Matalikilo 37:5 - Baibo Busansulushi Bwa Libuku Ili

⁵ Bushiku bumwi Josefu wakalota. Ono ingayi alwiite bamakwabo, bakeendaawo kumupata.

Matalikilo 37:5 Referans Kwoze

Matalikilo 28:12

Mpeeke wakalota nshila ya matantilo yakalinga kuswa panshi kushika akwiculu, alimwi abaanjelo bakalinga kutanta bamwi kabaseluka pali njiyo.

Joni 17:14

Ndakabeeisha maswi anu. Paceebo ceeco bamucishi ca panshi bakabapata ceebo balo tabeshi bamucishi bweenka anebo mboonteshi wamucishi.

Jowelo 2:28

“Ciindi caakushika, ndaakutila Mushimu wangu pabantu boonse. Bana banu basankwa abanakashi balaakwaamba maswi angu. Bamacembele banu basankwa balaakulota shiloto. Bacikula bwangu banu basankwa balaakubona shili anga nshiloto.

Danyelo 4:5

Sombi ndakalota cintu ciloondesha akubona shili anga nshiloto shilensha boowa ndindakalinga kulete.

Matalikilo 42:9

Mpeeke wakeebaluka shiloto nshaakalota pali mbabo akwaamba ayi, “Muli basenseshi mwebo, mwesa mukubonabo cishi cesu mpocitashupite kwinjilila.”

Amosi 3:7

Ncakwiila Mwaami Lesa Shinkusu shoonse taaciti cintu, kaatana kuyubulula muyeeyo wakwe kubasebenshi bakwe balaluki.

Shakubelenga 12:6

Lyalo Mwaami Lesa wakaamba ayi, “Ono amunyumfwe nceshi ŋambe! Na pali mulaluki pakati kanu, ndaliyubulula kuli nguwe kwiinda mushili anga nshiloto alimwi akwaambaakwe mushiloto.

Matalikilo 37:4

Mpeeke bamakwabo ndibakabona kwaamba ayi ishiwabo ulisunishi Josefu kwiinda mbabo, bakamupata cakwaamba ayi tebakalinga kusuni akwaambaakwe mukabotu.

1 Baami 3:5

Bushiku ubo Mwaami Lesa wakaboneka kuli nguwe muciloto akumwiipusha ayi, “Nciinshi ncoosuni ayi nkupe?”

Danyelo 2:1

Mumwaaka wabili wa bwaami bwakwe, Nebukadinesa wakalota ciloto ico cakamupensha abuumbi mumoyo cakwaamba ayi taakalinga koona tulo.

Kulumbaisha 25:14

Mwaami Lesa ulaba shicibusa kubamulemeka, ulabayubulwiita cipangano cakwe.

Matalikilo 49:23

Balwani bakwe bakamulwana ciyoosha akumutandaanya kabacite mata amifwi.

Matalikilo 41:1

Ndipakeenda myaaka yobilo, Falawo mwaami wa Ijipiti wakalota kaaimfwi munshaaMulonga wa Nailo,

Matalikilo 40:5

Mashiku amwi kabali muntolongo umo, shikulama waini amunene wa beshikupanga shinkwa boonse bakaba ashiloto isho shakalinga kucite bupandulushi bupusene.

Matalikilo 37:8

Mpomunyaawo bamakwabo bakeepusha ayi, “Sa utoyeeya ayi ulaakuba mwaami akulela ndiswe?” Aboobo bakeendaawo kumupata ceebo ca shiloto shakwe alimwi anshaakalinga kwaamba pali mbabo.

Matalikilo 31:10

“Muciindi cakushalana ndakalota, ndakabona ayi bapeepe bakalinga kutanta bakalinga bamyuubimyuubi, bamabalamabala, alimwi abacisekeleli.

Matalikilo 31:11

Munjelo wakwe Lesa wakabandika anebo muciloto akwaamba ayi, ‘Jakobo!’ Lyalo ndakakumbula ayi, ‘Nkambo.’

Matalikilo 37:6

Wakabalwiita ayi, “Amukutike mbondalota.

Matalikilo 20:3

Bumwi bushiku mashiku Lesa wakaboneka kuli nguwe muciloto akwaamba ayi “Utoofwa mukwiinga wabwesa mwanakashi uyu weebetwe kale.”