Matalikilo 35:1 - Baibo Busansulushi Bwa Libuku Ili

¹ Lesa wakaambila Jakobo ayi, “Bulya onoono koya kuBetelo ukekaale nkuko. Ukanjakile cipaililo uko, neLesa uyo wakaboneka kuli ndiwe ndiwakalinga kucica nandumi yako Esau.”

Matalikilo 35:1 Referans Kwoze

Matalikilo 31:13

Ndime Lesa uyo wakaboneka kuli ndiwe kuBetelo uko nkowakeemika libwe ayi cibe ciibalusho akulipuumwita mafuta a olifi. Alimwi nkokooko nkowakashomeshesha cakulumbila kuli ndime. Ono libambile kupiluka kucishi nkowakashalilwa.’ ”

Osiya 12:4

Wakalwana amunjelo akumukoma. Wakalila akusenga ayi amupe coolwe. KuBetelo Lesa wakesa kumushali wesu mukulukulu akubandikaakwe kweenka uko.

Kulumbaisha 91:15

Na bakasenge lucafwo ndaakubacafwa. Na bakabe mumapensho ndaakunooli abo. Ncakwiila ndaakubafuna akubalemeka.

Dutolonomi 32:36

Mwaami Lesa ulaakufuna bantu bakwe, na akabone ayi nkusu shabo shamana. Ulaakubanyumfwila nkumbu basebenshi bakwe, na akabone ayi tabacite wakubacafwa.

Matalikilo 35:7

Wakayaka cipaililo uko akutumba musena uyo liina lya Lesa wa kuBetelo, mukwiinga apo peenka Lesa wakaliyubulula kuli nguwe ndyaakalinga kucica mukwabo.

Matalikilo 31:3

Lyalo Mwaami Lesa wakamwaambila ayi, “Koya kucishi ca bamashali bako bakulukulu, kubeshikamukowa bako. Nebo ndanooli awebo.”

Kulumbaisha 47:4

Cishi cino ncetwikalaamo ngowakatusalila. Sobamulunyungu lwakwe Jakobo, wakatupa cishi ici ncetusuni ceebo ulitusuni.

Kulonga 2:15

Ono mwaami Falawo ndyaakanyumfwa cikani ici, wakalinga kusuni ayi acaye Mose, sombi Mose wakalobokela kucishi ca Midyani, uko nkwaakaya mukwikala pafwaafwi amukalo.

Matalikilo 22:14

Musena uyo Abulaamu wakautumba ayi, “Lesa ulapa.” Abobulya bantu balaamba ayi, “PaKalundu ka Mwaami Lesa upa.”

Matalikilo 16:8

akumwaambila ayi, “Aga omusha wakwe Salai, waswa kuli alimwi utooya kuli?” Wakakumbula ayi, “Ndaloboka kubayoosha bangu.”

Matalikilo 12:8

Kuswawaawo wakatuntuluka kuya kumalenge kucishi ca tulundu, kwicwe lya ndabala ya Betelo akuyaka misumba yakwe pakati ka ndabala ya Betelo yalo kaili kumbo, aya Aayi yalo kaili kwicwe. Kulya akwalo wakayaka cipaililo akulambila Mwaami Lesa.

Naamu 1:15

Amubone, shinkombe utoosa kucilingana tulundu ee, shinkombe utooleta makani abotu, utokwaambilisha shaluumuno! Mwebo nobene Juda kamuba anshiiku shanu shakusekelela akucita kweelana ambomwakashomesha cakulumbila. Bamucita shibi teshi bakamulwaneewo tubili ceebo balaakunyonyoolwa cakumaninina.

Kulumbaisha 46:1

Lesa nceciyubilo cesu alimwi ngootupa nkusu, ulilibambite kutucafwa lyoonse ndituba mumapensho.

Matalikilo 34:31

Sombi bakakumbula ayi, “Tatukoonshi kuleka nankashi yesu kabamucita anga ngumufuule wa bafuule.”

1 Samwelo 10:3

Lyalo utootolelela kushikila kumubanga wa kuTaboli, uko nkweshi ukumanye basankwa botatwe abo beshi banooya kuBetelo mukubenga mulambu kuli Lesa. Umwi unanooyumwite twana twa mpongo totatwe, umwi shinkwa wotatwe, alimwi watatu unanooyumwite nkomwe ya cipaya iswite waini.

Matalikilo 29:1

Jakobo wakatolelela lweendo lwakwe akuya kucishi cakalinga kwicwe.

Matalikilo 35:15

Mpomunyaawo wakatumbaawo ayi Betelo.