Matalikilo 37:14 - Baibo Busansulushi Bwa Libuku Ili

¹⁴ Baishi bakaamba ayi, “Koya ukabone na bamakwanu bali kabotu alimwi mbelele ampongo na shili kabotu. Lyalo ukese ukandwiite.” Mpeeke baishi bakamutuma kuswa mucinyika ca Ebuloni. Josefu wakashika kuShekemu

Matalikilo 37:14 Referans Kwoze

Matalikilo 35:27

Mpeeke Jakobo wakaya kuli baishi baIsaki kuMamule, pafwaafwi aEbuloni, uko Abulaamu aIsaki nkobakekala.

Luka 19:42

Wakaamba ayi, “Awebo naakwiinga kooshi sheesho shintu sheenga shakuletela luumuno. Sombi mukubula coolwe shakashisikwa kuli ndiwe.

Kulumbaisha 125:5

Sombi abo bakonkela nshila shabo shitaluleme, Mwaami Lesa ulaakubatandila nkweshi kukanooli bamucita shibi. Luumuno alube pabene Isilaeli.

Jelemiya 29:7

Kuswawaawo muyandoole luumuno akuswitilila kwa ndabala iyo njendakamutolaako busha. Amumpaile kuli ndime neMwaami Lesa pandabala iyo ceebo na ikaswitilile, amwebo mulaakuswitilila.’

1 Baami 2:33

Mulandu wakucaya uyo aukalilile pali Joabu abamulunyungu lwakwe boonse kwalyoonse alyoonse. Sombi Mwaami Lesa ulaakupa coolwe kubamulunyungu lwakwe Defedi abo beshi banookala pacuuna ca bwaami lyoonsebo.”

2 Samwelo 18:32

Mpeeke mwaami wakeepusha mwine Kushi ayi, “Sa Abusalomu cikula bwangu ngumuumi?” Mwine Kushi uyo wakakumbula ayi, “Nicambotela cacitika kuli nguwe naakwiinga cacitika kubaabo boonse babukila ndimwe nkambo nobaami bangu.”

Joshuwa 14:13

Lyalo Joshuwa wakapa coolwe Kalebu mwanaakwe Jefune akumupa ndabala inene ya Ebuloni ayi njaakwe.

Shakubelenga 13:22

Bakataanguna kuya kumalenge a cishi akushika kuEbuloni, uko kwakalinga kwikala shipani sha bene Ayimani, Sheshayi alimwi aTalimayi, bamulunyungu lwa bantu bapolomene beetwa ayi Anakimu. Ndabala ya Ebuloni ndiyakayakwa, pakeenda myaaka yosanwe ayobilo ayi iyakwe ndabala ya Soani mucishi ca Ijipiti.

Matalikilo 41:16

Josefu wakakumbula ayi, “Anebo nshikoonshi nobaami. Sombi Lesa utoopa bupandulushi buyandika.”

Matalikilo 29:6

Wakeepusha alimwi ayi, “Sa mbayumu?” Bakakumbula ayi, “Ee mbayumubo. ALakelo mwanaabo mwanakashi ngulya waashika alitanga lya mbelele shabo.”

Matalikilo 23:2

Wakafwita muEbuloni mucishi ca Kenani, lyalo Abulaamu wakaya mukumulila abuumbi.

Matalikilo 13:18

Mpeeke Abulamu wakalonga akuyaka misumba yakwe pafwaafwi amibanga ya kuMamule muEbuloni. Uko nkwaakayakila Mwaami Lesa cipaililo.

Joshuwa 14:15

Kalekale cishi ca Ebuloni cakalinga kwiitwa ayi Kilyati Aaba. Muntu wakalinga kwiitwa ayi Aaba wakalinga muntu ulemekwa abuumbi pakati ka bantu bapolomene beetwa ayi bene Anaki. Kuswawaawo inkondo yakaluba mumeenso a bantu boonse mucishi ico.

Matalikilo 23:19

Lyalo Abulaamu wakabika mukaakwe mulobe mucimfwengo ico mucishi ca Kenani.

Matalikilo 37:15

alimwi wakalinga kuyandoola uku akooku muluundu uko. Lyalo muntu umwi wamucana akumwiipusha ayi, “Ino utooyandoolanshi?”

Joshuwa 14:14

Aboobo kuswa ciindi ico ndabala inene ya Ebuloni abobulya njakwe Kalebu mwanaakwe Jefune mwine Kenisi mukwiinga wakakonkela Mwaami Lesa, Lesa wa bene Isilaeli amoyo wakwe woonse.

Boomboloshi 1:10

Kuswawaawo bene Juda bakaya mukulwana bene Kenani bakalinga kwikala mundabala ya Ebuloni, iyo kalekale yakalinga kwiitwa ayi Kilyati Aba. Uko bakaya mukukoma bamumukowa wakwe Sheshayi, Ayimani alimwi aTalumayi.

2 Samwelo 11:7

Uliya ndyaakashika kuli Defedi, wakamwiipusha na Joabu abashilumamba boonse bali kabotu, kubikaawo ankoondo mboyakalinga kweenda.

Matalikilo 43:27

Wakabeepusheepusha mbobatoobuka akwaamba ayi, “Mwakandwiitaawo shabaishiwanu bacembele, abalo batoobuka buyani? Sa bacili boomi, alimwi sa bali kabotu?”

1 Samwelo 17:22

Defedi wakashiya shintu shakwe kuli shikulama shintu sha bashilumamba akucicila kumindando ya nkondo mukwaansha bamanene bakwe.

Esita 2:11

Anu nshiku shoonse Modekayi wakalinga kwiindaana kufwaafwi alubansa lwa musena wa banakashi uyo kwaamba ayi eshibe Esita mbwaakalinga kubuka ashakalinga kucitika kuli nguwe.