Matalikilo 33:10 - Baibo Busansulushi Bwa Libuku Ili

¹⁰ Jakobo wakaamba ayi, “Sobwe, na mwandekelela amutambule cipo cangu ici. Mukwiinga kubona ciinso canu cilyeelenebo akubona cakwe Lesa, bulya mbomwalinga kutondesha bushicibusa kuli ndime.

Matalikilo 33:10 Referans Kwoze

Jobo 33:26

Lyalo ulapaila kuli Lesa akukumbulwa. Aboobo muntu uyo ulalumbaisha Lesa cakusangalala alakwe Lesa ulamuboosha mbwaakalinga pakataanshi.

Ciyubululo 22:4

Balaakubona ciinso cakwe alimwi liina lyakwe lilaakulembwa pankumo shabo.

Jelemiya 31:2

Ndaakufwita nkumbu bantu beshi bakapuluke munkondo muluyanga. Ndaakwisa mukupa kookesha kubene Isilaeli.”

Matalikilo 32:30

Jakobo wakaamba ayi, “Ndabonana aLesa meenso ameenso alimwi ncili muumi.” Paceebo ceeco musena uyo wakautumba ayi Penyelo.

Kulumbaisha 41:11

Ndishi kwaamba ayi mulisangalete pali ndime, mukwiinga balwani bangu teshi bakankomeewo.

2 Samwelo 14:32

Abusalomu wakakumbula Joabu ayi, “Bona ndatuma nkombe shakukwiita kwaamba ayi nkutume kubaami mukwiipusha ncindakaswita kuGeshuli. Mukwiinga bulya calingabo kabotu akunooshitebo nkuko! Ono bulya ntooyanda kubonana abaami, kwaamba ayi na kuli mulandu ngooncite, bancaayebo cimane.”

2 Samwelo 14:28

Abusalomu wakekala myaaka yobilo muJelusalemu kutabonanaawo amwaami Defedi.

2 Samwelo 14:24

Sombi mwaami Defedi wakaamba ayi, “Abusalomu aye kuŋanda yakwe, nshisuni kubonanaakwe.” Mpeeke Abusalomu wakaya kuŋanda yakwe cakutabonanaawo amwaami.

2 Samwelo 3:13

Defedi wakakumbula ayi, “Cabota, ntoopanga cipangano awebo. Ono ntookusenga cintu comwi. Tooelete kushika muliimfwa lyangu citobo ukalete Mikali mwanaakwe Saulo waakunoosa mukumbona.”

1 Samwelo 20:3

Sombi Defedi wakaamba ayi, “Baiso balishi kwaamba ayi webo ulanyumfwana bumbi anebo. Aboobo bayeeya kutakushibisha muyeeyo ngobacite mukwiinga balishi ayi inga cakupa buumba. Ono ntooshomesha cakulumbila ayi, ‘Bweenka mbocibete lushinisho ayi Lesa ngumuumi anebo lufu lulibo muliimfwa.’ ”

Lute 2:10

Lute wakafukaminina Bowasi cakushisha ciwa panshi akwaamba ayi, “Ceebonshi mwalisukama boobo pali ndime? Ceebonshi mwaba ankuumbu sha mushobo uyu kuli ndime nemuswamashi?”

Matalikilo 50:4

Ciindi ca kulila ndicakeenda Josefu wakaambila bacinenenene ba mwaami ayi, “Amunyumfwileeko nkumbu. Amuye mundwiitileeko mwaami Falawo ayi,

Matalikilo 47:29

Ciindi cakufwa ndicakashika pafwaafwi, wakatuma nkombe kuli Josefu mwanaakwe ayi ese. Mpeeke wakamwaambila ayi, “Bika maansa ako pakati ka mabelo angu, ushomeshe cakulumbila ayi teshi ukambike muIjipiti.

Matalikilo 19:19

Mwanyumfwila kale nkumbu alimwi mwapulusha buumi bwangu. Ono kutulundu kwalaampisha kucicilaako. Kunyonyoolwa uku kutooncanikisha akuncaya kaantana kushika kutulundu.

Mateyo 18:10

“Amucenjele ayi mutanyanshi nabi womwi wa baaba baana baniini. Ceebo ntoomulwiita ayi baanjelo baabo nkobali lyoonse kuli baTa bali kwiculu. [

Matalikilo 43:3

Mpomunyaawo Juda wakamwaambila ayi, “Musankwa uyo wakatucenjeshelabo limwi ayi teshi akatusuminisheewo kushika muliimfwa lyakwe, sombibo Benjameni katuli akwe.

Matalikilo 33:9

Sombi Esau wakaamba ayi, “Ndicite shiinji mukwaabo. Bamba nshoocite omwiine.”

Matalikilo 33:11

Ndaseenga mutambule cipo ncendamuletela. Lesa wakalinga kunyumfwila luse, aboobo wakampa shoonse nsheensuni mubuumi.” Jakobo wakatolelela kumusenga kushikila wakasumina.