobonyoko beshilunkumbwa. Wakasonkomona bukali bwangu ceebo ca bufuule bwako.