Matalikilo 38:23 - Baibo Busansulushi Bwa Libuku Ili

²³ Juda wakaamba ayi, “Amumuleeke asunge shintu shilya. Tatusuni bantu kutuseka. Nebo ndeelesha kwaamba ayi mulipile ono tookwe kumucana.”

Matalikilo 38:23 Referans Kwoze

Ciyubululo 16:15

“Amunyumfwe! Ntoosa anga ngumwiipi! Ulicite coolwe uyo ushiite kaalama shakufwala shakwe kuloonda kunyumfwa nsoni na weenda matakosha mubantu!”

Bene Efeso 5:12

Cilalensha nsoni akwaamba shintu shicita bantu batanyumfwili Lesa mubushishi.

2 Bene Kolinto 4:2

Twakaleka shoonse sha bushishi shilensha nsoni. Tatuciti milimo mububeshi nabi kubika bubeshi mumaswi akwe Lesa. Sombi pameenso akwe Lesa tulaamba shalushinisho, akweelesha kulengesha bantu boonse ayi batutambule mumyoyo yabo.

Bene Loma 6:21

Ino ono nimpindunshi njemwakacana mukucita shintu isho shitoomulensha nsoni bulya? Taakuuwo. Mukwiinga mamanino a shintu sha mushobo wooyo ndufu.

Tushimpi 6:33

Ulaakuumwa akusebaanishikwa alimwi nsoni shakwe teshi shikamaneewo.

2 Samwelo 12:9

Ino wanyanshilanshi maswi angu nebo neMwaami Lesa kwiinda mukucita cintu cibiibi mumeenso angu? Wakacaisha Uliya mwine Iti munkondo. Wakamucaisha kubene Amoni akubwesa mukaakwe wamweeba.

Matalikilo 38:22

Ila wakaboolela kuli Juda akwaamba ayi, “Nshikwe kumucanaawo, alimwi basankwa bakokulya bandwiita ayi takuna kubawo kale mufuule kulya.”

Matalikilo 38:24

Ndipakeenda ciindi cakuyanda kukwana myeenshi yotatwe, umwi muntu wakaambila Juda ayi, “Mulokashi wako Tama, wakalinga kucita anga ngumufuule ono bulya ulimitite.” Mpomunyaawo Juda wakaambila bantu ayi, “Amumukusheemo, mumutole mukamuteente kushikila afwe.”